Nəzir Əhmədov
Nəzir Əhmədov | |||||||
---|---|---|---|---|---|---|---|
Əhmədov Nəzir Laçın oğlu | |||||||
![]() | |||||||
Nəzir Əhmədov. | |||||||
|
|||||||
|
|||||||
Sələfi | Hüseyn Mustafabəyli | ||||||
Xələfi | Əşrəf Məmmədov | ||||||
|
|||||||
|
|||||||
Doğum tarixi | 27 dekabr 1925 | ||||||
Doğum yeri |
Kəhrizoba, Şəki qəzası, ![]() ![]() ![]() |
||||||
Vəfat tarixi | 5 mart 2005 (79 yaşında) | ||||||
Vəfat yeri |
Fatmaye kənd qəbiristanlığı, Abşeron rayonu, ![]() |
||||||
Atası | Laçın Əhmədov | ||||||
Həyat yoldaşı | Zlota Əhmədova | ||||||
Uşağı | Nərgiz Əhmədova | ||||||
Təhsili |
Nuxa Pedaqoji Texnikumu (1940–1942) Leninqrad Dövlət Universiteti, siyasi-iqtisad fakültəsi, (1950–1955) |
||||||
Elmi dərəcəsi | iqtisadiyyat elmləri namizədi | ||||||
Təltifləri |
![]() ![]() ![]() |
Nəzir Əhmədov (1925–2005) — dövlət xadimi, iqtisadçı alim və yazıçı. 1992-ci ildə Heydər Əliyevə müraciət edərək onu Azərbaycanda hakimiyyətə çağıran “91-lər”dən biridir; Heydər Əliyevin 1993-cü ildə hakimiyyətə qayıdışından az sonra, əvvəl Şəki şəhər İcra hakimiyyətinin başçısı vəzifəsinə təyin olunmuş, daha sonra isə Azərbaycan Respublikası iqtisadiyyat nazirinin müavini vəzifəsinə keçirilmişdir. Sovet dövründə də məsul vəzifələr tutmuş, müxtəlif illərdə Zaqatala və Abşeron rayon partiya komitələrinin birinci katibi olmuşdur. Həmçinin, həmin illərdə Azərbaycan KP MK-nın üzvü, Azərbaycan SSR Ali Sovetinin deputatı da seçilmişdir.
Haqqında məlumatlar[Vizual redaktə | HTML redaktə]
27 dekabr 1925-ci il tarixdə Şəki qəzasının Kəhrizoba kəndində anadan olub.
Təhsili[Vizual redaktə | HTML redaktə]
1940-cı ildə Təpəcənnət kənd yeddiillik məktəbini bitirib.
1940-ci ildə Nuxa Pedaqoji Texnikumuna daxil olub; lakin 1942-ci ildə təhsilini yarımçıq buraxaraq könüllü olaraq hərbi xidmətə gedib.
1944 – 1946-cı illərdə Xarkov şəhərində hərbi kəşfiyyat məktəbində, eyni zamanda axşam orta məktəbində,
1950 – 1955-ci illərdə isə Leninqrad Dövlət Universitetinin siyasi-iqtisad fakültəsində təhsil alıb.
Hərbi xidməti[Vizual redaktə | HTML redaktə]
7 mart 1942-ci il tarixdə Nuxa Rayon hərbi Komissarlığından orduya qəbul edilib. Böyük Vətən müharibəsində iştirak edib və SSRİ Daxili İşlər Nazirliyinin Sərhəd Qoşunlarında xidmət edib.
14 oktyabr 1948-ci il tarixdə kapitan rütbəsi ilə ordudan tərxis olunub.
Əmək fəaliyyəti[Vizual redaktə | HTML redaktə]
1955 – 1956-ci illərdə Sov.İKP Leninqrad Vilayət Partiya komitəsində təlimatçı, bölmə müdiri,
1956 – 1957-ci illərdə S.M.Kirov adına Azərbaycan Dövlət universitetində və N.Nərimanov adına Azərbaycan Dövlət Tibb İnstitutunda müəllim,
1957 – 1959-cu illərdə Azərbaycan KP Bakı Şəhər Partiya Komitəsində bölmə müdiri,
1959 – 1963-cü illərdə Azərbaycan KP MK-da əvvəl təbliğat-təşviqat şöbəsində, sonra isə təşkilat şöbəsində təlimatçı,
1963 – 1974-cü illərdə Azərbaycan KP Zaqatala Rayon Partiya Komitəsinin birinci katibi,
1974 – 1975-ci illərdə Azərbaycan KP Abşeron Rayon Partiya Komitəsinin birinci katibi,
1975 – 1993-cü illərdə Azərbaycan SSR/Azərbaycan Respublikası Dövlət Plan Komitəsinin Elmi-Tədqiqat İnstitutunda baş elmi işçi və şöbə müdiri,
1993 – 1998-ci illərdə Şəki şəhər İcra hakimiyyətinin başçısı,
1998 – 2001-ci illərdə isə Azərbaycan Respublikası iqtisadiyyat nazirinin müavini vəzifəsində çalışıb. 30 aprel 2001-ci il tarixdə nazirliyin ləğv olunması ilə əlaqədar vəzifəsindən azad edilib.
İctimai-siyasi fəaliyyəti[Vizual redaktə | HTML redaktə]
1966 – 1974-cü illərdə Azərbaycan KP MK-nın üzvü,
1967 – 1971-ci illərdə Azərbaycan SSR Ali Sovetinin deputatı və təbiəti mühafizə daimi komissiyasının sədri olub.
1965 – 1970-ci illərdə SSRİ rəsmi nümayəndə heyəti tərkibində Çexoslovakiya, Kuba, ABŞ, Macarıstan və Rumıniyaya xarici səfərlərdə iştirak edib.
16 Oktyabr 1992-ci il tarixdə Naxçıvan Muxtar Respublikası Ali Məclisinin sədri Heydər Əliyevə müraciət edərək onu Azərbaycanda hakimiyyət uğrunda açıq və fəal mübarizəyə səsləyən müraciəti imzalayan 91 nəfərdən biri olub.
Elmi fəaliyyəti[Vizual redaktə | HTML redaktə]
İqtisad elmləri namizədi olmaqla yanaşı, 3 elmi kitabın, 40 çap vərəqi həcmində elmi-nəzəri məqalələrin də müəllifidir.
Ədəbi yaradıcılığı[Vizual redaktə | HTML redaktə]
“Nəzir Eltəkin” ədəbi təxəllüsü ilə ədəbi fəaliyyətlə məşğul olub, şeir, poema və povestlər yazıb. 1996-cı ildən Azərbaycan Yazıçılar Birliyinin üzvü idi.
Kitabları[Vizual redaktə | HTML redaktə]
- Desələr xatırlayın, Bakı, Elm, 1995, 160 s., 1500 nüsxə;
- İzim qala, Bakı, “Ulduz” nəşriyyatı, 1995, 99 s. 500 nüsxə;
- Sarı Laçın, Bakı, Azərnəşr, 1996, 54 s. 2000 nüsxə;
- Ömür körpüsü, Bakı, Azərnəşr, 1998, 640 s. 1000 nüsxə;
- İsmipünhan sorağında Bakı, Şirvannəşr, 1998, 149 s. 1000 nüsxə;
- Qaçaq Abbas Bakı, Gənclik, 2001, 226 s. 500 nüsxə;
- Ömrün son baharı (şeirlər və poemalar) (2006).
Təltif və mükafatları[Vizual redaktə | HTML redaktə]
- “Qırmızı Əmək Bayrağı” ordeni, 1966.
- “Lenin” ordeni, 1968.
- “Şərəf nişanı” ordeni, 1969.
- SSRİ XTNS-nin 2 qızıl medalı və birinci dərəcəli diplomlar, 1967, 1970.
- 15 medal
Vəfatı[Vizual redaktə | HTML redaktə]
5 mart 2005-ci il tarixdə – 79 yaşında, Bakıda vəfat edib. Abşeron rayonunun Fatmaye kənd qəbiristanlığında, həyat yoldaşı Zlota Əhmədovanın qəbrinin yanında dəfn olunub.
Ədəbiyyat[Vizual redaktə | HTML redaktə]
- Ахмедов Назир Лачин-оглы : [arx. 26.12.2021] : [rus.] // Память народа. — Müraciət tarixi: 26.12.2021.
- Məmmədov Ə., Xalıqov F. Əhmədov Nəzir // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 88-89. — 600 nüsx. — ISBN 5-8066-1708-4.
- Şükürov R., Orsər R. Əhmədov Nəzir Laçın oğlu // İşıq məbədi. — Bakı: İdeal-Print, 2010. — Səhifələrin sayı: 310. — Səh.: 177. — (Ş 4702060200). — 1.000 nüsx. — ISBN 978995244710.
- Vaqif Aslan Seçilmiş əsərləri. — Bakı, 2010. — IV cild. — Səhifələrin sayı: 91.
- Əhmədov T. Azərbaycan yazıçıları XX–XXI yüzillikdə. — Bakı: “Nurlar” Nəşriyyat-Poliqrafiya Mərkəzi, 2011. — Səhifələrin sayı: 1056. — Səh.: 709. — 1.000 nüsx. — ISBN 978-9952-460-06-3. Arxivləşdirilib; arxivləşdirmə tarixi: 28 oktyabr 2021.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
- N
- Şəxslər (familiya sırası ilə)
- Şəkidən çıxmış dövlət xadimləri
- Şəkidən çıxmış görkəmli şəxslər
- Şəkidən çıxmış şair və yazıçılar
- Şəkidən çıxmış pedaqoqlar
- Şəkidən çıxmış hərbçilər
- Şəkidən çıxmış alimlər
- Şəkidən çıxmış Böyük Vətən müharibəsi iştirakçıları
- Şəki şəhər İcra hakimiyyəti başçıları
- 1925-ci ildə doğulanlar
- 27 dekabrda doğulanlar
- Dekabrda doğulanlar
- 5 martda vəfat edənlər
- Martda vəfat edənlər
- 2005-ci ildə vəfat edənlər
- "Qırmızı Əmək Bayrağı" ordeni (SSRİ) laureatları
- Lenin ordeninin kavalerləri
- "Şərəf Nişanı" ordeni laureatları
- Dövlət xadimləri
- Şəxslər (ad sırası ilə)
- “Şəki: Alim və ziyalılar” kitabına istinad olunan məqalələr
- “İşıq məbədi” kitabına istinad olunan məqalələr
- Şəki Ensiklopediyası:Yoxlanılmış məqalələr əlifba sırası ilə