Tahir Məmmədov
Tahir Məmmədov | |
---|---|
Məmmədov Tahir Məcid oğlu | |
![]() | |
Tahir Məmmədov. | |
Anadan olub | 29 aprel 1950 |
Anadan olduğu yer |
Nuxa (indiki Şəki), ![]() ![]() |
Vətəndaşlıq |
![]() ![]() |
Təhsili | M.Əzizbəyov adına Azərbaycan Neft və Kimya İnstitutu, energetika fakültəsi (1967–1973) |
Adının digər versiyaları | Tahir Memmedov, Tahir Mammadov, Tahir Mamedov, Тахир Мамедов, Таһир Мәммәдов |
Tahir Məmmədov — tanınmış həmkarlar təşkilatı işçisi; uzun müddət Şəki İpək kombinatında həmkarlar təşkilatı komitəsinin sədri vəzifəsində çalışmış, həmçinin, 1990-cı ildə Azərbaycan SSR xalq deputatlığına namizəd olmuşdur.
Haqqında məlumatlar[Vizual redaktə | HTML redaktə]
29 aprel 1950-ci il tarixdə Nuxada (indiki Şəki) anadan olub.
Təhsili[Vizual redaktə | HTML redaktə]
1967-ci ildə Nuxa şəhər 11 №-li orta məktəbini bitirib.
1967 – 1973-cü illərdə M.Əzizbəyov adına Azərbaycan Neft və Kimya İnstitutunun energetika fakültəsində təhsil alıb.
Hərbi xidmətdə[Vizual redaktə | HTML redaktə]
1973 – 1975-ci illərdə həqiqi hərbi xidmətdə olub; Beloqorsk şəhərində (Amur vilayəti, RSFSR) yerləşən motoatıcı polkun 2-ci batalyonunda rabitə rəisi (qərargah rəisinin müavini) vəzifəsində xidmət edib və baş leytenant hərbi rütbəsi ilə ehtiyata buraxılıb.
Əmək fəaliyyəti[Vizual redaktə | HTML redaktə]
Tələbəlik illərindən (1967–1973) çilingər kimi əmək fəaliyyətinə başlayıb.
1975-ci ildən, hərbi xidmətdən sonra V.İ.Lenin adına Şəki İstehsal İpək Birliyində işləyib; o cümlədən,
1975-ci ildən hərbi qeydiyyat və mülki müdafiə qərargahının rəisi, sonra həmin ilin noyabrında I şöbənin rəisi,
1984-cü ildən partiya təşkilatı katibinin müavini,
1986 – 2006-ci illərdə isə həmkarlar ittifaqı komitəsinin sədri vəzifəsində çalışıb.
İctimai aktivliyi[Vizual redaktə | HTML redaktə]
İki dəfə Şəki şəhər sovetinin deputatı seçilib.
1990-cı ildə 129 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd göstərilsə də, həmin dairə üzrə nəticələr ləğv edildikdən sonra təkrar seçkidə iştirak etməyib.
1976 – 1985-ci illərdə Şəki ipək kombinatının “İpəkçi” futbol komandasına rəhbərlik edib. Həmin illərdə komanda hər il şəhər çempionu və dəfələrlə zona çempionu olub; o cümlədən, 1982-ci ildən respublika çempionatında çıxış edib.
Ədəbiyyat[Vizual redaktə | HTML redaktə]
- Respublika xalq deputatlığına namizəd, birlik həmkarlar ittifaqı komitəsinin sədri Tahir Məcid oğlu Məmmədovun seçkiqabağı platforması (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959–1960). — Səh. 2.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |