Bu şablon müvafiq gündə altıyadək qısa xəbər-xülasənin avtomatik olaraq və növbəli şəkildə Şəki Ensiklopediyasının Ana səhifəsində yerləşdirilməsi üçündür;
Xəbər-xülasələr aşağıdakı kimi görünəcəkdir ↓
10 may
Biologiya elmləri doktoru, professor, Azərbaycan SSR əməkdar müəllimi, Azərbaycan SSR əməkdar elm xadimiMirəli Axundov (1902–1992) 10 may 1992-ci il tarixdə – 90 yaşında, Bakıda vəfat edib. O, uzun müddət – 50 ildən artıq bir müddət ərzində, S.M.Kirov adına Azərbaycan Dövlət Universitetinin genetika və darvinizm kafedrasının müdiri vəzifəsində çalışmışdır.
İpək və toxuculuq sənayesi üzrə görkəmli mütəxəssis İbrahim Mustafayev 10 may 1938-ci il tarixdə Nuxada (indiki Şəki) anadan olub. O, müxtəlif vaxtlarda Azərbaycan SSR Yerli Sənaye nazirinin müavini, V.İ.Lenin adına Şəki İstehsal İpək Birliyinin baş direktoru, “Xalq Üçün Mallar” Dövlət Konsernin İdarə Heyəti sədrinin müavini və s. vəzifələrdə çalışmışdır.
Tanınmış həkim, Əmək qəhrəmanı, Azərbaycan SSR əməkdar həkimi, Nuxa şəhər xəstəxanasının baş həkimi Məmməd Hacıyev (1890–1954) 10 may (26 aprel) 1890-cı il tarixdə Nuxada (indiki Şəki) anadan olub. O, 1903–1911-ci illərdə Kerç Aleksandr gimnaziyasında, 1911–1916-cı illərdə isə Novorossiya Universitetinin (Odessa) tibb fakültəsində təhsil alıb.