Əbdülrəhim Məmmədov

Əbdülrəhim Məmmədov
Əbdülrəhim Məmmədov
	Məmmədov Əbdülrəhim Əbdülrəhman oğlu
	Fayl:Əbdülrəhim Məmmədov.JPG
	Əbdülrəhim Məmmədov.
Şəxsi məlumatlar
Doğum tarixi	8 mart 1925
Doğum yeri	Orta Zəyzid, Şəki qəzası, Azərbaycan SSR, ZSFSR, SSRİ
Vəfat tarixi	30 dekabr 1998 (73 yaşında)
Vəfat yeri	Bakı, Azərbaycan
Dəfn yeri	Bakı, Azərbaycan
Vətəndaşlığı	SSRİ→ Azərbaycan
Təhsili	• Nuxa Pedaqoji Texnikumu (1937–1940) • Nuxa Dövlət Müəllimlər İnstitutu (1940–1942) • Azərbaycan KP MK yanında Birillik Respublika Təbliğatçılar Məktəbi (1945–1946) • 1962-ci ildə Moskvada Sov.İKP MK yanında Ali Partiya Məktəbini(ru) (–1962 )
Təltifləri

Əbdülrəhim Məmmədov (1925–1998) — sovet dövründə Azərbaycanda tanınmış partiya və dövlət məmuru olmuş şəxs; müxtəlif illərdə Azərbaycan SSR Nazirlər Sovetinin sovet orqanları şöbəsində baş referent, Azərbaycan KP Nuxa Şəhər Komitəsinin birinci katibi və s. vəzifələrdə çalışıb.

Haqqında daha ətraflı

8 mart 1925-ci il tarixdə Şəki qəzasının Orta Zəyzid kəndində anadan olub.

Təhsili

1931 – 1937-ci illərdə Orta Zəyzid kənd yeddiillik məktəbində,

1937 – 1940-ci illərdə Nuxa Pedaqoji Texnikumunda,

1940 – 1942-ci illərdə Nuxa Dövlət Müəllimlər İnstitutunun fizika-riyaziyyat fakültəsində təhsil alıb.

1945 – 1946-ci illərdə Azərbaycan KP MK nəzdində Birillik Respublika Təbliğatçılar Məktəbinin dinləyicisi olub.

1962-ci ildə Moskvada Sov.İKP MK yanında Ali Partiya Məktəbini^(ru) qiyabi bitirib.

Əmək fəaliyyəti

1942 – 1943-cü illərdə Orta Zəyzit kənd məktəbində təlim-tərbiyə işləri üzrə direktor müavini,

1946 – 1951-ci illərdə Azərbaycan LKGİ Nuxa şəhər komitəsinin birinci və ikinci katibi,

1951 – 1952-ci illərdə Azərbaycan LKGİ MK-da şöbə müdirinin müavini, şöbə müdiri,

1952 – 1953-cü illərdə Azərbaycan KP Bakı Vilayət Komitəsində və Azərbaycan KP MK-da bölmə müdiri və inspektor,

1954-cü ildə Azərbaycan KP Qusar Rayon Komitəsinin ikinci katibi,

1955 – 1959-cu illərdə Azərbaycan KP Nuxa Şəhər Komitəsinin ikinci katibi,

1959 – 1960-ci illərdə əvvəl iki ay Azərbaycan SSR Nazirlər Sovetində sovet orqanları şöbəsinin müdiri, sonra isə bir il Azərbaycan KP MK İmişli Rayon Komitəsinin birinci katibi,

1960 – 1967-ci illərdə Azərbaycan KP Nuxa Şəhər Komitəsinin birinci katibi,

1967 – 1986-ci illərdə Azərbaycan SSR Nazirlər Sovetinin sovet orqanları şöbəsində baş referent vəzifəsində çalşıb.

1986-cı ildə təqaüdə çıxıb.

Hərbi xidmət

1943 – 1945-ci illərdə Böyük Vətən müharibəsində iştirak edib, 1945-ci ildə kapitan hərbi rütbəsi ilə sovet ordusundan tərxis olunub.

İctimai-siyasi aktivliyi

1945-ci ildən ÜİK(b)P-nın üzvü olub.

Azərbaycan LKGİ MK və Azərbaycan KP MK-ya üzv, II çağırış Azərbaycan SSR Ali Sovetinə deputat seçilib.

Mükafatları

“Qırmızı Əmək Bayrağı” ordeni (SSRİ);
medallar.

Vəfatı

30 dekabr 1998-ci il tarixdə – 73 yaşında, Bakıda vəfat edib.

Digər

Ölümündən sonra – 2007-ci ildə, “Ömürdən yadda qalan bəzi xatirələr” adlı kitabı çap olunub.

Ədəbiyyat

Məmmədov Ə., Xalıqov F. Məmmədov Əbdülrəhim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 373-375. — 1.000 nüsx.

Həmçinin, bax:

Azərbaycan KP Şəki şəhər partiya komitəsinin birinci katibləri.