Rafiq Şükürov

Rafiq Şükürov
Şükürov Rafiq Şükür olu
Rafiq Şükürov.
Anadan olub	1 noyabr 1952 (1952-11-01)
Anadan olduğu yer	Aşağı Küngüt, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	V.İ.Lenin adına Azərbaycan Dövlət Pedaqoji İnstitutu, riyaziyyat fakültəsi (1969–1973)

Rafiq Şükürov — tanınmış pedaqoq və təhsil işçisi; müxtəlif illərdə Şəki Məişət Xidməti Texnikumunun, Şəki Texnologiya Texnikumunun və Şəki Pedaqoji Texnikumunun/Şəki Pedaqoji Kollecinin direktoru vəzifəsində çalışmışdır. 2016-cı ildən əmək təqaüdündədir.

Haqqında məlumatlar

1 noyabr 1952-ci il tarixdə Nuxa (indiki Şəki) rayonunun Aşağı Küngüt kəndində anadan olub.

Təhsili

1959 – 1967-ci illərdə Aşağı Küngüt kənd orta məktəbində,

1967 – 1969-cu illərdə Nuxa/Şəki şəhər 10 №-li orta məktəbində,

1969 – 1973-cü illərdə V.İ.Lenin adına Azərbaycan Dövlət Pedaqoji İnstitutunun riyaziyyat fakültəsində təhsil alıb.

Əmək fəaliyyəti

1973-cü ildən Baş Kəldək kənd səkkizillik məktəbində və Aşağı Küngüt orta məktəbində fizika-riyaziyyat müəllimi,

1978 – 1983-cü illərdə Aşağı Daşağıl kənd səkkizillik məktəbinin direktoru,

1983 – 1988-ci illərdə Şəki Pedaqoji Məktəbinin tədris işləri üzrə direktor müavini,

1988-ci ildən Şəki Məişət Xidməti Texnikumunun direktoru,

1993-cü ildən Şəki Texnologiya Texnikumunun direktoru,

1994 – 2016-cı illərdə Şəki Pedaqoji Texnikumunun/Şəki Pedaqoji Kollecinin direktoru vəzifəsində çalışıb.

İctimai-siyasi aktivliyi

1997-ci ildən Yeni Azərbaycan Partiyasının üzvüdür və partiyanın hər üç qurultayının nümayəndəsi olub.

Kitabları

• Pedaqogika tarixindən mühazirə materialları (2004);
• Pedaqogika dərsləri (2005);
• İşıq məbədi (Ramiz Orsərlə birlikdə, 2010).

Ailəsi

Ailəlidir, üç övladı var.

Ədəbiyyat

1. Məmmədov Ə., Xalıqov F. Şükürov Rafiq // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 375-376. — 600 nüsx. — ISBN 5-8066-1708-4.
2. Şükürov R., Orsər R. Şükürov Rafiq Şükür oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 133. — (Ş 4702060200). — 1.000 nüsx. — ISBN 978995244710.

Həmçinin, bax:

• Məjlum Şükürov