Lalə Hüseynova — tanınmış musiqişünas-pedaqoq, Azərbaycan Respublikasının əməkdar incəsənət xadimi, sənətşünaslıq üzrə fəlsəfə doktoru, Azərbaycan Milli Konservatoriyasının professoru, konservatoriyanın elmi işlər üzrə prorektoru və “Konservatoriya” elmi jurnalının baş redaktoru. Uzun müddət Azərbaycan Bəstəkarlar İttifaqı İdarə Heyətinin üzvü olmuşdur.

Lalə Hüseynova
Hüseynova Lalə Şirməmməd qızı
Lalə Hüseynova
Lalə Hüseynova.
Şəxsi məlumatlar
Doğum tarixi 20 oktyabr 1962(1962-10-20)
Doğum yeri Bakı, Azərbaycan SSR, SSRİ
Vətəndaşlığı SSRİ Azərbaycan
Atası Şirməmməd Hüseynov
Anası Ülkər Hüseynova

Təhsili

 • Bülbül adına orta ixtisas musiqi məktəbini (1969–1980)

 • Ü.Hacıbəyov adına Azərbaycan Dövlət Konservatoriyası, tarix-nəzəriyyə fakültəsi (1980–1985)
Elmi dərəcəsi sənətşünaslıq üzrə fəlsəfə doktoru
Elmi adı professor
Adının digər versiyaları Lale Huseynova, Лале Гусейнова, Лалә Һүсејнова
Mükafatları "Azərbaycan Respublikasının əməkdar incəsənət xadimi" fəxri adı

Haqqında məlumatlar Redaktə

20 oktyabr 1962-ci il tarixdə Bakıda, ziyalı ailəsində anadan olub.

Təhsili Redaktə

1980-ci ildə Bülbül adına orta ixtisas musiqi məktəbini əla attestatla,

1985-ci ildə Ü.Hacıbəyov adına Azərbaycan Dövlət Konservatoriyasının tarix-nəzəriyyə fakültəsini fərqlənmə diplomu ilə bitirib.

Əmək fəaliyyəti Redaktə

1985 – 2014-cü illərdə Azərbaycan Bəstəkarlar İttifaqında çalışıb; o cümlədən, əvvəl bir müddət baş məsləhətçi,

2002 – 2012-ci illərdə məsul katib,

2012 – 2014-cü illərdə isə katib vəzifəsini tutub.

2015-ci ildən Azərbaycan Milli Konservatoriyasının elmi işlər üzrə prorektoru olmaqla yanaşı,

2015-ci ildən “Konservatoriya” elmi jurnalının baş redaktoru,

2016-cı ildən Azərbaycan Milli Konservatoriyasının professorudur.

İkinci iş yerləri Redaktə

2005 – 2015-ci illərdə Ü.Hacıbəyli adına Bakı Musiqi Akademiyasının xalq musiqisinin tarixi və nəzəriyyəsi kafedrasında türk xalqlarının musiqisi, mənbəşünaslıq, ixtisas fənlərindən dərs deyib; o cümlədən,

2008-ci ildən kafedranın dosenti olub.

2006 – 2018-ci illərdə Heydər Əliyev adına Müasir Təhsil Kompleksinin estetika kafedrasında dünya musiqi mədəniyyətinin tarixi fənni üzrə baş müəllim vəzifəsində çalışıb.

Elmi fəaliyyəti Redaktə

2005-ci ildə “Azərbaycan musiqi mədəniyyətinin inkişafında Bəstəkarlar İttifaqının rolu və əhəmiyyəti” mövzusunda dissertasiya işini müdafiə edərək sənətşünaslıq üzrə fəlsəfə doktoru adını alıb.

3 kitabın, 2 dərslik və bir sıra dərs vəsaitlərinin müəllifidir. Dövri-mətbuatda, o cümlədən, bir sıra nüfuzlu jurnallarda və veb-saytlarda 100-dən çox elmi və elmi-publisistik məqaləsi dərc olunub.

İctimai aktivliyi Redaktə

1987-ci ildən SSRİ və Azərbaycan Bəstəkarlar İttifaqının üzvü,

1990 – 2019-illərdə Azərbaycan Bəstəkarlar İttifaqı İdarə Heyətinin üzvü olub.

2019-cu ildən YUNESKO-nun Ənənəvi Musiqi Üzrə Beynəlxalq Şurasının “Tükdilli xalqların musiqisi” qrupunun üzvüdür.

Digər Redaktə

1985-ci ildən etibarən müxtəlif illərdə televiziyada 100-ə yaxın musiqi verlişlərinin – “Xaqani, 27 – Azərbaycan Bəstəkarlar İttifaqından”, “Opera musiqisinin şedevrləri”, “Bəstəkar və ifaçılarımızın portreti”, “Azərbaycan musiqisində qəhrəmanlıq mövzusu”, “Kino və musiqi”, “Musiqi xəzinəsi”, “Musiqili ekran” verlişlərinin müəllifi və aparıcısı olub. Mütəmadi olaraq konsert və musiqi gecələrində ön sözlə çıxış edir.

Azərbaycanda və xaricdə keçirilən elmi konfranslarda və simpoziumlarda, festival və müsabiqələrdə, o cümlədən, Rusiya (Moskva–2005, 2019, Kazan–2014, Ufa–2018), Gürcüstan (2006, 2016), Özbəkistan (2007, 2013, 2015, 2018), Moldova (2009), Kanada (2011), Ukrayna (2012), Hindistan (2015), Qazaxıstan (2012, 2015, 2018, 2021), Fransa (2019), Türkmənistan (2019), Almaniya (2019), Bakıda keçirilən beynəlxalq elmi simpoziumlarda (2013, 2015, 2016, 2017, 2018, 2021), elmi məruzə və təqdimatlarla, habelə münsif qismində iştirak edib.

Təltif və mükafatları Redaktə

Ədəbiyyat Redaktə

  1. Məmmədov Ə., Xalıqov F. Hüseynova Lalə // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 176-177. — 600 nüsx. — ISBN 5-8066-1708-4.
  2. Hüseynova Lalə : [arx. 23 Mar 2018 - 17 Jan 2021] // “Konservatoriya” jurnalı. — Müraciət tarixi: 23.10.2021.