Zahid Mustafayev

Zahid Mustafayev
	Mustafayev Zahid Nəzir oğlu
	Mustafayev Zahid.
Doğum tarixi	27 mart 1938
Doğum yeri	Nuxa, Azərbaycan SSR, SSRİ
Vəfat tarixi	16 iyun 2015 (77 yaşında)
Vəfat yeri	Şəki, Azərbaycan
Vətəndaşlığı	SSRİ→ Azərbaycan
Təhsili	Mirzağa Əliyev adına Azərbaycan Dövlət İncəsənət İnstitutu, mədəni-maarif fakültəsi (–1971)

Zahid Mustafayev (1938–2015) — tanınmış mədəniyyət işçisi, teatr aktyoru, Şəki rayon mədəniyyət şöbəsinin sabiq müdiri.

Haqqında məlumatlar

27 mart 1938-ci il tarixdə Nuxada (indiki Şəki) anadan olub.

Təhsili

1948 – 1958-ci illərdə Nuxa şəhər 10 №-li orta məktəbində təhsil alıb.

1971-ci ildə Mirzağa Əliyev adına Azərbaycan Dövlət İncəsənət İnstitutunun mədəni-maarif fakültəsini bitirib.

Əmək fəaliyyəti

1957 – 1978-ci illərdə Nuxada/Şəkidə mədəniyyət sahəsi ilə bağlı müxtəlif vəzifələrdə işləyib (klub müdiri, metodist, bədii rəhbər, aktyor, ədəbi-hissə müdiri, mədəniyyət evinin direktoru, mədəniyyət və istirahət parkının direktoru, tarix-diyarşünaslıq muzeyinin direktoru və s.).

1978 – 1984-cü illərdə Şəki rayon mədəniyyət şöbəsinin müdiri olub.

1985-ci ildən Sabit Rəhman adına Şəki Dövlət Dram Teatrında çalışıb, o cümlədən,

1985 – 1987-ci illərdə teatrın sıravi aktyoru,

1987 — 1993-cü illərdə ədəbi-hissə müdiri olub.

1996 – 2011-ci illərdə isə Şəki xalq teatrının rejissoru vəzifəsində çalışmışdır.

Vəfatı

16 iyun 2015-ci il tarixdə – 77 yaşında, Şəkidə vəfat edib.

Ədəbiyyat

Rəhimli İ. Zahid Mustafayev // Şəki teatrı. — Bakı: Qanun, 2016. — Səhifələrin sayı: 383. — Səh.: 83-84. — 500 nüsx. — ISBN 978-9952-36-230-5.