Ədhəm Məmmədrəhimov

Ədhəm Məmmədrəhimov
	Məmmədrəhimov Ədhəm Yusif oğlu
	Ədhəm Məmmədrəhimov.
Digər adı	Hətəm Məmmədrəhimov
Anadan olub	14 mart 1910
Anadan olduğu yer	31 mart 1981 (71 yaşında)
Dəfn yeri	Şəki
Həyat yoldaşı	Hacıyeva Fatma Məmməd qızı
Uşaqları	Mahir və Ceyran
Atası	Yusif Hacı Məmmədrəhim bəy oğlu
Anası	Mələknisə Əbdülqədir qızı
Vətəndaşlıq	SSRİ
Təhsili	• Stalin adına Nuxa Pedaqoji Texnikumu (1927–1931) • Azərbaycan Dövlət Qiyabi Pedaqoji İnstitutu, coğrafiya fakültəsi (–1946)
Mükafatları	;

Ədhəm Məmmədrəhimov (1910–1981) — tanınmış pedaqoq, Azərbaycan SSR əməkdar müəllimi. Uzun müddət Şəki şəhər 10 №-li orta məktəbində ibtidai siniflər üzrə direktorun müavini və coğrafiya müəllimi vəzifəsində çalışmışdır.

Haqqında məlumatlar

14 mart 1910-cu il tarixdə Nuxada (indiki Şəki) xırda sənətkar ailəsində anadan olub.

1914-cü ildə atası vəfat edib və bundan sonra əmisinin himayəsində böyüyüb.

Təhsili

1927-ci ilədək Nuxa şəhər 1 №-li məktəbində,

1927 – 1931-ci illərdə Stalin adına Nuxa Pedaqoji Texnikumunda təhsil alıb.

1946-cı ildə Azərbaycan Dövlət Qiyabi Pedaqoji İnstitutunun coğrafiya fakültəsini bitirib.

Əmək fəaliyyəti

1931 – 1932-ci illərdə Nuxa şəhər 11 №-li orta məktəbində müəllim,

1932 – 1933-cü illərdə Nuxa şəhər 6 №-li yeddiillik məktəbində müəllim,

1933 – 1936-cı illərdə Baş Göynük kənd 11 №-li orta məktəbində müəllim,

1936 – 1944-cü illərdə Nuxa şəhər 11 №-li orta məktəbində tədris hissə müdiri və müəllim,

1944 – 1945-cı illərdə Nuxa şəhər 10 №-li orta məktəbində dərs hissə müdiri və müəllim,

1945 – 1949-cu illərdə Nuxa şəhər maarif şöbəsində məktəb müfəttişi,

1949 – 1954-cü illərdə Nuxa şəhər maarif şöbəsinin müdiri,

1954 – 1965-ci illərdə Nuxa rayon xalq maarifi şöbəsində pedaqoji kabinənin müdiri və Nuxa şəhər 10 №-li orta məktəbində müəllim,

1965 – 1967-ci illərdə Nuxa şəhər 10 №-li orta məktəbində istehsalat təlimi üzrə direktor müavini,

1967 – 1968-ci illərdə Nuxa şəhər 10 №-li orta məktəbində sinifdən və məktəbdən kənar tərbiyə üzrə müavin,

1968-ci ildən Şəki şəhər 10 №-li orta məktəbində ibtidai siniflər üzrə direktorun müavini və coğrafiya müəllimi vəzifəsində çalışıb.

Təltif və mükafatları

“1941-1945-ci illər Böyük Vətən müharibəsində rəşadətli əməyə görə” medalı (30.07.1946);
“Əməkdə fərqlənməyə görə” medalı (06.05.1949);
“Şərəf Nişanı” ordeni (09.01.1953);
Azərbaycan SSR qabaqcıl maarif xadimi” döş nişanı (23.08.1955);
“Azərbaycan SSR əməkdar müəllimi” fəxri adı (17.11.1960).

İctimai-siyasi aktivliyi

1946-cı ildən kommunist partiyasının üzvü olub.

1953, 1955, 1957 və 1961-ci illərdə Nuxa şəhər sovetinin deputatı seçilib.

Vəfatı

31 mart 1981-ci il tarixdə – 71 yaşında, Şəkidə işdə vəfat edib. Xoçik qəbiristanlığında dəfn olunub.