Əmanət Abbasova

Əmanət Abbasova
	Abbasova Əmanət Əsabəli qızı
	Əmanət Abbasova, 1975-ci il.
Doğum tarixi	18 iyun 1953
Doğum yeri	Kiş, Nuxa rayonu (indiki Şəki rayonu) , Azərbaycan SSR, SSRİ
Vəfat tarixi	8 may 2019 (65 yaşında)
Vəfat yeri	Bakı, Azərbaycan
Dəfn yeri	Kiş, Şəki rayonu, Azərbaycan
Təhsili	Bakı Ali Partiya Məktəbi (1985–1987) Şəki Texnologiya Texnikumu (–1987)
Mükafatları	;

Əmanət Abbasova (1953–2019) — sovet dövründə Şəki İpək kombinatının əmək qabaqcılı olmuş tanınmış toxucusu, Azərbaycan SSR Dövlət mükafatı və Azərbaycan SSR Lenin komsomolu mükafatı laureatı. İki dəfə Azərbaycan SSR Ali Sovetinin deputatı, dörd dəfə Azərbaycan KP MK-nın üzvü seçilmişdir.

Haqqında məlumatlar[Vizual redaktə | HTML redaktə]

18 iyun 1953-ci il tarixdə Nuxa rayonunun (indiki Şəki rayonu) Kiş kəndində anadan olub.

1965 – 1967-cı illərdə V.İ.Lenin adına Nuxa İpək Kombinatı nəzdindəki Fabrik-Zavod Şagirdliyi məktəbində (sonrakı 69 №-li peşə-texniki məktəbi) peşə təhsili alıb.

1972-ci ildə axşam məktəbində orta təhsilini tamamlayıb.

1985 – 1987-ci illərdə Bakı Ali Partiya Məktəbinin dinləyicisi olub.

1987-ci ildə Şəki Texnologiya Texnikumunu bitirib.

Əmək fəaliyyəti[Vizual redaktə | HTML redaktə]

1967-ci ildən – 14 yaşından, V.İ.Lenin adına Nuxa İpək Kombinatının toxucu istehsalatında toxucu peşəsində əmək fəaliyyətinə başlayıb.

1999-cu ildən əmək təqaüdünə çıxıb.

Təltif və mükafatları[Vizual redaktə | HTML redaktə]

“Qırmızı Əmək Bayrağı” ordeni (SSRİ) (1973);
Azərbaycan SSR Dövlət mükafatı (1974);
Azərbaycan SSR Lenin komsomolu mükafatı (1975);
Lenin ordeni (1977).

Siyasi fəaliyyəti[Vizual redaktə | HTML redaktə]

1972-ci ildən Sov.İKP üzvü olub.

1976, 1981, 1986 və 1990-cı illərdə Azərbaycan KP MK-nın üzvü seçilib.

Dəfələrlə Azərbaycan KP Şəki şəhər partiya komitəsinin plenum üzvü seçilib.

İctimai fəaliyyəti[Vizual redaktə | HTML redaktə]

1975-ci ildə 144 nömrəli Şəki ikinci şəhər seçki dairəsindən IX çağırış Azərbaycan SSR Ali Sovetinin,

1980-cu ildə isə 166 nömrəli Şəki ikinci şəhər seçki dairəsindən IX çağırış Azərbaycan SSR Ali Sovetinin deputatı seçilib.

Bir neçə dəfə Şəki şəhər sovetinin deputatı olub.

Vəfatı[Vizual redaktə | HTML redaktə]

8 may 2019-cu il tarixdə – 65 yaşında, Bakıda vəfat edib.

9 may 2019-cu il tarixdə anadan olduğu Kiş kəndində dəfn olunub.

Ədəbiyyat[Vizual redaktə | HTML redaktə]

Məmmədov Ə., Xalıqov F. Abbasova Əmanət // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 23-24. — 600 nüsx. — ISBN 5-8066-1708-4.