Qurban Məsimov

Qurban Məsimov
Qurban Məsimov
	Məsimov Qurban Abdulla oğlu
	Qurban Məsimov, 2019.
Digər adı	Kloun Appa
Doğum tarixi	26 yanvar 1971 (53 yaş)
Doğum yeri	Şəki, Azərbaycan SSR, SSRİ
Vətəndaşlığı	SSRİ→ Azərbaycan
Peşəsi	rejissor
Təhsili	• Ə.Hüseynzadə adına Azərbaycan Dövlət Mədəniyyət və İncəsənət Universiteti, rejissorluq fakültəsi (1988–1993) • Bakı Musiqi Akademiyası, vokal şöbəsi (1995–2001)
IMDb	ID 3108239
	facebook səhifəsi

Qurban Məsimov — Azərbaycan Dövlət Kukla Teatrının baş rejissoru, Azərbaycan Respublikasının əməkdar artisti.

Haqqında məlumatlar[Vizual redaktə | HTML redaktə]

26 yanvar 1971-ci il tarixdə Şəkidə anadan olub.

Təhsili[Vizual redaktə | HTML redaktə]

1988 – 1993-cü illərdə Ə.Hüseynzadə adına Azərbaycan Dövlət Mədəniyyət və İncəsənət Universitetinin rejissorluq fakültəsində,

1995 – 2001-ci illərdə isə Bakı Musiqi Akademiyasının vokal şöbəsində təhsil alıb.

1998-ci ildə Tbilisidə Robert Sturuanın beynəlxalq sənətkarlıq kursunu bitirib.

2000-ci ildə Sofiyada “Yay akademiyası” proqramı çərçivəsində “Fildenkrayz metodu” seminarında iştirak edib.

Əmək və yaradıcı fəaliyyəti[Vizual redaktə | HTML redaktə]

1994 – 2010-cu illərdə xalq artisti Bəxtiyar Xanızadənin rəhbərlik etdiyi “Dəli Yığıncağı” Pantomim Teatr-Studiyasında (2000-ci ildən Dövlət Pantomim Teatrı) fəaliyyət göstərib.

2000 – 2002-ci illərdə ABA televiziyasında yayımlanan “Nəm-Nəm” verilişinin rejissoru və aparıcısı olub.

2003-cü ildən “Lider” televiziyasında yayımlanan əvvəl “Mətbəxdə Şou Nəm-Nəm” verilişinin, sonra AzTv-də “Gülməşəkər” verilişinin aparıcısı və rejissoru olub.

2014-cü ildən A.Şaiq adına Azərbaycan Dövlət Kukla Teatrının baş rejissorudur.

2018-ci ildən Azərbaycan Dövlət Mədəniyyət və İncəsənət Universitetinin musiqili teatr aktyorluğu kafedrasının müəllimidir.

Təltif və mükafatları[Vizual redaktə | HTML redaktə]

Azərbaycan Respublikası Prezidentinin mükafatı (2014 – 2021);
Fəxri Mədəniyyət İşçisi döş nişanı (2016);
“Azərbaycan Respublikasının əməkdar artisti” fəxri adı (2019).
“Humay” mükafatı (2019).

Ədəbiyyat[Vizual redaktə | HTML redaktə]

"Hələ də oyuncaq dükanlarının yanından biganə keçə bilmirəm..." (azərb.) // Ekspress : qəzet. — 2014. — В. 8-10 fevral. — Səh. 20. Arxivləşdirilib; arxivləşdirmə tarixi: 7 iyul 2014.