Hüseyn Əfəndiyev

Hüseyn Əfəndiyev
Əfəndiyev Hüseyn İsmayıl əfəndi oğlu
Hüseyn Əfəndiyev.
Doğum yeri	≈ 1842(1842-Şablondakı doğum və ya ölüm tarixində texniki yanlışlıq var!-00)
Vəfat yeri	+ 1937
Həyat yoldaşı	Fatma (Məsumə) xanım Əbdürrəhim əfəndi qızı
Uşaqları	Məhəmmədəmin, Siddiqə, Şahid
Atası	İsmayıl əfəndi Hacı Çələbi oğlu
Mükafatları

Hüseyn Əfəndiyev (≈1842–+1937) — tanınmış din xadimi və həm də pedaqoji fəaliyyət göstərmiş şəxs. Görkəmli Azərbaycan maarifçisi Rəşid bəy Əfəndiyevin (1863–1942) və Azərbaycan Xalq Cümhuriyyəti Parlamentinin üzvü Abdulla bəy Əfəndizadənin (1873–1928) böyük qardaşıdır.

Haqqında məlumatlar

Təqribən 1842-ci ildə anadan olub.

Təhsili

İstanbulda təhsil alıb.

Əmək fəaliyyəti

27 (15) dekabr 1893-cü il tarixdə İrəvan, Naxçıvan, Novobayazid və Şərur-Dərələyəz qəzalarının qazısı təyin olunub.

8 sentyabr (27 avqust) 1897-ci il tarixdə Zaqafqaziya Sünni Ruhani İdarəsinin üzvü vəzifəsinə keçirilib.

2 fevral (20 yanvar) 1906-cı il tarixdə Qafqaz canişini ailə vəziyyəti ilə bağlı xahişini nəzərə alaraq 22 saylı əmrlə onu İdarə üzvlüyü vəzifəsindən azad edib.

8 noyabr (26 oktyabr) 1910-cu il tarixdə Yelizavetpol qubernatorunun əmri ilə Yelizavetpol quberniyasının Sünni Məclisinin sədri və Nuxa qəzasının qazısı təyin edilib.

1918-ci ildə Nuxa gimnaziyasında şəriət dərsi deyirdi, sovet dövründə isə Nuxada qız məktəbinin (ünas məktəbi) müdiri vəzifəsində çalışmışdır.

Digər

Hüseyn Əfəndiyevin “Nuxu və yainki Şəki şəhərinin tarixi” adlı əsəri dərc olunmuş “Tarix” qəzeti, 13 iyul 1991-ci il, № 21.

İkicildlik “Zübdətül-əhkamüş-şəriət” kitabının müəllifidir.

1937-ci ildə – 85 yaşında, “Nuxu və yainki Şəki şəhərinin tarixi” adlı bir kiçik tarix əsəri də yazıb.

Müasirləri onu iri cüssəli, sağlam adam kimi təsvir edirdilər.

Təltif və mükafatları

• Boyundan asmaq üçün Stanislav lentində “Xidmətinə görə” qızıl medalı (14 (1) yanvar 1904).

Vəfatı

1937-ci ildən sonra – 85 yaşından sonra vəfat edib (dəqiq vəfat tarixi məlum deyil).

Ailəsi

Atası: İsmayıl əfəndi Hacı Çələbi oğlu (1819–1892).

Həyat yoldaşı: Fatma (Məsumə) xanım Əbdürrəhim əfəndi qızı (1870–?).

Uşaqları: Məhəmmədəmin (1897–?), Siddiqə (1905–?), Şahid (1906–?).

Ədəbiyyat

1. Əfəndiyev H.İ. Nuxu və yainki Şəki şəhərinin tarixi (azərb.) // Tarix : qəzet. — Bakı: Kommunist, 1991. — В. 13 iyul. — № 21.
2. Mərdanov M., Tahirzadə Ə. ƏFƏNDİYEV Məhəmmədəmin Hüseyn əfəndi oğlu // 1920-ci ilədək ali məktəblərdə oxumuş azərbaycanlılar (ensiklopedik soraq kitabı). — Bakı: Təhsil, 2019. — II  cild. — Səh.: 215 – 217. Arxivləşdirilib; arxivləşdirmə tarixi: 22 Apr 2021 - 28 Aug 2021.