Mustafa Cabbarzadə

Mustafa Cabbarzadə
Cabbarzadə Mustafa Cabbar oğlu
Mustafa Cabbarzadə.
Doğum tarixi	1903(1903-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1 iyul 1963 (60 yaşında)
Vəfat yeri	Bakı, Azərbaycan SSR, SSRİ
Həyat yoldaşları	Nazilə, Ruhiyə
Uşaqları	Ləman, Ramiz və Əfşan (anaları: Nazilə); Vaqif, Namiq, Ülfan (anaları: Ruhiyə)
Atası	Cabbar
Anası	Sitarə
Vətəndaşlıq	Rusiya İmperiyası→ SSRİ
Təhsili	Azərbaycan Pedaqoji İnstitutu, fizika-riyaziyyat fakültəsi (1923–1927)
Mükafatları

Mustafa Cabbarzadə (1903–1963) — sovet dövrünün ortalarında Şəkidə tanınmış pedaqoqlardan biri olmuş və toxuculuq texnikumunun direktoru vəzifəsində çalışmış şəxs.

Haqqında məlumatlar

Mərkəzdə Əhmədbəy Tahirov. Sağdakı Mustafa Cabbarzadə, soldakı Qurban Abbasov. Ayaq üstə dayanan oğlanın Mustafa və Qurbanın qardaşı Süleyman, Əhmədbəy Tahirovun əlini çiyninə qoyduğu oğlanın isə onların kiçik qardaşları Məmməd olduğu ehtimal edilir.

1903-cü ildə Nuxada (indiki Şəki) anadan olub.

Təhsili

1920-ci ildə Nuxada üç aylıq müəllimlər kursunu bitirib.

1923 – 1927-ci illərdə Azərbaycan Pedaqoji İnstitutunun fizika-riyaziyyat fakültəsində təhsil alıb.

Əmək fəaliyyəti

1920 – 1923-cü illərdə Nuxa şəhər 7 №-li yeddiillik məktəbində əvvəl müəllim, sonra müdir,

1927-ci ildən, əvvəl Nuxa fəhlə fakültəsində, sonra Nuxa pedaqoji məktəbində müəllim,

1931 – 1933-cü illərdə Nuxa fəhlə fakültəsinin direktoru,

1933 – 1996-cı illərdə Bakı fəhlə fakültəsinin tədris hissə müdiri və müəllimi,

1936 – 1943-cü illərdə Bakı Elektrorabitə Texnikumunun tədris hissə müdiri və müəllimi,

1943 – 1954-cü illərdə Nuxa rayon xalq maarif şöbəsinin müdiri,

1954 – 1956-cı illərdə Nuxa şəhər 5 №-li məktəbinin direktoru,

1956-cı ildən ömrünün sonunadək Nuxa toxuculuq texnikumunun direktoru vəzifəsində çalışıb.

İctimai-siyasi aktivliyi

1944-cü ildən Kommunist partiyasının üzvü olub.

Dəfələrlə şəhər partiya komitəsinin üzvü, şəhər və rayon Sovetlərinin deputatı seçilib.

Təltif və mükafatları

• “Qafqazın müdafiəsinə görə” medalı;
• “Qırmızı Əmək Bayrağı” ordeni (1949);
• “Əmək igidliyinə görə” medalı.

Vəfatı

1 iyul 1963-cü il tarixdə – 60 yaşında, ağır xəstəlikdən sonra Bakıda vəfat edib. Vəfatı münasibəti ilə Nuxada çap olunan “Lenin bayrağı” qəzetində Nuxa şəhər partiya komitəsinin birinci katibi Əbdülrəhim Məmmədovun, Nuxa şəhər sovetinin sədri İsmət Quliyevanın və digər vəzifəli şəxslərin imzası ilə nekroloq dərc olunub.

Digər

Tanınmış pedaqoq Qurban Abbasovun (1908–1973) qardaşıdır.

Ədəbiyyat

1. MUSTAFA CABBARZADƏ = МУСТАФА ҸАББАРЗАДӘ // Məhyəddin Abbasov (redaktor) Lenin bayrağı : qəzet. — Nuxa: Nuxa mətbəəsi, 1963. — В. 3 iyul. — № 88 (220). — Səh. 4.
2. Bəşirov R., Hacıyev N. CABBARZADƏ MUSTAFA CABBAR OĞLU // Unudulmaz illər. — Bakı: “Qismət” mətbəəsi, 2007. — Səhifələrin sayı:  200. — Səh.: 64.
3. MUSTAFA CABBARZADƏ // Məzunlar / Akif Əli (tərtibçi). — Bakı: Elm və təhsil, 2012. — Səhifələrin sayı:  356. — Səh.: 117. — ISBN 978-9952-8176-4-5.
4. Məmmədov Ə., Xalıqov F. Cabbarzadə Mustafa // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 75. — 1.000 nüsx.

Həmçinin, bax:

• Nuxa rayon və şəhər sovetlərinin deputatları (1948)
• Nuxa rayon və şəhər sovetlərinin deputatları (1951)