Vüsalə Ağabəyli

Vüsalə Ağabəyli
Ağabəyli Vüsalə Elxan qızı
Vüsalə Ağabəyli.
Doğum tarixi	18 iyun 1984 (1984-06-18)
Doğum yeri	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	filologiya və dilşünaslıq (ingilis dili)
İş yeri	Azərbaycan Dillər Universiteti, keyfiyyətin təminatı və monitorinq şöbəsi (şöbə müdiri)
Elmi dərəcəsi	filologiya üzrə fəlsəfə doktoru
Elmi adı	dosent
Təhsili	• Azərbaycan Dillər Universiteti, filologiya (xarici dil) ingilis dili müəllimi ixtisası, bakalavriat (2001–2005)  • Azərbaycan Dillər Universiteti, dilşünaslıq (xarici dil) ingilis dili ixtisası, magistratura (2005–2007)

Vüsalə Ağabəyli — filologiya üzrə fəlsəfə doktoru, dosent, Azərbaycan Dillər Universitetinin keyfiyyətin təminatı və monitorinq şöbəsinin müdiri.

Haqqında məlumatlar

18 iyun 1984-cü il tarixdə Şəkidə anadan olub.

Təhsili

1990 – 2001-ci illərdə Şəki şəhər 18 saylı orta məktəbində təhsil alıb.

1992 – 1999-cu illərdə Şəki şəhər 2 saylı uşaq musiqi məktəbində fortepiano ixtisası üzrə təhsil alıb.

2001 – 2007-ci illərdə Azərbaycan Dillər Universitetində filologiya (xarici dil) ingilis dili müəllimi ixtisası üzrə bakalavr,

2005 – 2007-ci illərdə isə dilşünaslıq (xarici dil) ingilis dili ixtisası üzrə magistr təhsili alıb.

Elmi fəaliyyəti

2015-cı ildə german dilləri (5708.01) ixtisası üzrə “İngilis dilinin ABŞ və Kanada variantlarının formalaşmasında linqvokulturoloji amillərin rolu” adlı dissertasiya işini müdafiə edib.

2016-cı ildə filologiya üzrə fəlsəfə doktoru elmi dərəcəsi,

2019-cu ildə dosent elmi adını alıb.

2020-ci ildən filologiya elmləri doktoru proqramı üzrə dünya ədəbiyyatı (ingilis ədəbiyyatı) (5718.01) ixtisası üzrə dissertantdır. “İngilis və Azərbaycan ədəbiyyatlarında gender reprezentasiyasının bədii ifadəsindəki identiklik və fərqliliyin parametrləri” mövzusunda dissertasiya işi üzərində işləyir.

Əmək fəaliyyəti

2002 – 2005-ci illərdə “Xural” qəzetində tərcüməçi-redaktor işləyib.

2005 – 2012-ci illərdə ADU-nun linqvokulturologiya kafedrasında əvvəl laborant, sonra saathesabı müəllim,

2012 – 2017-ci illərdə əvvəl müəllim, sonra baş müəllim, daha sonra dosent,

2017 – 2019-ci illərdə isə filologiya və jurnalistika fakültəsinin dekanı vəzifəsində çalışıb.

2021 – 2022-ci illərdə Azərbaycan Dövlət İqtisad Universitetinin,

2021 – 2023-ci illərdə Azərbaycan Dövlət Pedaqoji Universitetinin,

2023-cü ildə isə Azərbaycan Dövlət Neft Sənaye Universitetinin Sabah mərkəzlərində müəllim işləyib.

2023-cü ildən ADU-da Keyfiyyətin Təminatı və Monitorinq şöbəsinin müdiridir.

İctimai fəaliyyəti

2017 – 2019-ci illərdə ADU-nun YAP Qadınlar Şurasının sədri olub.