Məmmədəmin Bəkirov

Məmmədəmin Bəkirov
Bəkirov Məmmədəmin Yaqub oğlu
Məmmədəmin Bəkirov.
Doğum tarixi	1 sentyabr 1925(1925-09-01)
Doğum yeri	Baş Layısqı, Nuxa qəzası, Azərbaycan SSR, ZSFSR, SSRİ
Vəfat tarixi	29 yanvar 2009 (83 yaşında)
Vəfat yeri	Jeleznovodsk, Stavropol ölkəsi, Rusiya
Dəfn yeri	Jeleznovodsk, Stavropol, Rusiya
Elm sahəsi	fizika
Elmi dərəcəsi	fizika-riyaziyyat elmləri doktoru
Elmi adı	professor
Təhsili	• Nuxa Dövlət Müəllimlər İnstitutu (–1947)  • S.M.Kirov adına Azərbaycan Dövlət Universiteti, fizika-riyaziyyat fakültəsi (–1951)
Uşaqları	Yevgeniya, Yusif və Xuraman
Adının digər versiyaları	Memmedemin Bekirov, Mammadamin Bakirov, Mammadamin Bekirov, Мамедамин Бекиров, Мәммәдәмин Бәкиров

Məmmədəmin Bəkirov (1925–2009) — fizika-riyaziyyat elmləri doktoru, professor.

Haqqında məlumatlar

1 sentyabr 1925-ci il tarixdə Nuxa qəzasının Baş Layısqı kəndində anadan olub.

Təhsili

1947-ci ildə Nuxa Dövlət Müəllimlər İnstitutunu,

1951-ci ildə S.M.Kirov adına Azərbaycan Dövlət Universitetinin fizika-riyaziyyat fakültəsini bitirib.

Hərbçi fəaliyyəti

Ali məktəbi qurtardıqdan sonra Leninqrad Hərbi Dəniz Akademiyasında dinləyici olub, daha sonra isə Qara dəniz hərbi donanmasında qulluq edib.

Əmək fəaliyyəti

1956-cı ildə Azərbaycan SSR EA Fizika İnstitutunda kiçik elmi işçi,

1971-ci ildən fotoelektrik çeviriciləri laboratoriyasının rəhbəri olub.

1988 – 1996-cı illərdə Azərbaycan SSR EA-da/AMEA-da radiasiya tədqiqatları bölməsinə rəhbərlik edib.

1996-ci ildə təqaüdə çıxıb.

Elmi fəaliyyəti

Yarımkeçiricilərdə fotoeffekt hadisələrinin ilk tədqiqatçılarından biridir.

1960-cı ildə selen yarımkeçiricisindən ilk dəfə günəş batareyası düzəldib radioqəbuledicini səsləndirmişdir.

1976-cı ildə namizədlik,

1981-ci ildə isə doktorluq dissertasiyasını müdafiə edib.

200-dən çox məqalənin, 5 monoqrafiyanın, 70 müəlliflik şəhadətnaməsinin müəllifidir.

Təltif və mükafatları

Bəzi işləri SSRİ Xalq Təsərrüfatı Nailiyyətləri Sərgisinin gümüş və bürünc medallarına layiq görülüb.

Vəfatı

1996-cı ildən Rusiya Federasiyasının Stavropol ölkəsinin Jeleznovodsk şəhərində yaşayıb.

29 yanvar 2009-cu il tarixdə – 83 yaşında, Jeleznovodskda vəfat edib. Orada da dəfn olunub.

Ədəbiyyat

1. Məmmədov Ə., Xalıqov F. Bəkirov Məmmədəmin // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 69-71. — 1.000 nüsx.
2. Şükürov R., Orsər R. Bəkirov Məmmədəmin Yaqub oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 175. — (Ş 4702060200). — 1.000 nüsx. — ISBN 978995244710.
3. Adışirinov K. Göynük mahalı: siyasi, coğrafi, mədəni tarixi və folkloru (I kitab). — Azərbaycan Milli Elmlər Akademiyası Şəki Regional Elmi Mərkəzi, folklorşünaslıq və el sənətləri şöbəsi. — Bakı: Elm və təhsil, 2019. — Səhifələrin sayı:  272 – 275. Arxivləşdirilib; arxivləşdirmə tarixi: 20 iyun 2021.