Lütfəli Məmmədov

Lütfəli Məmmədov
	Məmmədov Lütfəli Əliheydər oğlu
	Lütfəli Məmmədov, 1980-cı il.
Şəxsi məlumatlar
Doğum tarixi	14 avqust 1919
Doğum yeri	Nuxa (indiki Şəki), Şəki qəzası, Gəncə quberniyası, Azərbaycan Cümhuriyyəti
Vəfat tarixi	25 mart 1994 (74 yaşında)
Vəfat yeri	Şəki, Azərbaycan
Dəfn yeri	Dodu qəbiristanlığı
Peşəsi	xanəndə
Həyat yoldaşı	Gözəl Habil qızı
Uşaqları	Məlahət Səfərova, Yaqut Məmmədova
Atası	Əliheydər
Anası	Əzət
Mükafatları

Lütfəli Məmmədov (1919–1994) — tanınmış muğam ifaçısı və zil səsə malik olmuş ustad xanəndə; “Segah”, “Rast”, “Mahur”, “Şahnaz” muğamlarının, “Heyratı”, “Arazbarı”, “Mənsuriyyə”, “Qarabağ şikəstəsi” ritmik muğamlarının, “Nəbi”, “Gül açdı”, “Bəh-bəh”, “Sona bülbüllər” xalq mahnılarının əvəzsiz ifaçılarından biri hesab edilirdi.

Haqqında məlumatlar[Vizual redaktə | HTML redaktə]

14 avqust 1919-cu il tarixdə Nuxada (indiki Şəki) anadan olub.

Hərbi xidmətdə[Vizual redaktə | HTML redaktə]

1941-ci ildə hərbi xidmətə çağırılıb və döyüşlərdə yaralanıb.

1945-ci ildə Sovet Ordusundan tərxis olunub.

Əmək fəaliyyəti[Vizual redaktə | HTML redaktə]

1945-ci ildə Sovet Ordusundan tərxis olunduqdan sonra Nuxadakı 1 №-li əyirici fabrikdə işləyib.

Sonralar əmək fəaliyyətini Nuxa/Şəki şəhər mədəniyyət evində davam etdirib.

Xanəndəlik fəaliyyəti[Vizual redaktə | HTML redaktə]

Uşaq yaşlarından muğamata həvəsi sayəsində Yunis Qarabağlıdan dərs alıb və kütləvi bayram tədbirlərində, el şənliklərində muğam, təsnif və xalq mahnıları oxuyub. Nuxadakı 1 №-li əyirici fabrikdə işləyərkən isə Lenin adına Nuxa ipək kombinatının klubunda fəaliyyət göstərən bədii özfəaliyyət dərnəyinin üzvü olub.

Təltif və mükafatları[Vizual redaktə | HTML redaktə]

I dərəcəli “Vətən Müharibəsi ordeni” (1985);
SSRİ-nin digər bir sıra orden və medalları ilə təltif olunub, həmçinin respublika əhəmiyyətli tədbirlərdə fəal iştirakına görə isə Azərbaycan SSR Mədəniyyət Nazirliyinin və Respublika Xalq Yaradıcılığı evinin diplom və fəxri fərmanları, qiymətli hədiyyələri ilə mükafatlandırılıb.

Vəfatı[Vizual redaktə | HTML redaktə]

25 mart 1994-cü il tarixdə – 74 yaşında, Şəkidə vəfat edib.

Ədəbiyyat[Vizual redaktə | HTML redaktə]

Мамедов Нутфали Алигейдар-оглы : Документы о награждении : [arx. 15.08.2021] : [rus.] // Память народа (Министерство обороны Российской Федерации). — Müraciət tarixi: 15.08.2021.
Təhmirazqızı S. Lütfəli Məmmədov // Şəkidə ifaçılıq sənəti. — Bakı: Nərgiz, 2016. — Səhifələrin sayı: 224. — Səh.: 198. — 300 nüsx.