Fərrux Həmidzadə

Fərrux Həmidzadə
Həmidzadə Fərrux Yunus oğlu
Fərrux Həmidzadə.
Doğum tarixi	6 iyun 1913(1913-06-06)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1 may 1974 (60 yaşında)
Vəfat yeri	Şəki, Azərbaycan SSR, SSRİ
Həyat yoldaşı	Aişə
Uşaqları	Dinar, Şəfəq, Nigar
Atası	Yunus
Anası	Xatın
Təhsili	• Nuxa Kənd Təsərrüfatı Texnikumunu  • Azərbaycan Tibb İnstitutu, müalicə-profilaktika fakültəsi (1932–1937)
Mükafatları

Fərrux Həmidzadə (1913–1974) — tanınmış həkim-cərrah, Böyük Vətən müharibəsi iştirakçısı, tibb xidməti polkovniki, Azərbaycan SSR əməkdar həkimi, Şəki Mərkəzi Rayon Xəstəxanasının baş həkimi.

Haqqında məlumatlar

6 iyun 1913-cü il tarixdə Nuxada (indiki Şəki), fəhlə ailəsində anadan olub.

Təhsili

Nuxada yeddillik məktəbi və

1932-ci ildə Nuxa Kənd Təsərrüfatı Texnikumunu bitirib.

1932 – 1937-ci illərdə Azərbaycan Tibb İnstitutunun müalicə-profilaktika fakültəsində təhsil alıb.

Əmək fəaliyyəti

Şəki Mərkəzi Rayon Xəstəxanasının həkim və feldşerləri xəstəxananın baş həkimi Fərrux Həmidzadənin kabinetində (soldan: Samiyə Ocaqova, Vəhyəddin Səlimov, Gülü İlyasov (feldşer, ayaq üstə), Əsəd Məmmədov, Cabbar, Rövşən (feldşer), Adilə, Nəsib Əbdürrəhmanov, Fərrux Həmidzadə (baş həkim), Cavahir Abbasova, Sabir Həmidov), 1973-cü il.

1932-ci ildə bir neçə ay Nuxa MTS-də işləyib (Baş Zəyzid kəndində aqronom).

1937-ci ildən, əvvəl bir müddət Gədəbəy rayon səhiyyə şöbəsinin müdiri, sonra isə Qax rayon xəstəxanasında baş həkim,

1945 – 1948-ci illərdə Nuxa şəhər mərkəzi xəstəxanasında cərrah,

1946 – 1974-cü illərdə əvvəl Nuxa şəhər, sonra Nuxa rayon, daha sonra yenidən Nuxa şəhər səhiyyə şöbəsinin müdiri,

1963 – 1968-ci illərdə Nuxa şəhər sanitar xəstəxanasının,

1968 – 1974-cü illərdə Şəki Mərkəzi Rayon Xəstəxanasının baş həkimi vəzifəsində çalışıb.

Hərbi xidmətdə

Fərrux Həmidzadənin hərbi sənədlərindəki fotoşəkli.

1944-cü ildə Fərrux Həmidzadənin “Qırmızı Ulduz” ordenini ilə təltif edilməsi üçün tərtib edilmiş təqdimat.

25 noyabr 1937-ci il tarixdə Qax Rayon Hərbi Komissarlığından hərbi xidmətə qəbul edilib. Böyük Vətən müharibəsi (1941–1945) iştirakçısıdır. 1945-ci ildə tibb xidməti mayoru idi.

Təltif və mükafatları

• “Döyüş xidmətlərinə görə” medalı (27.12.1942);
• “Qafqazın müdafiəsinə görə” medalı (01.05.1944)
• “Qırmızı Ulduz” ordeni (02.08.1944);
• SSRİ Ali Baş Komandanın təşəkkürü (5 dəfə) Böyük Vətən müharibəsində göstərdiyi şücaətlərə görə;
• I dərəcəli “Vətən Müharibəsi” ordeni (21.03.1945);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (09.05.1945);
• “İgidliyə görə” medalı;
• “Azərbaycan SSR əməkdar həkimi” fəxri adı (1964);
• “Səhiyyə əlaçısı” döş nişanı.

İctimai-siyasi fəaliyyəti

1948, 1961 və 1963-cü illərdə Nuxa şəhər Sovetinin, 1951, 1957, 1959, 1965-ci illərdə isə Nuxa rayon Sovetinin deputatı seçilib.

1948-ci ildə şəhər sovetinin birinci sessiyasında şəhər sovetinin icraiyyə komitəsinin heyətinə üzv seçilib. O cümlədən, şəhər sovetinin birinci sessiyasında şəhər sovetinin səhiyyə şöbəsi müdiri vəzifəsinə təsdiq edilib.

Vəfatı

1 may 1974-cü il tarixdə – 60 yaşında, Şəkidə vəfat edib.

Ailəsi

Övladları: Dinar – anestezioloq-reanimatoloq, Şəfəq – göz həkimi, Nigar – Şəki Şəhər Uşaq İncəsənət Məktəbində fortepiano müəllimi.

Ədəbiyyat

1. Гамид-заде Фаррух Юнус-оглы : [arx. 13.06.2023] : [rus.] // Память народа. — Müraciət tarixi: 13.06.2023.

   Гамидзаде Фаррух Юнус-оглы : [arx. 19.07.2021] : [rus.] // Память народа. — Müraciət tarixi: 19.07.2021.

   Гамид-заде Фаррух Юнус-оглы : Картотека награждений : [arx. 22.07.2021] : [rus.] // Память народа. — Müraciət tarixi: 22.07.2021.

2. Mete Ə. Doktor Həmidzadə // O torpağın övladları. — Bakı: Nurlan, 2006. — Səhifələrin sayı:  608. — Səh.: 342-343. — 500 nüsx.