Cahangir İsmayılov

Cahangir İsmayılov
	İsmayılov Cahangir Səlim oglu
	Cahangir İsmayılov.
Doğum tarixi	12 iyun 1936
Doğum yeri	Baş Göynük, Nuxa (indiki Şəki) rayonu, Azərbaycan SSR, ZSFSR, SSRİ
Vəfat tarixi	15 yanvar 2010 (73 yaşında)
Vəfat yeri	Bakı, Azərbaycan
Dəfn yeri	Bakı, Azərbaycan
Vətəndaşlıq	SSRİ→ Azərbaycan
İş yeri	Azərbaycan Dövlət İqtisad Universiteti, maliyyə-kredit kafedrası (dosent)
Elmi dərəcəsi	iqtisad elmləri namizədi
Elmi adı	dosent
Təhsili	• S.M.Kirov adına Azərbaycan Dövlət Universiteti, iqtisadiyyat fakültəsi (1959–1964) • aspirantura, qiyabi (1967–)
Həyat yoldaşı	Elmira
Uşaqları	Ayaz və Azər
Atası	Səlim
Anası	Telli
Elmi rəhbəri	professor V.B.Liberman
Adının digər versiyaları	Джахангир Исмаилов, Ҹаһанҝир Исмајылов

Cahangir İsmayılov (1936–2010) — iqtisad elmləri namizədi, Azərbaycan Dövlət İqtisad Universitetinin maliyyə-kredit kafedrasının dosenti.

Haqqında məlumatlar[Vizual redaktə | HTML redaktə]

12 iyun 1936-cı il tarixdə Nuxa (indiki Şəki) rayonunun Baş Göynük kəndində anadan olub.

Təhsili[Vizual redaktə | HTML redaktə]

1945 – 1955-ci illərdə Baş Göynük kənd orta məktəbində

1959 – 1964-cü illərdə S.M.Kirov adına Azərbaycan Dövlət Universitetinin iqtisadiyyat fakültəsində təhsil alıb.

1967-ci ildə qiyabi aspiranturaya daxil olub.

Hərbi xidmətdə[Vizual redaktə | HTML redaktə]

1955 – 1958-ci illərdə hərbi xidmətdə olub.

Əmək fəaliyyəti[Vizual redaktə | HTML redaktə]

1964-cü ildən S.M.Kirov adına Azərbaycan Dövlət Universitetində,

1966-cı ildən Dadaş Bünyadzadə adına Azərbaycan Xalq Təsərrüfatı İnstitutunda işləyib; o cümlədən,

1975-ci ildən dosent vəzifəsini tutub.

Elmi fəaliyyəti[Vizual redaktə | HTML redaktə]

1972-ci ildə “Sənaye müəssisələrində hazır məhsul uçotu informasiyasının təhlili və təkmilləşdirilməsi” mövzusunda dissertasiya müdafiə edərək iqtisad elmləri namizədi alimlik dərəcəsini alıb.

6 dərs vəsaiti və 20 elmi məqaləsi çap olunub.

Müxtəlif illərdə Moskva, Kiyev, Donetsk, Lvov və Leninqradda elmi-praktik konfranslarda iştirak edib.

Vəfatı[Vizual redaktə | HTML redaktə]

15 yanvar 2010-cu il tarixdə – 73 yaşında, Bakıda vəfat edib. Bakıda da dəfn olunub.

Ədəbiyyat[Vizual redaktə | HTML redaktə]

Məmmədov Ə., Xalıqov F. İsmayılov Cahangir // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 287-288. — 1.000 nüsx.