Mürsəl İmamverdiyev

Mürsəl İmamverdiyev (1926–2005) — kənd təsərrüfatı elmləri namizədi, Əkinçilik Elmi Tədqiqat İnstitutu Şəki Dayaq Məntəqəsinin elmi işçisi.

Mürsəl İmamverdiyev
İmamverdiyev Mürsəl Həbibillah oğlu
Mürsəl İmamverdiyev
Doğum tarixi	14 mart 1926(1926-03-14)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	14 noyabr 2005 (79 yaşında)
Vəfat yeri	Şəki, Azərbaycan
Vətəndaşlıq	SSRİ→ Azərbaycan
Elm sahəsi	kənd təsərrüfatı
Elmi dərəcəsi	kənd təsərrüfatı elmləri namizədi

Haqqında məlumatlar

14 mart 1926-cı il tarixdə Nuxada (indiki Şəki) anadan olub.

Təhsili

Nuxa şəhər 12 №-li orta məktəbində təhsil alıb.

1944-cü ildə Nuxa Kənd Təsərrüfatı Texnikumunu,

1947-ci ildə Nuxa İkiillik Müəllimlər İnstitutunun fizika-riyaziyyat fakültəsini bitirib.

1949 – 1954-cü illərdə ildə Azərbaycan Kənd Təsərrüfatı İnstitutunun aqronomluq fakültəsində təhsil alıb.

Əmək fəaliyyəti

1947-ci ildən Nuxa 2 №-li orta məktəbində müəllim,

1956-cı ildən, əvvəl Elmi-Tədqiqat Əkinçilik İnstitutunun Mirbəşir zona təcrübə stansiyasında, sonra isə həmin institutun Nuxa dayaq məntəqəsində elmi işçi vəzifəsində çalışıb.

Elmi fəaliyyəti

1972-ci ildə “Şəki-Zaqatala zonası şəraitində gübrələrin payızlıq arpanın boyuna, inkişafına və məhsuldarlığına təsiri” mövzusunda namizədlik dissertasiyasını müdafiə edib.

Vəfatı

14 noyabr 2005-ci il tarixdə – 79 yaşında, Şəkidə vəfat edib.

Ədəbiyyat

1. Məmmədov Ə., Xalıqov F. İmamverdiyev Mürsəl // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 274-275. — 1.000 nüsx.
2. Şükürov R., Orsər R. İmamverdiyev Mürsəl Həbibillah oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 185. — (Ş 4702060200). — 1.000 nüsx. — ISBN 978995244710.