Qurban Abbasov

Qurban Abbasov
Abbasov Qurban Cabbar oğlu
Qurban Abbasov.
Doğum tarixi	14 yanvar 1908(1908-01-14)
Doğum yeri	Nuxa (indiki Şəki), Yelizavetpol quberniyası, Rusiya İmperiyası
Vəfat tarixi	23 aprel 1973 (65 yaşında)
Vəfat yeri	Şəki, Azərbaycan SSR, SSRİ
Uşaqları	Aydın Abbasov, İlham Abbasov
Vətəndaşlıq	SSRİ
Təhsili	• Nuxa Pedaqoji Məktəbi (–1926)  • Azərbaycan Dövlət Darülfünunun/Azərbaycan Pedaqoji İnstitutu, kimya-biologiya fakültəsi (1929–1932)

Qurban Abbasov (1908–1973) — tanınmış pedaqoq, uzun müddət Şəki Pedaqoji Məktəbində pedaqoji fəaliyyətlə məşğul olmuş, müxtəlif illərdə məktəbin tədris hissəsi müdiri və direktoru vəzifəsini tutmuşdur.

Haqqında məlumatlar

14 yanvar 1908-ci ildə – Qurban bayramı günü, Nuxada (indiki Şəki) sənətkar ailəsində anadan olub.

Təhsili

1918-ci ildə Nuxa rus-tatar məktəbində, sonra isə Nuxa nümunə-zəhmət məktəbində təhsil alıb.

1926-cı ildə Nuxa Pedaqoji Məktəbini bitirib.

1929 – 1932-ci ildə Azərbaycan Dövlət Darülfünunun/Azərbaycan Pedaqoji İnstitutunun kimya-biologiya fakültəsində təhsil alıb.

Hərbi xidmətdə

Böyük Vətən müharibəsi iştirakçısıdır;

1941-ci ilin avqust ayında hərbi xidmətə çağırılıb. Kiçik leytenant hərbi rütbəsi ilə döyüşlərdə iştirak edib və yaralanıb.

4 fevral 1943-cü il tarixdə, hərbi xidmət üçün yararsız vəziyyətə düşdüyünə görə (II qrup əlil) ordudan tərxis edilib.

Əmək fəaliyyəti

1926-ci ildən Nuxa şəhər 10 №-li orta məktəbində ibtidai sinif müəllimi,

1929-cu ildə Nuxa şəhər 9 saylı məktəbin direktoru və müəllimi olub.

1932-ci ildən Stalin adına Nuxa pedoqoji məktəbində müəllim,

1939-cu ildən 1941-ci ilin avqust ayına qədər və

1943-cü ilin ortalarından 1952-ci ilə qədər tədris hissəsi müdiri,

1952 – 1957-ci illərdə isə direktor vəzifəsində çalışıb.

1957 – 1961-ci illərdə Nuxa şəhər 10 №-li orta məktəbin tədris hissəsi müdiri,

1961 – 1963-cü illərdə Nuxa şəhər 11 №-li orta məktəbin direktoru,

1963 – 1972-ci illərdə Nuxa şəhər 2 №-li internat-məktəbinin direktoru vəzifəsində çalışıb.

1972-ci ilin sentyabr ayında əmək təqaüdünə çıxıb.

İctimai-siyasi fəaliyyəti

Bir neçə çağırış Nuxa şəhər Zəhmətkeş Deputatlar Sovetinin deputatı seçilib.

1949 – 1953-cü illərdə Nuxa rayon Xalq məhkəməsinin iclasçısı olub.

Vəfatı

23 aprel 1973-cü il tarixdə – 65 yaşında, Şəkidə vəfat edib.

Ədəbiyyat

1. Аббасов Курбан Джаббар-оглы : [arx. 14.11.2021] : [rus.] // Память народа. — Müraciət tarixi: 14.11.2021.
2. Bəşirov R., Hacıyev N. Abbasov Qurban Cabbar oğlu // Unudulmaz illər. — Bakı: “Qismət” mətbəəsi, 2007. — Səhifələrin sayı:  200. — Səh.: 61-62.
3. Şükürov R., Orsər R. Abbasov Qurban Cabbar oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 119-121. — (Ş 4702060200). — 1.000 nüsx. — ISBN 978995244710.
4. Qurban Abbasov // Məzunlar / Akif Əli (tərtibçi). — Bakı: Elm və təhsil, 2012. — Səhifələrin sayı:  356. — Səh.: 123-125. — ISBN 978-9952-8176-4-5.