Şəki Ensiklopediyası:Xəbərlər arxivi/2024

2024-cü il (2)

• 19 dekabr 2024-cü il tarixdə Azərbaycan Karate Federasiyasının təşkil etdiyi Ənənəvi karate üslubu üzrə Azərbaycan çempionatında Zümrüd Baxışova 8-9 yaş kateqoriyasında bir qızıl və bir gümüş medal qazanıb.

• 13 dekabr 2024-cü il tarixdə Azərbaycan Respublikasının Prezidenti yanında Ali Attestasiya Komissiyasının qərarı ilə Coşqun Məmmədova biologiya elmləri elm sahəsi üzrə fəlsəfə doktoru elmi dərəcəsi verilmişdir.

• 3 dekabr 2024-cü il tarixdə ipəkçilik və toxuculuq sənayesi üzrə görkəmli mütəxəssis və rəhbər kadr İbrahim Mustafayev Bakıda yolu piyada keçərkən avtomobil vurması nəticəsində 86 yaşında həlak olub.

• 29 noyabr 2024-cü il tarixdə tanınmış heykəltəraş Əsgər Kərimov uzun sürən xəstəlikdən sonra Türkiyənin İsparta şəhərində 83 yaşında vəfat etdi. Elə həmin gün İsparta qəbiristanlığında – mərhum həyat yoldaşının qəbrinin yanında, dəfn olundu.

• 28 noyabr 2024-cü il tarixdə “Şəki Ensiklopediyası” saytının, “Şəki Ensiklopediyası” MMC-nin və “Şəki Ensiklopediyası” jurnalı çap mediasının təsisçisi və baş redaktoru Aydın Məmmədov Azərbaycan Respublikası Medianın İnkişafı Agentliyinin Media Reyestrində rəsmən jurnalist kimi qeydə alınıb və ona jurnalist vəsiqəsi verilib.

• 22 noyabr 2024-cü il tarixdə Şəki şəhər Heydər Əliyev Mərkəzində təşkil edilmiş “Yaşıl dünya naminə media həmrəyliyi” adlı konfransda “Şəki Ensiklopediyası” MMC-nin və “Şəki Ensiklopediyası” jurnalı çap mediasının təsisçisi Aydın Məmmədov regionun mədəni həyatında göstərdiyi xidmətlərinə görə Şəki-Zaqatala Regional Mədəniyyət İdarəsinin diplomu ilə təltif olunub.

• 30 sentyabr 2024-cü il tarixdə “Şəki Ensiklopediyası” MMC media subyekti və “Şəki Ensiklopediyası” jurnalı çap mediası Azərbaycan Respublikası Medianın İnkişafı Agentliyinin Media Reyestrinə daxil edilib.

• 4 sentyabr 2024-cü il tarixdə tanınmış həkim-cərrah, uşaq cərrahı, tibb elmləri doktoru, professor, Azərbaycan Respublikasının əməkdar həkimi, Azərbaycan Respublikası Səhiyyə Nazirliyi Mərkəzi Neftçilər Xəstəxanasının əməliyyat və rezidentura şöbəsinin müdiri Rauf Quliyev uzun sürən xəstəlikdən sonra 70 yaşında vəfat edib.

• 1 sentyabr 2024-ci il tarixdə keçirilmiş VII çağırış Azərbaycan Respublikası Milli Məclisinə seçkilərdə 113 saylı Qax-Şəki Seçki Dairəsindən Əli Məsimli, 114 saylı Şəki Şəhər Seçki Dairəsindən Vüqar İskəndərov və 115 saylı Şəki Kənd Seçki Dairəsindən Cavanşir Feyziyev deputat seçiliblər.

• 1 sentyabr 2024-ci il tarixdə keçirilmiş VII çağırış Azərbaycan Respublikası Milli Məclisinə seçkilərdə 116 saylı Qəbələ Seçki Dairəsindən Elşən Musayev və 117 saylı Oğuz-Qəbələ-Şəki Seçki Dairəsindən Eyvaz Qurbanov deputat seçiliblər.

• 31 avqust 2024-cü il tarixdə Qara-Qırğız Muxtar Vilayətinin yaranmasının 100 illiyi və Qırğızıstan Respublikasının Müstəqillik Günü ilə əlaqədar olaraq Qırğızıstanda fəaliyyət göstərən azərbaycanlı biznesmen və diaspor fəalı Nüsrət Məmmədov türkdilli dövlətlər arasında mədəni əlaqələrin möhkəmləndirilməsinə verdiyi töhfələrinə görə Qırğızıstanın “Dostluq” ordeni ilə təltif olunub.

• 29 avqust 2024-cü il tarixdə texnika elmləri doktoru, professor, Azərbaycan Respublikası Elm və Təhsil Nazirliyi İdarəetmə Sistemləri İnstitutunun Dinamik sistemlərin kompüter modelləşdirilməsi laboratoriyasının müdiri Allahverdi Həsənov 67 yaşında vəfat edib.

• 26 iyul 2024-cü il tarixdə “Şəki Ensiklopediyası” saytının redaksiyası “Şəki Ensiklopediyası” MMC olaraq dövlət qeydiyyatına götürülüb (VÖEN 3003797661). Bu sayt 25 may 2019-cu il tarixdə yaradılmış, 8 mart 2020-ci il tarixdə tam yenidən qurulmuş, 26 mart 2021-ci il tarixdən shaki.info domenində, 11 mart 2024-cü il tarixdən isə sheki.org domenində fəaliyyət göstərməyə başlamışdır.

2024-cü il (1)

• 22 iyul 2024-cü il tarixdə Milli Mətbuat və Jurnalistika Günü münasibəti ilə Bəxtiyar Vahabzadənin ev-muzeyində təşkil edilmiş görüşdə Şəki Ensiklopediyasının sahibi və baş redaktoru Aydın Məmmədov mədəniyyət işçiləri ilə əməkdaşlıq etdiyi üçün MİHİ Şəki Rayon Komitəsinin fəxri fərmanı ilə təltif olunub.

• 6 iyun 2024-cü il tarixdə AMEA Şəki Regional Elmi Mərkəzinin və Şəki Ensiklopediyasının təşkilatçılığı ilə Şəkidəki Çingiz Mustafayev adına klubda Azərbaycanın görkəmli dövlət xadimi Nazim Hacıyevin anadan olmasının 100 illiyi münasibəti ilə xatirə gecəsi keçirildi.

• 5 iyun 2024-cü il tarixdə, Birinci Qarabağ müharibəsində şəhid olmuş Azərbaycan əsgəri Səbuhi Süleymanovun (1972–1992) qalıqları anadan olduğu Cəfərabad kəndinin kənd qəbiristanlığında dəfn edildi.

• 27 may 2024-cü il tarixdə Vüsal Xəlilovun may ayından Azərbaycan Mərkəzi Bankının baş direktoru vəzifəsinə təyin olunması xəbəri mediada yayılıb. O, bu təyinatınadək “PAŞA Bank” ASC-də texnologiya blokunun baş direktoru idi.

• 15 may 2024-cü il tarixdə Azərbaycan Respublikasının Prezidenti yanında Ali Attestasiya Komissiyasının qərarı ilə Rahim Həsənova tarix üzrə fəlsəfə doktoru elmi dərəcəsi verilmişdir.

• 9 may 2024-cü il tarixdə tanınmış pedaqoq, tarix elmləri namizədi, Şəki Şəhər icra hakimiyyəti başçısının müavini və icra hakimiyyəti başçısı aparatının ictimai-siyasi və humanitar məsələlər şöbəsinin müdiri Zərinə Cavadova uzun sürən xəstəlikdən sonra 63 yaşında Şəkidə vəfat edib.

• 8 may 2024-cü il tarixdə Azərbaycan Respublikasının Prezidenti yanında Ali Attestasiya Komissiyasının qərarı ilə Kamil Adışirinova filologiya elmləri doktoru elmi dərəcəsi verilmişdir.

• 25 aprel 2024-cü il tarixdə AMEA-nın Mərkəzi Elmi kitabxanasında keçirilən kişi şahmatçılar arasında Azərbaycan çempionatının final oyununda Aydın Süleymanlı qələbə qazanaraq Azərbaycan çempionu olub. O, 14 yaşlı oğlanlar arasında 2019-cu ilin Dünya çempionudur və şahmat üzrə qrossmeysterdir.

• 18 mart 2024-cü il tarixdə Azərbaycan Respublikası Milli Məclisinin deputatı Vüqar İskəndərov “Heydər Əliyevin 100 illiyi (1923-2023)” yubiley medalı ilə təltif olunub.

• 17 aprel 2024-cü il tarixdə — Azərbaycan Respublikası Milli Məclisinin sabiq deputatı və Milli Məclisin sosial siyasət komitəsinin sabiq sədri Hadi Rəcəbli 76 yaşında, Bakıda vəfat edib. O, 1983 – 1989-cu illərdə Azərbaycan KP MK Şəki Şəhər Partiya Komitəsinin birinci katibi vəzifəsində çalışmışdır.

• 1 mart 2024-cü il tarixdə M.F.Axundzadə adına Şəki Mədəniyyət Mərkəzinin Xalq teatrının rejissoru Elvin Nüsrətoğlu həmin mərkəzin bədii rəhbəri vəzifəsinə təyin olunub. Eyni zamanda o, həm də Kanal “S” televiziyasının (Şəki) baş rejissorudur.

• 23 fevral 2024-cü il tarixdə baş tutmuş Azərbaycan Respublikası Milli Məclisinin plenar iclasında konstitusiya məhkəməsinin hakimi vəzifəsinə sabiq ədliyyə naziri Fikrət Məmmədovun təyin edilməsi haqqında prezidentin təqdimatı səsvermə yolu ilə qəbul edilib.

• 2 fevral 2024-cü-cü il tarixdə Azərbaycan Respublikasının əməkdar jurnalisti Rəhman Orxan 73 yaşında vəfat edib. O, vaxtilə, “Vışka” qəzetinin xüsusi müxbiri, rusca “Bakines” qəzetinin həmtəsisçi redaktoru olmuşdur.

• 30 yanvar 2024-cü-cü il tarixdə həndbol üzrə ilk azərbaycanlı beynəlxalq dərəcəli hakim, texnika elmləri namizədi və dosent Çingiz Axundov 92 yaşında, Bakıda vəfat edib. O, 1967-ci ildə İsveçdə keçirilən kişilər arasında həndbol üzrə dünya çempionatının final mərhələsində hakimlik etmişdir.

• 19 yanvar 2024-cü il tarixdə Şəki Heydər Əliyev Mərkəzində Rahim Həsənov və Aydın Məmmədovun birlikdə tərtib etdikləri “Şəkinin Orta əsrlər tarixi (Tağı Musəvinin tədqiqatları üzrə)” adlı kitabın təqdimat mərasimi keçirilib.