Fuad Abdurahmanlı
| Fuad Abdurahmanlı | |
|---|---|
| Abdurahmanlı Fuad Şahin oğlu | |
 | |
| Fuad Abdurahmanlı. | |
| Anadan olub | 10 oktyabr 1986 |
| Anadan olduğu yer |
Şəki, .svg){kind=small} Azərbaycan SSR,  SSRİ |
| Vəfat edib | 21 sentyabr 2014 (27 yaşında) |
| Vəfat etdiyi yer |
Şamaxı rayonu, Mirikənd,  Azərbaycan |
| Vəfat səbəbi | avtomobil qəzası |
| Həyat yoldaşı | Lalə Abdurahmanlı |
| Atası | Şahin Abdurahmanlı |
| Vətəndaşlıq |
Azərbaycan |
| Milliyyəti | türk |
| Təhsili |
Sumqayıt Dövlət Universiteti Ankara Universiteti |
| Tanınır | Fuad Turan Abdurahmanlı |
Fuad Abdurahmanlı (1986–2014) — gənc araşdırmaçı-jurnalist, “Türküstan” qəzeti saytının redaktoru[1][2].
Haqqında məlumatlar[Vizual redaktə | HTML redaktə]
10 oktyabr 1986-cı il tarixdə Şəkidə anadan olub.
Təhsili[Vizual redaktə | HTML redaktə]
1993 – 1997-ci illərdə Şəki şəhər 8 saylı orta məktəbdə,
1997 – 2003-cü illərdə isə Bakıdakı 17 saylı orta məktəbdə oxuyub.
2004 – 2008-ci illərdə Sumqayıt Dövlət Universitetinin Politologiya fakültəsində bakalavr təhsili alıb.
2013-cü ildə Ankara Universitetinin siyasi elmlər fakültəsində magistr pilləsinə daxil olub[1].
Jurnalist fəaliyyəti[Vizual redaktə | HTML redaktə]
2012-ci ildən ömrünün sonunadək “Türküstan” qəzetinin eyni adlı saytının redaktoru vəzifəsində çalışıb[3].
İctimai aktivliyi[Vizual redaktə | HTML redaktə]
Uzun müddət Dünya Azərbaycanlıları Konqresi (DAK) sıralarında təmsil olunub, Dünya Azərbaycanlıları Konqresi Gənclər Təşkilatında fəaliyyət göstərib, həyatının son illərində DAK Məşvərət Məclisinin üzvü idi.
Digər[Vizual redaktə | HTML redaktə]
2008 – 2009-cu illərdə hərbi xidmətdə olub.
2012-ci ildə Azərbaycan Respublikasının Prezidenti yanında Strateji Araşdırmalar Mərkəzinin daxili siyasətin təhlili şöbəsində təcrübə proqramını tamamlayıb. Təcrübə proqramı çərçivəsində “Sol düşüncə sistemi” mövzusunda elmi iş müdafiə edib.
Ailəsi[Vizual redaktə | HTML redaktə]
2012-ci ildə Lalə Abdurahmanlı ilə ailə həyatı qurmuşdur.
Vəfatı[Vizual redaktə | HTML redaktə]
21 sentyabr 2014-cü il tarixdə – 27 yaşında, Bakı-Şamaxı yolunda baş vermiş avtomobil qəzasında həlak olub[3]. Şəkidə dəfn edilib[4].
Xatirəsi[Vizual redaktə | HTML redaktə]
Vəfatından 40 gün keçdikdən sonra “Türküstan” qəzeti onun xatirəsinə xüsusi buraxılış həsr edib. “Tanrı dağında bizi gözlə,.. Fuad!” adlı buraxılışda bir sıra ictimai xadimlərin, millət vəkillərinin, ziyalıların, jurnalistlərin və digər şəxslərin onunla bağlı düşüncələri yer alıb[1].
10 oktyabr 2015-ci ildə Fuad Abdurahmanlının xatirəsinə həsr olunmuş “Fuad Turan Fondu” və bu fondun təsis etdiyi “Fuad Turan” mükafatının təqdimat mərasimi keçirilib. Fondun əsas məqsədi ediləcək şəxsi yardımlar, eləcə də fondun hər il təşkil edəcəyi xeyriyyə aksiyalarından əldə edilən ianələr hesabına azərbaycanlı gənclərin xaricdə təhsil almasına yardım etməkdir. Tədbirdə fondun idarə heyətinin Əminə Əliyevanı “Fuad Turan Fondu”na sədr seçdiyi elan olunub. Fond hər il ənənəvi olaraq, Fuad Turan Abdurahmanlının doğum günündə eyniadlı fond tərəfindən il ərzində öz sahəsində uğur qazanan bir azərbaycanlı gəncə “Fuad Turan” mükafatının təqdim olunmasının nəzərdə tutub. 2015-ci ildə mükafatın ilk sahibi ADA universitetinin tələbəsi İsmayıl Zeynallı olub[2].
İstinadlar[Vizual redaktə | HTML redaktə]
- ↑ 1,0 1,1 1,2 "Mərhum jurnalistə xüsusi buraxılış həsr olunub". modern.az. 31 oktyabr 2014. 11 aprel 2019 tarixində arxivləşdirilib.
- ↑ 2,0 2,1 "Gənclərin xaricdə təhsilini maliyyələşdirəcək fond təsis edildi". qafqazinfo.az. 12 oktyabr 2015. 11 aprel 2019 tarixində arxivləşdirilib.
- ↑ 3,0 3,1 "Azərbaycanda dəhşətli qəza: 4 nəfər öldü". oxu.az. 22 sentyabr 2014. 11 aprel 2019 tarixində arxivləşdirilib.
- ↑ "Yol qəzasında həlak olmuş jurnalist". modern.az. 22 sentyabr 2014. 11 aprel 2019 tarixində arxivləşdirilib.
Videolar[Vizual redaktə | HTML redaktə]
 | © 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |