Tural Adışirin

Tural Adışirin — şair, publisist və ədəbiyyatşünas, “Manera.az” ədəbi-mədəni saytının redaktoru, Dünya Gənc Türk Yazarlar Birliyi İdarə Heyətinin üzvü, AMEA Şəki Regional Elmi Mərkəzinin ədəbi-mədəni mühit, folklor və etnoqrafiya şöbəsinin elmi işçisi.

Tural Adışirin
Adışirin Tural Kamil oğlu
Tural Adışirin.
Doğum tarixi	26 fevral 1990 (1990-02-26)
Doğum yeri	Oxud, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Şəki Regional Elmi Mərkəzi (elmi işçi)
Təhsili	• Azərbaycan Müəllimlər İnstitutunun Şəki filialı, filologiya, azərbaycan dili və ədəbiyyatı fakültəsi, bakalavriat (2007–2011)  • Lənkəran Dövlət Universiteti, filologiya, azərbaycan dili və ədəbiyyatı fakültəsi, magistratura (2017–2019)
Atası	Kamil Adışirinov

Haqqında məlumatlar

26 fevral 1990-cu il tarixdə Şəki rayonunun Oxud kəndində anadan olub.

Təhsili

1997 – ci ildə Oxud kənd səkkizillik məktəbində,

1997 – 1999-cu illərdə Qoxmuq kənd tam orta məktəbində,

2000 – 2007-ci illərdə Şəki şəhər 9 saylı beynəlmiləl tam orta məktəbində,

2007 – 2011-ci illərdə Azərbaycan Müəllimlər İnstitutunun Şəki filialının filologiya, azərbaycan dili və ədəbiyyatı fakültəsinin bakalavriatnda,

2017 – 2019-cu illərdə Lənkəran Dövlət Universitetinin filologiya, azərbaycan dili və ədəbiyyatı fakültəsinin magistraturasında təhsil alıb.

Əmək fəaliyyəti

2011 – 2014-cü illərdə Oğuz rayon Malıx kənd ümumi orta məktəbində,

2014 – 2017-ci illərdə isə Şəki rayon Suçma kənd tam orta məktəbində azərbaycan dili və ədəbiyyatı müəllimi işləyib.

1 iyun 2019-cu il tarixdən AMEA Şəki Regional Elmi Mərkəzin folklorşünaslıq və el sənətləri şöbəsinin elmi işçisidir.

Elmi fəaliyyəti

8 elmi məqalənin müəllifidir.

5-i beynəlxalq, 3-ü isə respublika əhəmiyyətli olmaqla 8 elmi konfransda iştirak edib.

Ədəbi-bədii yaradıcılığı

Şeirləri Azərbaycanın (“Azərbaycan”, “Ədəbiyyat qəzeti”, “525-ci qəzet”, “Kaspi”, “Ədalət” qəzetləri və “Ulduz” jurnalı), İranın (“Sancaq” qəzeti (Təbriz)), Türkiyənin (“Antalya Sanat Dergisi” (Antalya)) və Özbəkistanın (“Kitab dünyası” qəzeti) ədəbi dövri-mətbuatında, Qazaxıstanda çap edilmiş “Yeni zaman Azərbaycan şeir antologiyası”nın II cildində, Azərbaycanda çap edilmiş “Şəkidən gələn səslər” toplusunun I cildində və hələ çap olunmamış “Oxud məktəbinin maarif pərvanələri” ensiklopedik toplusunda dərc olunub.

Ədəbiyyat

1. Orsər R. Tural Adışirin // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 832-836. — 500 nüsx. — ISBN 978-9952-8176-5-2.
2. Adışirinov K. TURAL KAMİL oğlu ADIŞİRİNOV // Oxud məktəbinin maarif pərvanələri.