Şəki Ensiklopediyası

Nazim Hacıyev

Nazim Hacıyev (1924–1962) — görkəmli dövlət xadimi, Azərbaycan KP MK-nın ideoloji işlər üzrə katibi; 1940-cı illərin ikinci yarısından 1960-cı illərin əvvəllərinədək Azərbaycan SSR-də yüksək komsomol və partiya vəzifələrində çalışmış, həmçinin, ÜLKGİ MK-nın büro üzvü, Sov.İKP MK-da məsul təşkilatçı və sektor müdiri olmuşdur.

Nazim Hacıyev
Hacıyev Nazim Məmmədiyə oğlu
Nazim Hacıyev
Nazim Hacıyev.
Şəxsi məlumatlar
Doğum tarixi 6 iyun 1924(1924-06-06)
Doğum yeri Nuxa, Şəki qəzası, Azərbaycan SSR, ZSFSR, SSRİ
Vəfat tarixi 30 iyul 1962 (38 yaşında)
Vəfat yeri Bakı, Azərbaycan SSR, SSRİ
Vətəndaşlığı SSRİ→ Azərbaycan
Həyat yoldaşı Bədəlova Ziba Səttar qızı
Uşağı Aydın Hacıyev
Təhsili S.M.Kirov adına Azərbaycan Dövlət Universiteti (1940–1941; 1944–1948)

Haqında məlumatlar Redaktə

6 iyun 1924-cü il tarixdə Nuxada (indiki Şəki) anadan olub.

Təhsili Redaktə

1940-cı ildə Nuxada peşə məktəbini bitirib.

1940–1941 və 1944–1948-ci illərdə S.M.Kirov adına Azərbaycan Dövlət Universitetinin filologiya fakültəsində təhsil alıb.

Əmək fəaliyyəti Redaktə

1941 − 1943-cü illərdə, müxtəlif vaxtlarda “Nuxa fəhləsi” qəzetində ədəbi işçi, Huxa şəhər 12 №-li orta məktəbində dil və ədəbiyyat müəllimi, Baş Küngüt kənd orta məktəbində dərs hissə müdiri, Nuxa rayon xalq maarifi şöbəsində metodist vəzifəsində çalışıb.

1943 − 1944-cü illərdə “Nuxa fəhləsi” qəzetinin məsul katibi olub.

1944 − 1947-ci illərdə Azərbaycan SSR Xalq Daxili İşlər Komissarlığında işləyib.

1947 − 1950-ci illərdə Bakı şəhər Komsomol Komitəsinin katibi,

 
Nazim Hacıyev və Qeysər Xəlilov, XX əsrin 50-ci illəri.

1950 − 1952-ci illərdə, əvvəl Azərbaycan KP Bakı Şəhər Komitəsinin təbliğat şöbəsində təlimatı, sonra isə Azərbaycan Dövlət Tibb İnstitutunda partiya komitəsinin katibi olub.

1951-ci ildə Azərbaycan LKGİ-nın XIX qurultayında LKGİ MK-nın katibi,

1952-ci ildə isə Azərbaycan LKGİ MK-nın birinci katibi seçilib.

1956 − 1958-ci illərdə Azərbaycan KP MK-nın elm və təhsil şöbəsinin müdiri,

1958-ci ildən isə Sov.İKP MK-nın əvvəlcə məsul təşkilatçısı, sonra isə sektor müdiri,

1960-cı ildə Azərbaycan KP MK-nın ideoloji işlər üzrə katibi olub.

Digər fəaliyyəti Redaktə

1952-ci ildə keçirilmiş ÜİK(b)P-nin XIX qurultayında[1],

1956-cı ildə keçirilmiş Sov.İKP-nin XX qurultayında Azərbaycan SSR-i təmsil edən nümayəndələrdən biri olub.

1956-ci ildə ÜLKGİ MK-nın büro üzvü seçilib.

Vəfatı Redaktə

30 iyul 1962-ci il tarixdə – 38 yaşında, Bakıda vəfat edib. Bakıda Fəxri xiyabanda dəfn olunub[2].

Xatirəsi Redaktə

Bakıda (keçmiş 6-cı Alatava küçəsi) və Şəkidə adına küçə var.

Sovet dövründə Şəkinin mərkəzi istirahət klubu, Şəki rayonunun İnçə kəndində sovxoz və Baş Küngüt kəndində orta məktəb onun adını daşıyıb.

2000 və 2009-cu illərdə oğlu Aydın Hacıyevin atası haqqında yazdığı “Hər şeyi başa düşmək, lakin bağılamamaq” (rus.: «Все понять, но не всепростить») adlı kitabı çap olunub.

2019-cu ildə “Aranfilm” Yaradıcılıq Mərkəzində Nazim Hacıyevin həyatından bəhs edən “Bir qəsdin tarixi” sənədli filmi istehsal edilmişdir.[3]

Əsərləri Redaktə

  1. Гаджиев Н. М. Из практики работы по интернациональному воспитанию трудящихся. — М.: Знание, 1961. — 36 с. — 2000 экз.
  2. Гаджиев Н. М. Французские встречи: [Путевые заметки участника Делегации советской молодёжи во Францию в 1955 г.]. — Баку: Детюниздат, 1956. — 130 с. — 6000 экз.

İstinadlar Redaktə

  1. ↑ "Делегаты XIX съезда ВКП(б) 5—14.10.1952". Справочник по истории Коммунистической партии и Советского Союза 1898—1991. 2012-09-21 tarixində arxivləşdirilib. İstifadə tarixi: 2012-05-18.
  2. ↑ "Fəxri Xiyabanda dəfn olunanlar". Azerbaijan.az. 2012-09-21 tarixində arxivləşdirilib. İstifadə tarixi: 2012-05-18.
  3. ↑ Эльмира Ахундова (06.06.2019). "Смертельная схватка Анастаса Микояна и Назима Гаджиева" (русский). 1news. İstifadə tarixi: 2019-06-06.

Ədəbiyyat Redaktə

  1. Məmmədov Ə., Xalıqov F. Гаджиев Назим Мамедия оглы // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 312-314. — 1.000 nüsx.
Mənbə — "https://sheki.org/wiki/index.php?title=Nazim_Hacıyev&oldid=53357"