Əziz Zərgərov

Əziz Zərgərov
	Zərgərov Əziz İsmayıl oğlu
	Əziz Zərgərov.
Anadan olub	10 aprel 1931
Anadan olduğu yer	Nuxa (indiki Şəki), Azərbaycan SSR, ZSFSR, SSRİ
Vəfat edib	12 iyul 1993 (62 yaşında)
Vəfat etdiyi yer	Bakı, Azərbaycan
Dəfn yeri	Şəki, Azərbaycan
Vətəndaşlıq	SSRİ→ Azərbaycan
İxtisası	əmtəəşünas
Təhsili	K.Marks adına Azərbaycan Xalq Təsərrüfatı İnstitutu (1948–1952)
Mükafatları

Əziz Zərgərov (1931–1993) — sovet dövründə Azərbaycanda tanınmış ticarət məmuru olmuş şəxs. Uzun müddət Bakıda “Azərbaycanayaqqabıticarət” topdansatış bazasının rəisi vəzifəsində çalışmışdır.

Haqqında məlumatlar[Vizual redaktə | HTML redaktə]

10 aprel 1931-ci il tarixdə Nuxada (indiki Şəki) anadan olub.

Təhsili[Vizual redaktə | HTML redaktə]

1948-ci ildə orta məktəbi bitirib.

1948 – 1952-ci illərdə K.Marks adına Azərbaycan Xalq Təsərrüfatı İnstitutunda təhsil alıb.

Əmək fəaliyyəti[Vizual redaktə | HTML redaktə]

1952-ci ildə “Bakıayaqqabı” ixtisaslaşmış ticarət təşkilatında əmtəəşünas vəzifəsində işləməyə başlayıb.

Daha sonra əvvəl Bakı toxuculuq, geyim və ayaqqabı malları ticarəti idarəsində, sonra isə Bakı sənaye malları ticarəti idarəsində böyük əmtəəşünas vəzifəsində çalışıb.

1960-cı ildə Bakı toxuculuq, geyim və ayaqqabı malları ticarəti idarəsinə direktor müavini təyin edilib.

1964-cü ildə “Azərbaycanayaqqabıticarət” topdansatış bazasına rəis təyin edilib və ömrünün sonunadək bu vəzifədə çalışıb.

Mükafatları[Vizual redaktə | HTML redaktə]

“Ticarət əlaçısı” döş nişanı.
“Qırmızı Əmək Bayrağı” ordeni.

Vəfatı[Vizual redaktə | HTML redaktə]

12 iyul 1993-cı il tarixdə – 62 yaşında, Bakıda vəfat edib. Şəki şəhərində dəfn olunub.

Ədəbiyyat[Vizual redaktə | HTML redaktə]

Avey A., Əliyev R.H. Azərbaycan tacirləri. — Bakı: Səda, 2002. — Səhifələrin sayı: 261. — Səh.: 106 – 107.