İlqar Bürcəliyev

İlqar Bürcəliyev
Bürcəliyev İlqar Vüqar oğlu
İlqar Bürcəliyev, 2019-cu il.
Doğum tarixi	11 mart 2001(2001-03-11)
Doğum yeri	Moskva, Rusiya
Vəfat tarixi	28 sentyabr 2020 (19 yaşında)
Vəfat yeri	Talış kəndi yaxınlığında, Tərtər rayonu, Azərbaycan
Dəfn yeri	Gəncə Şəhidlər Xiyabanı
Vətəndaşlıq	Azərbaycan
Mənsubiyyəti	Azərbaycan Ordusu
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

İlqar Bürcəliyev (2001–2020) — Vətən müharibəsində şəhid olmuş Azərbaycan Silahlı Qüvvələrinin əsgəri. Azərbaycanın xalq artistləri – teatr və kino aktyorları Məmməd Bürcəliyev və Sədayə Mustafayevanın nəvəsidir.

Haqqında məlumatlar

İlqar Bürcəliyevin qəbri, Gəncə Şəhidlər Xiyabanı.

11 mart 2001-ci il tarixdə Moskvada (Rusiya Federasiyası) anadan olub.

Uşaqlıqdan futbola maraq göstərib. 13 yaşından “Vətən” futbol klubunda, 16 yaşından “Kəpəz” futbol klubunda oynamış, daha sonra “Zirə” futbol klubuna transfer edilmişdir. Həmçinin, “Kəpəz” futbol klubunda oynayarkən, futbol üzrə Azərbaycanın U-17 Milli Komandasının sıralarına da dəvət edilib. 2019-cu il iyul ayının 22-də həqiqi hərbi xidmətə yollandığı üçün futbol karyerasını müvəqqəti olaraq dondurub.

Vətən müharibəsinin ikinci günü – 28 sentyabr 2020-ci il tarixində, Tərtərin Talış kəndi və Talış yüksəkliyi uğrunda gedən qızğın döyüşlərdə düşmənin snayper gülləsinə tuş gələrək 19 yaşında qəhrəmancasına həlak olub.

Təltif və mükafatları

• “Vətən uğrunda” medalı – ölümündən sonra (15.12.2020);
• “Laçının azad olunmasına görə” medalı – ölümündən sonra (29.12.2020);
• “Suqovuşanın azad olunmasına görə” medalı — ölümündən sonra (05.11.2021).

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Paşayeva Q. "Yeni zəfər tarixi yazan İlqar Vüqar oğlu Bürcəliyev". https://xalqqazeti.com/ (azərb.). “Xalq qəzeti”. 28 Nov 2020 tarixində arxivləşdirilib.
3. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Laçının azad olunmasına görə” medalı ilə təltif edilməsi haqqında : [arx. 22.12.2021] // Azərbaycan Respublikası Müdafiə Nazirliyi. — 2020. — 29 dekabr. — Müraciət tarixi: 04.12.2021.
4. Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı : “Suqovuşanın azad olunmasına görə” medalı ilə : [arx. 05.11.2021] // Azərbaycan Müdafiə Nazirliyi. — 2021. — 5 noyabr. — Müraciət tarixi: 21.12.2021.