Nəsib Kaşıyev

Nəsib Kaşıyev
Kaşıyev Nəsib Nadir oğlu
Nəsib Kaşıyev.
Doğum tarixi	7 iyul 1958(1958-07-07)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	5 fevral 1992 (33 yaşında)
Vəfat yeri	Şuşa, Şuşa rayonu, Azərbaycan
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Hərbi fəaliyyəti
Xidmət illəri	1991−1992
Rütbə	sıravi
Döyüşlər	Gülablı (Ağdam rayonu), Daşaltı (Şuşa rayonu) və Şuşa şəhərinin müdafiəsi

Nəsib Kaşıyev (1958–1992) — Birinci Qarabağ müharibəsi şəhidi. 7 iyul 1958-ci il tarixdə Nuxada (indiki Şəki) anadan olmuşdur. 1991 − 1992-ci illərdə könüllü olaraq I Qarabağ müharibəsində iştirak etmiş, Ağdam rayonunun Gülablı, Şuşa rayonun Daşaltı kəndlərinin müdafiəsi uğrunda döyüşlərdə vuruşmuşdur. Daha sonra Rəhim Qazıyevin yaratdığı və 31 yanvar 1992-ci il tarixdə Azərbaycan Respublikası Müdafiə Nazirliyində qeydiyyatdan keçirdiyi 109 nəfərlik könüllülər dəstəsinin tərkibində Şuşanın müdafiəsinə yollanıb. 1992-ci il fevral ayının 4-dən 5-nə keçən gecə, həmin 109 nəfərin arasında olan Emin Məmmədov adlı bir xain, Rəhim Qazıyevi kazarmada yatdığı yerdə öldürmək üçün onun çarpayısını gülləboran etmiş, 8 nəfər könüllünü, ö cümlədən, Nəsib Kaşıyevi öldürmüş, 6 nəfəri, o cümlədən, Rəhim Qazıyevi isə yaralamışdır.

Nəsib Kaşıyevin cənazəsi Şəkiyə gətirilmiş, Şəhidlər Xiyabanında dəfn edilmişdir.

• 

  Nəsib Kaşıyevin xatirəsinə düzəldilmiş bulaq, Şəki şəhəri, Səfiqə Axundova küçəsi (kərpic zavoduna dönən aralıq, Yuxarı aptekin arxa tərəfi).

• 

  Nəsib Kaşıyevin qəbrini qardaşı Elxan Kaşıyev öz oğlu Nadir Kaşizadə ilə birlikdə ziyarət edərkən, Şəhidlər Xiyabanı, Şəki şəhəri, 10 noyabr, 2020-ci il.

Ədəbiyyat

1. Qaffarov A., Əmrahov M., İsmayılova G., Mirzəyeva S., Salamov A., Paşayev İ., Süleymanov B., Həmidli T. Ana görüşə tələsir // Şəki qartalları / M.İ.Əmrahov . — Bakı: “Hüquq ədəbiyyatı”. — Səhifələrin sayı:  424. — Səh.: 187-188. — (Ş 4702060206–001/h 062–98).