Yunis Məmmədov

Yunis Məmmədov
Məmmədov Yunis Mirzəməmməd oğlu
Yunis Məmmədov.
Digər adı	Yunus
Anadan olub	3 may 1900(1900-05-03)
Anadan olduğu yer	Qışlaq, Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	6 yanvar 1987 (86 yaşında)
Mükafatları

Yunis Məmmədov (1900–1987) — sovet dövründə Nuxa (indiki Şəki) rayon sovetinin sədri və bu kimi digər məsul vəzifələrdə çalışmış şəxs. Sosialist Əməyi Qəhrəmanı idi.

Haqqında məlumatlar

3 may 1900-cü il tarixdə Nuxanın (indiki Şəki) Qışlaq kəndində anadan olub.

Təhsili

1923-cü ilin sentyabr ayında Bakıda hərbi-siyasi məktəbə daxil olub.

Əmək və hərbçi fəaliyyəti

1914-cü ildə atasının vəfat etməsindən sonra 1920-ci ilədək Nuxa Qışlağındakı ipək fabrikində fəhlə,

1920-ci ilin fevral ayından 1921-ci ilə qədər isə isə Nuxa Qışlağında muzdur işləyib.

1921-ci ildən 1923-cü ilin fevral ayındadək hərbi xidmətdə olub.

1923-cü ilin fevral ayından sentyabr ayınadək Nuxa şəhərindəki 3 nömrəli ipək fabrikində ipək-əyirici fəhlə vəzifəsində çalışıb.

1923-cü ilin sentyabr ayından 1937-ci ilin noyabr ayınadək yenidən hərbi sahədə fəaliyyət göstərib; hərbi-siyasi təhsilini tamamladıqdan sonra orduda əvvəl siyasi rəhbər, sonra diviziya siyasi şöbəsinin təlimatçısı, daha sonra alay hərbi komissarı vəzifəsində xidmət edib.

1937-ci ilin noyabr ayından SSRİ Dövlət Bankının Azərbaycan konturunda baş müfəttiş, Nuxa pedaqoji məktəbində və Nuxa Dövlət Müəllimlər İnstitutunda hərbi rəhbər vəzifəsində çalışıb.

1941-ci ildə Böyük Vətən Müharibəsinin başlamasından sonra yenidən hərbi xidmətə çağırılıb; o cümlədən,

1941-ci ilin sentyabr ayından 1943-cü ilin yanvar ayınadək əvvəl döyüşən orduda batalyon hərbi komissarı, sonra inşaat-fəhlə dəstəsinin rəisi və bu kimi digər vəzifələrdə xidmət edib.

1943-cü ilin yanvar ayından sonra əvvəl Azərbaycan K(b)P MK-nın kadr şöbəsində təlimatçı, sonra Azərbaycan K(b)P Vartaşen (indiki Oğuz) rayon komitəsinin ikinci katibi vəzifəsində çalışıb.

1946–cı ilin fevral ayında Zəhmətkeş Deputatları Nuxa Rayon Soveti İcraiyyə Komitəsinin sədri seçilib.

6 yanvar 1951-ci il tarixdə 3-cü çağırış Nuxa rayon zəhmətkeş deputatları Sovetinin birinci sessiyasında növbəti dəfə rayon icraiyyə komitəsinin sədri seçilib. Bundan sonra Nuxa rayon Sənaye kombinatının direktoru, daha sonra Nuxa şəhər kommunal təsərrüfat idarəsinin müdiri və s. bu kimi digər vəzifələrdə çalışıb.

1963-cü ildən ittifaq əhəmiyyətli təqaüdçü idi.

Digər

1926-cı ildən ÜİK(b)P-nın üzvü olub.

1947-ci ildə 127 nömrəli Oxud seçki dairəsindən Azərbaycan SSR Ali Sovetinin deputatı seçilib.

1948-ci ildə həm Nuxa rayon, həm də Nuxa şəhər sovetinin,

1950-ci ildə isə yalnız Nuxa rayon sovetinin deputatı seçilib.

Təltif və mükafatları

• “Qafqazın müdafiəsinə görə” medalı;
• “1941 – 1945-ci illər Böyük Vətən müharibəsində Almaniya üzərində qələbəyə görə” medalı;
• “1941 – 1945-ci illər Böyük Vətən müharibəsində arxada fəadakar əməyinə görə” medalı medalı;
• “Qırmızı Ulduz” ordeni (06.11.1945);
• “Sosialist Əməyi Qəhrəmanı” adı (29.07.1949);
• Lenin ordeni (29.07.1949).

Vəfatı

6 yanvar 1987-ci il tarixdə – 86 yaşında, Şəkidə vəfat edib.

Ailəsi

Atası: Mirzəməmməd (?–1914), əvvəllər yoxsul kəndli olmuş, sonralar arabaçılıq etmişdir.

Həmçinin, bax:

• Nuxa rayon və şəhər sovetlərinin deputatları (1948)
• Nuxa rayon və şəhər sovetlərinin deputatları (1951)
• Şəki (Nuxa) rayon və şəhər Sovetlərinin sədr, sədr müavini və katiblərinin siyahısı

Ədəbiyyat

1. Мамедов Юнус Мирза Мамедович : [arx. 09.11.2022] : [rus.] // Память Народа. — Müraciət tarixi: 09.11.2022.
2. Мамедов Юнус Мирза-Мамеда : [arx. 09.11.2022] : [rus.] // Память Народа. — Müraciət tarixi: 09.11.2022.
3. Мамедов Юнус Мирза Мамед-оглы : [arx. 09.11.2022] : [rus.] // Память Народа. — Müraciət tarixi: 09.11.2022.
4. Azərbaycan SSR Ali Soveti deputatlığına namizədlər : fəal sovet işçisi = Азәрбайҹан ССР Али Совети депутатлығына намизәдләр : фәал совет ишчиси // Məhyəddin Abbasov (məsul redaktor) Nuxa fəhləsi : qəzet. — Nuxa: Kirov adına Nuxa mətbəəsi, 1947. — В. 30 yanvar. — № 15 (3923). — Səh. 2.
5. Указ Президиума Верховного Совета СССР «О присвоении звания Героя Социалистического Труда передовикам сельского хозяйства Азербайджанской ССР» от 1 июля 1949 г.  // Ведомости Верховного Совета СССР. — 29.07.1949. — № 37 (584). — С. 2.
6. Yunis Məmmədov // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1982. — VI  cild. — Səhifələrin sayı:  647. — Səh.: 501. — 80.000 nüsx.
7. Məmmədov Ə., Xalıqov F. Məmmədov Yunis // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 395. — 1.000 nüsx.
8. Mete Ə. Əməyi ilə ucalan insan // O torpağın övladları. — Bakı: Nurlan, 2006. — Səhifələrin sayı:  608. — Səh.: 401-402. — 500 nüsx.