Barat Şəkinskaya

Barat Şəkinskaya
Şəkinskaya Barat Həbib qızı
Barat Şəkinskaya.
Doğum tarixi	28 iyun 1914(1914-06-28)
Doğum yeri	Şuşa, Şuşa qəzası, Yelizavetpol quberniyası, Rusiya İmperiyası
Vəfat tarixi	14 yanvar 1999 (84 yaşında)
Vətəndaşlığı	Rusiya İmperiyası→ Azərbaycan Cümhuriyyəti→ SSRİ→ Azərbaycan
Həyat yoldaşları	Mir İbrahim Həmzəyev, Şəmsi Bədəlbəyli və Mehdi Məmmədov
Atası	Həbib xan Şəkinski
Anası	Gövhər Şəkinskaya
Təhsili	Gəncə Pedaqoji Məktəbi (1927–1930)
Mükafatları
IMDb	ID 3528484

Barat Şəkinskaya (1914–1999) — məşhur teatr və kino aktrisası, Azərbaycan SSR xalq artisti, ilk azərbaycanlı travist (oğlan rolları oynayan aktrisa).

Haqqında məlumatlar

28 iyun 1914-cü il tarixdə Şuşada anadan olub.

1920-ci il avqustun 21-də anası ilə birlikdə Göytəpə kəndinə,

1923-cü ildə isə Gəncəyə köçüblər.

Təhsili

1923 – 1927-ci illərdə Gəncə 2 saylı birinci dərəcəli qız məktəbində,

1927 – 1930-cu illərdə isə Gəncə Pedaqoji Məktəbində təhsil alıb.

Əmək fəaliyyəti

1929-cu ildə Gəncə Həmkarlar ittifaqının Fəhlə klubunda aktrisa ştatı üzrə işə qəbul edilib.

1930-cu ildə Sərkər kənd məktəbinə müəllim işləməyə göndərilib.

1933 – 1935 və 1943 – 1944-cü illərdə Gəncə teatrının,

1935 – 1943, 1944 – 1956 və 1960-cı ildən sonra Məşədi Əzizbəyov adına Azərbaycan Dövlət Dram Teatrının aktyoru olub.

1956 – 1960-cı illərdə isə “Azərbaycanfilm” kinostudiyasında aktrisa, Azərbaycan Dövlət Akademik Filarmoniyasında aparıcı, Azərbaycan televiziyasında diktor vəzifələrində çalışıb.

Mükafatları

• "Azərbaycan SSR əməkdar artisti" fəxri adı — 23 aprel 1940.
• "Azərbaycan SSR xalq artisti" fəxri adı — 21 iyul 1949.

Filmoqrafiya

• Görüş (film, 1955).
• O olmasın, bu olsun (film, 1956).
• Qızmar günəş altında (film, 1957).
• Kölgələr sürünür (film, 1958).
• Qəribə əhvalat (film, 1960).
• Telefonçu qız (film, 1962).
• Azəri teatrının ustaları (film, 1966).
• Evin kişisi (film, 1978).
• Onun bəlalı sevgisi (film, 1980).
• Üzeyir ömrü (film, 1981).

Vəfatı

14 yanvar 1999-cu il tarixdə – 84 yaşında, Bakıda vəfat edib. Bakıda İkinci Fəxri xiyabanda dəfn olunub.

Ailəsi

Atası Həbib xan Şəki xanı Səlim xanın nəslindən idi, 1920-ci ildə Azərbaycanda sovet hökumətinin qurulmasından sonra qaçaq düşmüşdür. Anası Gövhər xanım Əbdürrəhim bəy Haqverdiyevin əmisi qızı idi.

Barat Şəkinskaya üç dəfə ailəli olmuşdur:

1. 1931-ci il, iyulun 9-da Gəncədə tanınmış həvəskar aktyor və rejissor, Fəhlə klubunun direktoru Mir İbrahim Həmzəyevlə ailə qurub. 1932-ci il mayın 3-də Barat Şəkinskayanın birinci övladı-qızı Solmaz Həmzəyeva anadan olub. İki ildən sonra – 1933-cü ildə, Barat Şəkinskaya ilə Miribrahim Həmzəyev boşanırlar.
2. 1936-cı ildə Məşədi Əzizbəyov adına Azərbaycan Dövlət Dram Teatrının rejissoru Şəmsi Bədəlbəyli ilə ikinci dəfə ailə qurub. Bu nikahdan qızı Rövşanə Bədəlbəyli anadan olub. 1943-cü ildə Barat Şəkinskaya Şəmsi Bədəlbəylidən boşanır.
3. 1944-cü ildə Gəncə Dövlət Dram Teatrının baş rejissoru Mehdi Məmmədovla ailə qurub. Bu nikahdan 1946-cı il Elçin Məmmədov doğulub.

Şəkinskilərin nəsil şəcərəsi

Şəkinskilərin nəsil şəcərəsi

Səlim xan

Tutu bəyim (İbrahim xanın qızı)

Asiya bəyim

Fəxrunnisə xanım

Hüseyn xan

Hacı xan

Süleyman xan Şəkinski

Hürcahan bəyim

Məşədi Məmməd/İsgəndər xan (?)

Əbdül xan

Qasım xan

Cəfər xan

Həsən ağa

Sara bəyim

Tuti bəyim

Gövhər

Süleyman xan

Əziz xan

Yusif xan

Sitarə bəyim

Həbib xan Şəkinski

Ağca bəyim

Miribrahim Həmzəyev

Şəmsi Bədəlbəyli

Barat Şəkinskaya

Mehdi Məmmədov

Süleyman Hacıyev

Səriyyə Hacıyeva

Solmaz Həmzəyeva

Rövşanə Bədəlbəyli

Elçin Məmmədov

Şəkillər

• 
  Şəki xanları, yaxud xanzadələri (şərti), — Şəki xan sarayında friz (divar rəfi) üzərində miniatür.
• 
  Yusif xan Şəkinski (1887–?).
• 
  Həbib xan Şəkinski (1880–1956).
• 
  Barat Şəkinskaya (1914–1999).
• 
  Elçin Məmmədov (1947–2001).

Xatirəsi

3 aprel 2014-cü il tarixdə Azərbaycan Respublikasının Prezidenti İlham Əliyev Azərbaycan Respublikasının Mədəniyyət və Turizm Nazirliyinin Barat Şəkinskayanın 100 illik yubileyinə həsr olunmuş tədbirlər planını hazırlayıb həyata keçirməsi barədə sərəncam (№ 364) imzalamışdır.

17 dekabr 2014-cü il tarixdə isə Azərbaycan Dövlət Musiqili Teatrında Mədəniyyət və Turizm Nazirliyinin təşkilatçılığı ilə Barat Şəkinskayanın anadan olmasının 100 illiyinə həsr olunmuş yubiley gecəsi keçirilmişdir.

Ədəbiyyat

1. Kəbutər. Azərbaycan səhnəsinin Cülyettası (azərb.) // Yeni Azərbaycan : qəzet. — Bakı, 2011. — В. 15 yanvar. — Səh. 11. Arxivləşdirilib; arxivləşdirmə tarixi: 20 noyabr 2020.