Tofiq Qaffarov

Tofiq Qaffarov
Qaffarov Tofiq Mustafa oğlu
Tofiq Qaffarov, 3 iyul 1969-cu il (foto: M.Salis)
Doğum tarixi	4 oktyabr 1935(1935-10-04)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfatı	22 iyul 1991 (55 yaşında)
Vəfat yeri	Şəki, Azərbaycan, SSRİ
Dəfn yeri	Xoçik qəbiristanlığı, Şəki
Həyat yoldaşı	Xuraman Abbasəli qızı Qaffarova
Uşaqları	Elçin, Aybəniz və İlhamə
Təhsili	S.M.Kirov adına Azərbaycan Dövlət Universiteti, filologiya fakültəsi (–1960)

Tofiq Qaffarov (1935–1991) — tanınmış pedaqoq, Şəki şəhər 12 №-li orta məktəbinin təlim-tərbiyə işləri üzrə direktor müavini. Daha əvvəl Şəki Şəhər Maarif Şöbəsinin müdiri vəzifəsində çalışmışdır. Ədəbi-bədii yaradıcılıqla da məşğul idi.

Haqqında məlumatlar

4 oktyabr 1935-ci il tarixdə Nuxada (indiki Şəki) anadan olub.

Təhsili

1954-cü ildə orta məktəbi,

1960-cı ildə isə S.M.Kirov adına Azərbaycan Dövlət Universitetinin filologiya fakültəsini bitirib.

Əmək fəaliyyəti

1960 – 1969-cu illərdə, Əvvəl Zaqatala rayonunda, Sonra isə Nuxa/Şəki rayonunda orta məktəb müəllimi,

1969 – 1975-ci illərdə Azərbaycan KP Şəki şəhər komitəsində ideoloji işçi,

1975 – 1979-cu illərdə Şəki Şəhər Maarif Şöbəsinin müdiri,

1979 – 1991-ci illərdə isə Şəki şəhər 12 №-li orta məktəbinin təlim-tərbiyə işləri üzrə direktor müavini vəzifəsində çalışıb.

Ədəbi-bədii yaradıcılığı

Erkən yaşlarından ədəbi-bədii yaradıcılığa maraq göstərib, lirik və satirik şeirlər, nəsr əsərləri və publisist yazılar yazıb. Sağlığında hekayə və məqalələri “Ədəbiyyat və incəsənət”, “Azərbaycan nüəllimi”, “Şəki fəhləsi” və “İpəkçi” qəzetlərində dərc edilib.

2016-cı ildə – vəfatından 25 il keçəndən sonra isə “Gözümün işığı, dilimin sözü” adlı kitabı çap olunub.

Vəfatı

22 iyul 1991-ci il tarixdə – 55 yaşında, Şəkidə vəfat edib. Şəkidə Xoçik qəbiristanlığında dəfn olunub.

Ədəbiyyat

1. Adışirinov K. XX əsr Şəki ədəbi-mədəni mühüti (1900–2000-ci illər) / AMEA Şəki Regional Elmi Mərkəzi. — Bakı, 2015. — I  kitab. — Səhifələrin sayı:  489. — Səh.: 227 – 250. — 500 nüsx. Arxivləşdirilib; arxivləşdirmə tarixi: 19 sentyabr 2022.
2. Mustafayeva A. “Gözümün işığı, dilimin sözü” // Şəki bələdiyyəsi qəzetinin saytı. — 2016. — В. 6 oktyabr. — № 10 (144). Arxivləşdirilib; arxivləşdirmə tarixi: 3 noyabr 2020.
3. Sadıxlı Y. “Gözümün işığı, dilimin sözü” // Şəki bələdiyyəsi : qəzet. — 2016. — В. oktyabr. — Səh. 5.
4. Orsər R. Tofiq Qaffarov // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 349-351. — 500 nüsx. — ISBN 978-9952-8176-5-2.