Əfsər Abdullayev

Əfsər Abdullayev
Abdullayev Əfsər Məmməd oğlu
Əfsər Abdullayev, 2000-ci il.
Anadan olub	17 dekabr 1926(1926-12-17)
Anadan olduğu yer	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat edib	6 may 2010 (83 yaşında)
Vəfat etdiyi yer	Şəki, Azərbaycan
Vətəndaşlıq	SSRİ→ Azərbaycan
Təhsili	• Nuxa Dövlət Müəllimlər İnstitutu (1943–1945)  • S.M.Kirov adına Azərbaycan Dövlət Universiteti (1948–1953)

Əfsər Abdullayev (1926–2010) — sovet dövründə Şəkidə ticarətin və mühasibat uçotunun təşkili sahəsində məsul vəzifələr tutmuş şəxs; Nuxa rayon Kooperativlər İttifaqı İdarə heyətinin sədri, Şəki rayon “Aqrar-sənaye Birliyi”nin təftiş-nəzarət şöbəsinin müdiri, ticarət və kənd təsərrüfatı sahələrində bir sıra digər vəzifələrdə işləmişdir. Ölümündən sonra – 2017-ci ildə, ARB Şəki televiziya kanalında onun həyatından bəhs edən “El ağsaqqalı – Əfsər Abdullayev” adlı televiziya filmi nümayiş etdirilib.

Haqqında məlumatlar

17 dekabr 1926-cı il tarixdə Nuxada (indiki Şəki) anadan olub.

Təhsili

1933 – 1943-cü illərdə Nuxa şəhər 12 №-li orta məktəbində,

1943 – 1945-ci illərdə isə Nuxa Dövlət Müəllimlər İnstitutunda,

1948 – 1953-cü illərdə S.M.Kirov adına Azərbaycan Dövlət Universitetində (qiyabi, mühasibat uçotu ixtisası üzrə) təhsil alıb.

Əmək fəaliyyəti

1945 – 1953-cü illərdə Nuxa rayonunun kənd məktəblərində və şəhər 11 №-li orta məktəbində coğrafiya fənnini tədris edib.

1953 – 1960-cı illərdə Nuxa rayonunun Baltalı, Aşağı Küngüt, Çapağan və Baş Zəyzid kəndlərindəki kolxozlarda mühasib və baş mühasib vəzifələrində çalışıb.

1960 – 1968-ci illərdə Nuxa rayon Kooperativlər İttifaqının İdarə heyətinin sədri olub.

1968 – 1977-ci illərdə Qışlaq kənd İstehlak cəmiyyətinin və Şəki rayon İctimai İaşə Birliyinin direktoru olub.

1977 – 2002-ci illərdə Şəki rayon “Aqrar-sənaye Birliyi”/“Aqrokombinat” da mühasib, təftişçi-mühasib və təftiş-nəzarət şöbəsinin müdiri vəzifələrində çalışıb.

2002-ci ildə təqaüdə çıxıb.

İctimai fəaliyyəti

Nuxa/Şəki Rayon Xalq Deputatları Sovetinin deputatı olub. Yeni Azərbaycan Partiyası Şəki təşkilatının yaradıcılarından biridir, vəfatına qədər keçirilən YAP-ın qurultaylarının və Şəki təşkilatının bütün konfranslarının nümayəndəsi olub.

Mükafatları

• “Azərittifaq”ın, “Sentrosoyuz”un və Azərbaycan SSR Kənd Təsərrüfatı Nazirliyinin fəxri fərmanları;
• “Əla ticarətçi” döş nişanı (1966).

Vəfatı

6 may 2010-cu il tarixdə – 83 yaşında, Şəkidə vəfat edib.

Ailəsi

• Həyat yoldaşı: Abdullayeva Lətifə Mustafa qızı (1949 – 1962-ci illərdə), Abdullayeva Firuzə Məmməd qızı (1962-ci ildən sonra).
• Övladları: Vaqif, Nəzakət, Nazim, Rafiq, Sevda, Azər.

Həmçinin, bax:

(“El ağsaqqalı – Əfsər Abdullayev” televiziya filmi. ARB Şəki, yanvar-2017-ci il.)

Ədəbiyyat

• Qafar Cəfəroğlu, Əfsər kişi – şəkililərin inandığı və güvəndiyi insan. Miras (elmi-kütləvi jurnal). Mart, 2012.