Şərafət Əliyeva-Əzizova

Şərafət Əliyeva-Əzizova
	Əliyeva-Əzizova Şərafət Abbasəli qızı
	Şərafət Əliyeva-Əzizova, 2006-cu il.
Şəxsi məlumatlar
Doğum tarixi	16 oktyabr 1949 (74 yaş)
Doğum yeri	Zaqatala, Zaqatala rayonu, Azərbaycan SSR, SSRİ
Vətəndaşlığı	SSRİ→ Azərbaycan
Həyat yoldaşı	Fərhad Əzizov
Uşaqları	Anar Əzizsoy, Gündüz Əzizov
Atası	Abbasəli Əliyev
Musiqi aləti	fortepiano

Şərafət Əliyeva-Əzizova — pedaqoq-musiqiçi və konsertmeyster. Müxtəlif illərdə Azərbaycandakı (Şəki Musiqi Texnikumu, Şəki Dövlət Regional Kolleci) və Türkiyədəki (Ədirnə-Anadolu İncəsənət Liseyi, Trakya Universiteti Dövlət Konservatoriyası, Batman şəhər Valiliyi nəzdindəki özəl musiqi dərnəyi) musiqi təhsili verən təhsil müəssisələrində işləmişdir.

Haqqında məlumatlar

16 oktyabr 1949-cu il tarixdə Zaqatalada, hərbçi həkim ailəsində anadan olub.

Təhsili

1970 – 1975-ci ildə Ü.Hacıbəyov adına Azərbaycan Dövlət Konservatoriyasının fortepiano sinfində təhsil alıb.

Əmək fəaliyyəti

1975 – 1998-ci illərdə Şəki Musiqi Texnikumunda işləyib; o cümlədən, fortepiano şöbəsində ixtisas müəllimi,

1975 – 1977-ci illərdə texnikumun fortepiano şöbəsinin müdiri vəzifəsində çalışıb.

1998 – 2003-cü illərdə Ədirnə-Anadolu İncəsənət Liseyində (Türkiyə),

2003 – 2010-cü illərdə isə Trakya Universiteti Dövlət Konservatoriyasında (Türkiyə) müəllim və konsertmeyster işləyib.

2011 – 2012-ci illərdə Batman şəhər Valiliyi (Türkiyə) nəzdindəki özəl musiqi dərnəyində dərs deyib.

2012-ci ildən əmək fəaliyyətini Şəki Dövlət Regional Kollecində davam etdirib.

Publisistik fəaliyyəti

“Azərbaycan”, “Mədəniyyət” və “Şəki” qəzetlərində məqalələri çıxıb.

2020-ci ildə K.K.Səfərəliyevanın XX əsr musiqi tarixindəki rolu haqqında “Bizim böyük müəllimimiz” adlı kitabı çap olunub.