Mustafa Sadıqov

Mustafa Sadıqov
Sadıqov Mustafa Məmmədsadıq oğlu
Mustafa Sadıqov.
Doğum tarixi	16 yanvar 1953 (1953-01-16)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Azərbaycan Dövlət İqtisad Universiteti, tətbiqi iqtisadiyyat kafedrası
Elmi dərəcəsi	elmlər namizədi
Elmi adı	dosent
Təhsili	• S.M.Kirov adına Azərbaycan Dövlət Universiteti, mexanika-riyaziyyat fakültəsi (–1975)  • Dadaş Bünyadzadə adına Azərbaycan Xalq Təsərrüfatı İnstitut, xalq təsərrüfatının planlaşdırılması fakültəsi (–1982)
Atası	Məmmədsadıq
Anası	Leyla
Mükafatları

Mustafa Sadıqov — tanınmış iqtisadçı alim-pedaqoq, Azərbaycan Respublikasının əməkdar müəllimi, iqtisad elmləri namizədi, Azərbaycan Dövlət İqtisad Universitetinin tətbiqi iqtisadiyyat kafedrasının dosenti.

Haqqında məlumatlar

16 yanvar 1953-cü il tarixdə Bakıda anadan olub.

Təhsili

1975-ci ildə S.M.Kirov adına Azərbaycan Dövlət Universitetinin mexanika-riyaziyyat fakültəsini,

1982-ci ildə Dadaş Bünyadzadə adına Azərbaycan Xalq Təsərrüfatı İnstitutunun xalq təsərrüfatının planlaşdırılması fakültəsini bitirib.

1998-ci ildə TASİC proqramı çərçivəsində Hollandiyada MBA dərəcəsi alıb.

Elmi fəaliyyəti

1992-ci ildə İqtisadi tədqiqatlarda riyazi metodların tətbiqi ixtisası üzrə namizədlik dissertasiyasını müdafiə edib.

28 elmi-metodiki əsərin müəllifidir.

1995 – 1998-ci illərdə Avropa Komissiyasının TASİC proqramının Universitet üzrə koordinatoru olub, 2006-2016-cı illərdə Universitetin Elm şöbəsinin müdiri vəzifəsində çalışıb.

Əmək fəaliyyəti

1975 – 1978-ci illərdə Azərbaycan SSR Elmlər Akademiyasının Kibernetika institutunda kiçik elmi işçi vəzifəsində çalışıb.

1978 – 1979-cu illərdə Azərbaycan SSR Dövlət Plan Komitəsinin Elmi-texniki informasiya institutunda kiçik elmi işçi,

1979 – 1982-ci illərdə baş elmi işçi olub,

1985 – 1989-cu illərdə isə Bakı şəhərinin iqtisadi və sosial inkişafı elmi-tədqiqat institutunda bölmə müdiri olub.

1989-cu ildən indiki Azərbaycan Dövlət İqtisad Universitetinin iqtisadiyyatın tənzimlənməsi kafedrasında çalışır; o cümlədən, əvvəl müəllim, sonra baş müəllim, daha sonra dosent vəzifəsini tutmuş,

2006 – 2016-cı illərdə Elm şöbəsinin müdiri olmuşdur.

Təltif və mükafatları

• “Azərbaycan Respublikası qabaqcıl təhsil işçisi” döş nişanı (2015)
• “Azərbaycan Respublikasının əməkdar müəllimi” fəxri adı — Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə (2020).

Ədəbiyyat

1. dos. Sadıqov Mustafa Məmmədsadıq oğlu : [arx. 12 Sep 2016 - 3 Mar 2022] // Azərbaycan Dövlət İqtisad Universiteti. — Müraciət tarixi: 27.03.2024.