Suğra Mirzəyeva

Suğra Mirzəyeva
	Mirzəyeva Suğra Yusif qızı
	Suğra Mirzəyeva, 1963-cü il.
Doğum tarixi	3 iyun 1935
Vəfat tarixi	22 avqust 2007 (72 yaşında)
Atası	Yusif
Anası	Sənubər
Vətəndaşlıq	SSRİ
Təhsili	• Nuxa toxuculuq texnikumu (1950–1954) • S.M.Kirov adına Azərbaycan Dövlət Universiteti, filoloji fakültəsi, jurnalistika şöbəsi, qiyabi (1959–1965)

Suğra Mirzəyeva (1935–2007) — sovet dövründə Şəki şəhər soveti sədrinin müavini, Azərbaycan SSR Ali Sovetinin deputatı olmuş tanınmış jurnalist. 1998-ci ildə çap edilmiş Birinci Qarabağ müharibəsində şəhid olmuş şəkililərin bioqrafik məlumatlarından və onlar haqqında hekayələrdən ibarət “Şəki qartalları” kitab – xatirə toplusunun həmmüəllifidir.

Haqqında məlumatlar[Vizual redaktə | HTML redaktə]

3 iyun 1935-ci il tarixdə anadan olub.

Təhsili[Vizual redaktə | HTML redaktə]

1942 – 1950-ci illərdə yeddiİllik məktəbdə,

1950 – 1954-cü illərdə Nuxa toxuculuq texnikumunda,

1959 – 1965-ci illərdə S.M.Kirov adına Azərbaycan Dövlət Universitetinin filoloji fakültəsinin jurnalistika şöbəsində təhsil alıb.

Əmək fəaliyyəti[Vizual redaktə | HTML redaktə]

1954-cü ildən Nuxa ipək kombinatının burucu sexində işləyib; əvvəl nəzarətçi, bir il sonra 12 nəfərlik burucular briqadasının briqadiri,

1960 – 1971-ci illərdə növbə rəisi, daha sonra Nuxa ipək kombinatı həmkarlar ittifaqı komitəsinin sədri,

1971-ci ildən Şəki şəhər soveti sədrinin müavini vəzifəsində çalışıb.

1974-cü ildən isə “Şəki fəhləsi” qəzetinin əməkdaşı olub.

İctimai-siyasi aktivliyi[Vizual redaktə | HTML redaktə]

1959 – 1961, 1961 – 1963, 1971 – 1973 və 1973 – 1975-ci illərdə illərdə müvafiq olaraq yeddinci, səkkizinci, on üçüncü, on dördüncü çağırış Nuxa şəhər sovetinin,

1963 – 1966-ci illərdə isə VI çağırış Azərbaycan SSR Ali Sovetinin deputatı olub.

Nuxa ipək kombinatınında işləyərkən kombinatın özfaliyyət dərnəyində “Maral”, “Ana yurdum” mahnılarını ifa edib.

Azərbaycan KP XXIV qurultayında çıxış edib.

Kommunist əməyi briqadalarının və zərbəçilərinin Moskvada keçirilən Ümumittifaq müşavirəsində iştirak edib.

Vəfatı[Vizual redaktə | HTML redaktə]

22 avqust 2007-ci il tarixdə – 72 yaşında, Şəkidə vəfat edib.

Ədəbiyyat[Vizual redaktə | HTML redaktə]

Çələbiyev M. XALQ NAMİZƏDLƏRİ :ŞEİR DEYİLMİ? // Məhyəddin Abbasov (redaktor) Lenin bayrağı : qəzet. — Nuxa: Nuxa mətbəəsi, 1963. — В. 5 mart. — № 36 (169). — Səh. 1, 2.
Xəlilov T SOVETLƏRƏ SEÇKİLƏR QARŞISINDA : XALQ NAMİZƏDLƏRİ : Qanadlanan arzular // İpəkçi : çoxtirajlı qəzet / Cabbarov M. (redaktor). — Nuxa: Nuxa mətbəəsi, 1963. — В. 8 mart. — № 7 (530). — Səh. 1.