Zahid Mustafayev

Zahid Mustafayev (1938–2015) — tanınmış mədəniyyət işçisi, teatr aktyoru və rejissoru.

Zahid Mustafayev
Mustafayev Zahid Nəzir oğlu
Zahid Mustafayev.
Doğum tarixi	27 mart 1938(1938-03-27)
Doğum yeri	Nuxa, Azərbaycan SSR, SSRİ
Vəfat tarixi	16 iyun 2015 (77 yaşında)
Vəfat yeri	Şəki, Azərbaycan
Vətəndaşlığı	SSRİ→ Azərbaycan
Uşağı	Xatirə, Sevda, Elşad
Təhsili	Mirzağa Əliyev adına Azərbaycan Dövlət İncəsənət İnstitutu, mədəni-maarif fakültəsi (–1971)

Haqqında məlumatlar

27 mart 1938-ci il tarixdə Nuxada (indiki Şəki) anadan olub.

Təhsili

1948 – 1958-ci illərdə Nuxa şəhər 10 №-li orta məktəbində təhsil alıb.

1971-ci ildə Mirzağa Əliyev adına Azərbaycan Dövlət İncəsənət İnstitutunun mədəni-maarif fakültəsini bitirib.

Əmək fəaliyyəti

1957 – 1978-ci illərdə Nuxada/Şəkidə mədəniyyət sahəsi ilə bağlı müxtəlif vəzifələrdə çalışıb (klub müdiri, metodist, bədii rəhbər, aktyor, ədəbi-hissə müdiri, mədəniyyət evinin direktoru, mədəniyyət və istirahət parkının direktoru, tarix-diyarşünaslıq muzeyinin direktoru və s.).

1978 – 1984-cü illərdə Şəki rayon mədəniyyət şöbəsinin müdiri olub.

1985-ci ildən Sabit Rəhman adına Şəki Dövlət Dram Teatrında işləyib; o cümlədən,

1985 – 1987-ci illərdə teatrın sıravi aktyoru,

1987 — 1993-cü illərdə isə ədəbi-hissə müdiri olub.

1996 – 2011-ci illərdə isə Şəki xalq teatrının rejissoru vəzifəsində çalışıb.

Vəfatı

16 iyun 2015-ci il tarixdə – 77 yaşında, Şəkidə vəfat edib.

Ədəbiyyat

1. Rəhimli İ. Zahid Mustafayev // Şəki teatrı. — Bakı: Qanun, 2016. — Səhifələrin sayı:  383. — Səh.: 83-84. — 500 nüsx. — ISBN 978-9952-36-230-5.