Babək İsgəndərov

Babək İsgəndərov
Babək İsgəndərov
	İsgəndərov Babək Ağabala oğlu
	Babək İsgəndərov Böyük Qafqaz dağlarında.
Şəxsi məlumatlar
Doğum tarixi	1 iyun 1986 (38 yaş)
Doğum yeri	Oravan (indiki Oraban), Şəki rayonu, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	• Azərbaycan Dövlət Bədən Tərbiyəsi və İdman Akademiyası (2006–2011) • Azərbaycan Hava və Ekstremal İdman Növləri Federasiyasının Dağçılıq Məktəbi (2011)

Babək İsgəndərov — tanınmış alpinist, Azərbaycan Hava və Ekstremal İdman Növləri Federasiyasının Dağçılıq Məktəbinin tədris bölməsinin rəhbəri.

Haqqında məlumatlar[Vizual/Mobil redaktə | HTML redaktə]

1 iyun 1986-cı il tarixdə Şəki rayonunun Oravan (indiki Oraban) kəndində anadan olub.

Təhsili[Vizual/Mobil redaktə | HTML redaktə]

2006 – 2011-ci illərdə Azərbaycan Dövlət Bədən Tərbiyəsi və İdman Akademiyasında idman turizmi ixtisası üzrə təhsil alıb.

2011-ci ildə həm də Azərbaycan Hava və Ekstremal İdman Növləri Federasiyasının Dağçılıq Məktəbini bitirib.

Əmək və idman fəaliyyəti[Vizual/Mobil redaktə | HTML redaktə]

2011-ci ildən sonra Azərbaycan Hava və Ekstremal İdman Növləri Federasiyasında (FAIREX) çalışır; o cümlədən, əvvəl təlimçi, sonra isə federasiyanın Dağçılıq Məktəbinin tədris bölməsinin rəhbəri olub.

2017-ci ilin avqust ayında Avrasiya Alpinizm və Qayayadırmanma Assosiasiyası və Rusiyanın Milli və Qeyri-Olimpiya İdman Növləri Birliyinin təşkilatçılığı ilə keçirilmiş Beynəlxalq Alpiniada yarışlarında iştirak etmiş və bu yarışlar çərçivəsində Azərbaycan Hava və Ekstremal İdman Növləri Federasiyasının dağçılarından ibarət ekspedisiya qrupunun digər üzvü Rinat Rəhimxanovla birlikdə Qafqaz dağlarının ən hündür zirvəsi olan Elbrusa (5642 m) qalxmışdır.