Mustafa Qədimov
Mustafa Qədimov | |
---|---|
Qədimov Mustafa İdris oğlu | |
![]() | |
Mustafa Qədimov. | |
Anadan olub | 15 avqust 1909 |
Anadan olduğu yer |
Nuxa (indiki Şəki), Nuxa qəzası, Yelizavetpol quberniyası, ![]() |
Vəfat edib | 24 mart 1992 (82 yaşında) |
Vəfat etdiyi yer |
Şəki, ![]() |
Həyat yoldaşı | Nazan Əliabbas qızı |
Uşaqları | Nihat (1938–2018), Rauf (1942), Azər (1953–2018) |
Təhsili |
• N.Nərimanov adına Texnikum (Bakı), elektromexanika şöbəsi (1926–1929) • M.Əzizbəyov adına “Qırmızı Əmək Bayrağı” ordenli Sənaye İnstitutu, müəssisələrin elektrik avadanlığı mühəndisi ixtisası (1929–1934) |
Mustafa Qədimov (1909–1992) — tanınmış energetik-mühəndis; sovet dövründə bir sıra sənaye müəssisələrinin, o cümlədən, V.İ.Lenin adına Nuxa İpək Kombinatının direktoru vəzifəsində çalışmış, həmçinin, bir müddət Nuxa şəhər Zəhmətkeş Deputatları Soveti İcraiyyə Komitəsinin sədri olmuşdur.
Haqqında məlumatlar[Vizual redaktə | HTML redaktə]
15 avqust 1909-cu il tarixdə Nuxada (indiki Şəki) anadan olub.
Təhsili[Vizual redaktə | HTML redaktə]
Tiflisdə peşə təhsili aldıqdan sonra
1926 – 1929-cu ildə N.Nərimanov adına Texnikumun (Bakı) elektromexanika şöbəsində,
1929 – 1934-cü illərdə M.Əzizbəyov adına “Qırmızı Əmək Bayrağı” ordenli Sənaye İnstitutunda (müəssisələrin elektrik avadanlığı mühəndisi ixtisası üzrə) təhsil alıb.
Əmək fəaliyyəti[Vizual redaktə | HTML redaktə]
1934-cü ildə Bakı Şəhər Sovetinin nəzdindəki Layihə İnstitutuna işə götürülüb. Sonra bir müddət Lenin adına Nuxa İpək Kombinatında, daha sonra isə Bakı şəhər Tramvay parkında mühəndis işləyib. Böyük Vətən müharibəsi (1941 – 1945) dövründə arxa cəbhədə saxlanılıb və 1945-ci ilədək Bakı şəhər Tramvay parkının müdiri olub.
1948-ci ildən Nuxa şəhər Zəhmətkeş Deputatları Soveti İcraiyyə Komitəsinin sədri,
1955 – 1957-ci illərdə V.İ.Lenin adına Nuxa İpək Kombinatının direktoru vəzifəsində çalışıb.
O cümlədən, 1945 – 1970-ci illərdə əvvəl Nuxa şəhərindəki su elektrik stansiyasının tikintisinə rəhbərlik etmiş, sonra isə elektrik stansiyasının müdiri olmuşdur. Daha sonra Nuxa kommunal xidmətləri idarəsinin və enerji-satış idarəsinin direktoru vəzifəsində, sonralar isə Mingəçevir-Nuxa yüksəkgərginlikli elektrik xəttinin çəkilişinə rəhbərlik etmiş və bundan sonra əvvəl Nuxa/Şəki paylayıcı elektrik şəbəkəsi idarəsinin, daha sonra isə 5 №-li Elektrik-Quraşdırma İdarəsinin müdiri vəzifəsində çalışmışdır.
1970-ci ildə əmək təqaüdünə çıxdıqdan sonra əmək fəaliyyətini Şəki Paylayıcı Elektrik Şəbəkəsi İdarəsində məsləhətçi mühəndis kimi davam etdirib.
İctimai fəaliyyəti[Vizual redaktə | HTML redaktə]
1948-ci ildə həm Nuxa rayon sovetinin və həm də Nuxa şəhər sovetinin,
1950-ci ildə Nuxa şəhər Sovetinin,
1957-ci və 1959-cu illərdə Nuxa rayon Sovetinin deputatı seçilib.
1957-ci ildə Nuxa rayon Sovetinin birnci sessiyasında rayon soveti icraiyyə komitəsi heyətinə üzv seçilib.
Vəfatı[Vizual redaktə | HTML redaktə]
24 mart 1992-ci il tarixdə – 82 yaşında, Şəkidə vəfat edib.
Ədəbiyyat[Vizual redaktə | HTML redaktə]
- Göyçəli M. Mustafa Qədimov / Nəsillərə nümunə şərəfli ömür yolu // XX-XXI əsrin yaradıcı və ziyalı insanları. — Bakı, 2014. — X hissə cild. — Səh.: 162.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
- M
- Şəxslər (familiya sırası ilə)
- Şəkidən çıxmış Böyük Vətən müharibəsi iştirakçıları
- Şəki İpək kombinatının direktorları
- 1909-cu ildə doğulanlar
- 15 avqustda doğulanlar
- Avqustda doğulanlar
- 24 martda vəfat edənlər
- Martda vəfat edənlər
- 1992-ci ildə vəfat edənlər
- Şəxslər (ad sırası ilə)
- Şəki Ensiklopediyası:Yoxlanılmış məqalələr əlifba sırası ilə