Hüseynbala Əbdürəhimov

Hüseynbala Əbdürəhimov.png
Əbdürəhimov Hüseynbala Yusif oğlu
Hüseynbala Əbdürəhimov.
Doğum tarixi	21 yanvar 1930(1930-01-21)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	2024(2024-Şablondakı doğum və ya ölüm tarixində texniki yanlışlıq var!-00)
Vəfat yeri	Bakı, Azərbaycan
Vətəndaşlıq	SSRİ → Azərbaycan
Təhsili	• Nuxa Kənd Təsərrüfatı Texnikumu (1943–1946)  • Azərbaycan Kənd Təsərrüfatı İnstitutu (1949–1954)  • Azərbaycan SSR Elmi Tədqiqat Əkinçilik İnstitutu, aspirantura (1954–)
Mükafatları

Hüseynbala Əbdürəhimov (1930–2004) — kənd təsərrüfatı elmləri namizədi, Azərbaycan Elmi Tədqiqat Əkinçilik İnstitutunun aparıcı elmi işçisi.

Haqqında məlumatlar

21 yanvar 1930-cu il tarixdə Nuxada (indiki Şəki) anadan olub.

Təhsili

1937 – 1943-cü illərdə Nuxa şəhər 11 №-li orta məktəbində,

1943 – 1946-cı illərdə Nuxa Kənd Təsərrüfatı Texnikumunda,

1949 – 1954-cü illərdə Azərbaycan Kənd Təsərrüfatı İnstitutunda təhsil alıb.

1959-cü ildə Azərbaycan SSR Elmi Tədqiqat Əkinçilik İnstitutunun aspiranturasına daxil olub.

Əmək fəaliyyəti

1946-cı ildən Nuxa rayon Aşağı Küngüt kolxozunda aqrotexnik,

1958-ci ildən Zaqatala rayonundakı Azərbaycan Dövlət seleksiya stansiyasının dayaq məntəqəsinin müdiri, sonra Azərbaycan SSR Kənd Təsərrüfatı Nazirliyinin Toxumçuluq İdarəsində baş aqronom,

1959-cu ildən Azərbaycan SSR Elmi Tədqiqat Əkinçilik İnstitutunda əvvəlcə kiçik elmi işçi,

1964-cü ildən baş elmi işçi,

1993-cü ildən aparıcı elmi işçi vəzifəsində çalışıb.

Elmi fəaliyyəti

“Cənubi Muğanın dəmyə və suvarma şəraitində müxtəlif yerli, seleksiya və gələcəkli (perspektivli) buğda sortlarının bioloji və təsərrüfat xüsusiyyətləri” mövzusunda prof. E.N.Sinskayanın rəhbərliyi altında tədqiqat aparıb,

1964-cü ildə Ümumittifaq Bitkiçilik İnstitutunun Elmi Şurasında (Leninqrad) namizədlik dissertasiyasını müdafiə edib.

65-dən artıq elmi əsərin və 5 çap vərəqi həcmdə kitabçanın müəllifidir. Bu əsərlərdə payızlıq taxılların müxtəlif seleksiya üsullarından alınmış hibrid formaların seçilməsindən, onların bioloji və təsərrüfat xüsusiyyətlərindən, yeni sortların becərilmə texnologiyasından, toxumçulugundan, yeni rayonlaşmış sortların seçilməsi və yerləşdirilməsindən və s. bəhs edib.

Digər

Tbilisi şəhərində fəaliyyət göstərən Zaqafqaziya Seleksiya Mərkəzinin, Azərbaycan Seleksiya və Genetika Cəmiyyətinin Rəyasət Heyətinin üzvü idi.

Təltif və mükafatları

• “Şərəf Nişanı” ordeni (1982);
• SSRİ XTNS-nin bbirünc medalı (1983);
• “Əmək veteranı” medalı (1986);

Vəfatı

2004-cü ildə – 74 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Əbdürəhimov Hüseynbala // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 109-111. — 1.000 nüsx.