Çingiz Əfəndiyev

Çingiz Əfəndiyev
	Əfəndiyev Çingiz Yunus oğlu
	Çingiz Əfəndiyev, 1990-cı il.
Doğum tarixi	29 noyabr 1932
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	14 fevral 2013 (80 yaşında)
Vəfat yeri	Şəki, Azərbaycan
Həyat yoldaşı	Həqiqət
Uşaqları	Yunus, Zakir və Hilalə
Təhsili	Moskva Toxuculuq Texnikumu

Çingiz Əfəndiyev (1932–2013) — ipəkçilik və toxuculuq sənayesi üzrə tanınmış mütəxəssis və rəhbər kadr; uzun müddət Şəki ipək kombinatında baş direktorun müavini vəzifəsində çalışmış, dəfələrlə baş direktoru əvəz etmiş, bir müddət özü də baş direktor olmuş və bir ilə yaxın vaxt ərzində isə Şəki şəhər icra hakimiyyəti başçısı vəzifəsini tutmuşdur. Şəkinin birinci icra başçısıdır.

Haqqında məlumatlar[Vizual redaktə | HTML redaktə]

29 noyabr 1932-ci il tarixdə Nuxada (indiki Şəki) anadan olub.

Təhsili[Vizual redaktə | HTML redaktə]

Nuxa şəhər M.Qorki adına 10 №-li orta məktəbində və Moskva Toxuculuq Texnikumunda təhsil alıb.

Əmək fəaliyyəti[Vizual redaktə | HTML redaktə]

1956-cı ildə V.İ.Lenin adına Nuxa ipək kombinatının baramaaçan istehsalatında əmək fəaliyyətinə başlayıb. Sonra həmin istehsalatda laborant, usta köməkçisi, növbə ustası işləyib. Daha sonralar kombinatın texniki-nəzarət şöbəsinin rəisi, boyaq-bəzək istehsalatının rəisi, satış şöbəsinin rəisi vəzifələrində çalışıb.

1973-cü ildən kombinatın baş direktorunun müavini,

1990-cı ildən isə baş direktoru olub.

1991 – 1992-ci illərdə Şəki şəhər İcra hakimiyyətinin başçısı vəzifəsində çalışıb.

1992-ci ildən sonra müxtəlif vaxtlarda Şəki “İpək” şirkətində baş direktor, təchizat işləri üzrə baş direktorun müavini, “Şəki-İpək” ASC İdarə Heyəti sədrinin məsləhətçisi və s. vəzifələrdə işləyib.

Vəfatı[Vizual redaktə | HTML redaktə]

14 fevral 2013-cü il tarixdə – 80 yaşında, Şəkidə vəfat edib.

İctimai aktivliyi[Vizual redaktə | HTML redaktə]

1990-cı ildə 130 nömrəli Şəki ikinci şəhər seçki dairəsindən Azərbaycan SSR xalq deputatlığına namizədliyi irəli sürülmüş və bu dairə üzrə ikinci səsvermədə Azərbaycan SSR xalq deputatı seçilmişdir.

Ailəsi[Vizual redaktə | HTML redaktə]

Həyat yoldaşı Həqiqət Əfəndiyeva, tibb bacısı.

Yunus və Zakir adlı iki oğlu, Hilalə adlı bir qızı var.

Həmçinin, bax:[Vizual redaktə | HTML redaktə]

Şəkidən Azərbaycan SSR xalq deputatlığına namizədlərin siyahısı (1990)

Ədəbiyyat[Vizual redaktə | HTML redaktə]

Şəki ikinci şəhər 130 nömrəli seçki dairəsindən xalq deputatlığına namizəd Çingiz Yunus oğlu Əfəndiyevin seçkiqabağı platforması (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 30 avqust 1990. — № 23 – 24 (1626). — Səh. 2.