1700-cü ilin mart ayında Şəki vilayətin ağsaqqalları Şah Sultan Hüseynin yanına öz nümayəndələrini göndərərək vilayətin o vaxtkı məliyi Məlik Həsənin vəzifədən götürülməsini, Şəkinin məlikliyi vəzifəsinə isə keçmiş məlik Səfərqulunun oğlunun – Məhəmmədxan bəyin, təyin edilməsini xahiş etmişdilər. Şah Sultan Hüseyn Şəki əhalisindən 500 ədəd əşrəfi (qızıl sikkə) peşkəş və yüz tümən iltizam pulu alınması şərti ilə həmin xahişi qəbul etmişdir[1][2]. Məhəmmədxan bəyin bu vəzifədə nə vaxtadək çalışması məlum deyil. Yalnız məlumdur ki, oğlu Əlimərdan bəy Nadir şahın 26 noyabr 1734-cü il tarixli fərmanı ilə Şəkiyə məlik təyin olunmuşdur[3].
