Həsən Əliyev

Həsən Əliyev
	Əliyev Həsən Əbdülkərim oğlu
	Həsən Əliyev.
Doğum tarixi	8 mart 1910
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	22 dekabr 1970 (60 yaşında)
Vəfat yeri	Bakı, Azərbaycan SSR, SSRİ
Vətəndaşlığı	Rusiya İmperiyası→ SSRİ
Həyat yoldaşı	Zabiyət Rüstəm qızı Əliyeva
Uşağı	Fuad Əliyev və Eldar Əliyev
Təhsili	• Mirzə Fətəli Axundzadə adına Bakı Teatr Məktəbi (1925–1928) • Leninqrad Dövlət Teatr İnstitutu (1928–1933)
Mükafatları

Həsən Əliyev (1910–1970) — tanınmış teatr rejissoru və teatr aktyoru, pedaqoq, Azərbaycan SSR əməkdar müəllimi, “Azərbaycanfilm” kinostudiyasının dublyaj rejissoru.

Haqqında məlumatlar[Vizual redaktə | HTML redaktə]

8 mart 1910-cu il tarixdə Nuxada (indiki Şəki) anadan olub.

Təhsili[Vizual redaktə | HTML redaktə]

Nuxada yeddiillik məktəbi bitirib.

1925 – 1928-ci illərdə Mirzə Fətəli Axundzadə adına Bakı Teatr Məktəbində aktyorluq ixtisası üzrə,

1928 – 1933-cü illərdə isə Leninqrad Dövlət Teatr İnstitutunda rejissorluq ixtisası üzrə təhsil alıb.

Əmək fəaliyyəti[Vizual redaktə | HTML redaktə]

1933-cü ildən sonra qısa fasilələrlə üç dəfə Sabir adına Nuxa Dövlət Dram Teatrının baş rejissoru olub.

1938 – 1942-ci illərdə Azərbaycan Dövlət Musiqili Komediya Teatrında bədii rəhbər,

1947 – 1951-ci illərdə Gənc Tamaşaçılar Teatrında baş rejissor, daha sonra, ömrünün son illərində isə “Azərbaycanfilm” kinostudiyasının dublyaj rejissoru vəzifəsində çalışıb.

Pedaqoji fəaliyyəti[Vizual redaktə | HTML redaktə]

1933 – 1946-cı illərdə, fasilələrlə Mirzə Fətəli Axundzadə adına Azərbaycan Dövlət Teatr Məktəbində,

1946 – 1968-ci illərdə, fasilələrlə Azərbaycan Dövlət Teatr İnstitutunda dərs deyib.

Təltif və mükafatları[Vizual redaktə | HTML redaktə]

“Azərbaycan SSR əməkdar müəllimi” fəxri adı (17 iyun 1943-cü il).

Vəfatı[Vizual redaktə | HTML redaktə]

22 dekabr 1970-ci il tarixdə – 60 yaşında, Bakıda vəfat edib.

Ailəsi[Vizual redaktə | HTML redaktə]

Səməd Vurğun adına Rus Dram Teatrının rejissoru olmuş və daha çox “Dəli Kür” filmindəki Rus Əhməd obrazı ilə yaddaşlara qalmış Eldar Əliyevin atası, Böyük teatrın (Moskva, Rusiya federasiyası) solisti Dinarə Əliyevanın isə babasıdır.

Ədəbiyyat[Vizual redaktə | HTML redaktə]

Rəhimli İ. Həsən Əliyev // Şəki teatrı. — Bakı: Qanun, 2016. — Səhifələrin sayı: 383. — Səh.: 346-347. — 500 nüsx. — ISBN 978-9952-36-230-5.