Malik Qarayev

Malik Qarayev
Qarayev Malik Müdəbbir oğlu
Malik Qarayev (09.06.2024).
Doğum tarixi	17 may 1954 (1954-05-17)
Doğum yeri	Kiş, Nuxa (indiki Şəki) rayonu
Həyat yoldaşı	Şərafət Sabir qızı
Uşaqları	Vasif və Samir
Atası	Müdəbbir Seyid oğlu
Anası	Həyat Mabud qızı
İxtisası	inşaatçı-mühəndis
Təhsili	əvvəl Çingiz İldırım adına Azərbaycan Politexnik İnstitutu, sonra İnşaat Mühəndislər İnstitutu (1971–1976)

Malik Qarayev — tanınmış tikinti mühəndisi, Kiş bələdiyyəsinin sabiq sədri.

Haqqında məlumatlar

17 may 1954-cü il tarixdə Nuxa (indiki Şəki) rayonunun Kiş kəndində anadan olub.

Təhsili

1961 – 1971-ci illərdə Kiş kənd orta məktəbində,

1971 – 1976-cı illərdə əvvəl Çingiz İldırım adına Azərbaycan Politexnik İnstitutunda, sonra isə İnşaat Mühəndislər İnstitutunda təhsil alıb.

Hərbi xidmətdə

1979 – 1981-ci illərdə zabit kimi həqiqi hərbi xidmətdə olub.

Əmək fəaliyyəti

1976 – 1979-cu və 1981 – 1985-ci illərdə Azərbaycan SSR Sənaye Tikintisi Nazirliyi 8 №-li trestinin 86 №-li Bakı tikinti idarəsində inşaat ustası, iş icraçısı,

1985 – 1988-ci illərdə Bakı Ali Partiya Məktəbində inşaatçı-mühəndis,

1988-ci ildən Azərbaycan SSR Kənd Təsərrüfatı Nazirliyinin 96 №-li Şəki tikinti idarəsində baş mühəndis, iş icraçısı,

2005 – 2010-cu illərdə Kiş bələdiyyəsinin sədri,

2010-cu ildən sonra müxtəlif tikinti idarələrində iş icraçısı vəzifəsində çalışıb.

Ailəsi

Ailəlidir, iki oğlu var.