Kənan İsrafilov

Kənan İsrafilov
İsrafilov Kənan Faiq oğlu
Kənan İsrafilov.
Təxəllüs	Murov qartalı
Doğum tarixi	8 noyabr 1990(1990-11-08)
Doğum yeri	Şirinbulaq, Şəki rayonu, Azərbaycan, SSRİ
Vəfat tarixi	5 oktyabr 2020 (29 yaşında)
Dəfn yeri	Şirinbulaq kəndinin kənd qəbiristanlığı, Şəki rayonu, Azərbaycan
Vəfat səbəbi	döyüşdə şəhid olub
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Uşağı	Aysu
Atası	Faiq
Anası	Məlahət
Həyat yoldaşı	Fərqiyyə
Təhsili	• Cəmşid Naxçıvanski adına hərbi lisey (2004–2007)  • Heydər Əliyev adına Azərbaycan Ali Hərbi Məktəbi (2008–2012)
Hərbi fəaliyyəti
Qoşun növü	Quru Qoşunları
Xidmət illəri	2004 — 2020
Rütbə	kapitan
Təltifləri

Kənan İsrafilov (1990–2020) — Vətən müharibəsində şəhid olmuş Azərbaycan Silahlı Qüvvələrinin kapitanı.

Haqqında məlumatlar

8 noyabr 1990-cı il tarixdə Şəki rayonunun Şirinbulaq kəndində anadan olub.

Təhsili

1997 – 2004-cü illərdə Şirinbulaq kənd ümumi orta məktəbində,

2004 – 2007-ci illərdə Cəmşid Naxçıvanski adına hərbi liseydə,

2008 – 2012-ci illərdə Heydər Əliyev adına Azərbaycan Ali Hərbi Məktəbində təhsil alıb.

2012-ci ildə Azərbaycan Ordusunun Təlim və Tədris Mərkəzində ixtisasartırma kursu keçib.

2020-ci ilin iyul ayında yenidən xüsusi kurs bitirib.

Hərbçi və əmək fəaliyyəti

2013-cü ildə leytenant hərbi rütbəsi ilə “N” saylı hərbi hissəyə tağım komandiri vəzifəsinə təyin olunub.

2015-ci ildə ona baş leytenant,

2019-cu ildə isə kapitan hərbi rütbəsi verilib.

2020-ci ildə “N” saylı hərbi hissəyə tabor komandiri vəzifəsinə təyin olunub.

2020-ci il sentyabrın 27-dən başlayan Vətən müharibəsində Talış və Suqovuşan kəndləri, Ağdərə rayonu və digər ərazilər uğrunda gedən döyüşlərdə tabor komandiri olaraq iştirak edib.

Şəhid olması

5 oktyabr 2020-ci il tarixdə – 29 yaşında, döyüş meydanında qəhrəmancasına həlak olub.

7 oktyabr 2020-ci il tarixdə Şəki rayonunun Şirinbulaq kəndinin kənd qəbiristanlığında dəfn edilib.

Təltif və mükafatları

• “Azərbaycan Silahlı Qüvvələrinin 95 illiyi (1918-2013)” yubiley medalı (26.06.2013);
• “Azərbaycan Ordusunun 100 illiyi (1918-2018)” yubiley medalı (26.06.2018);
• 3-cü dərəcəli "Qüsursuz xidmətə görə" medalı;
• “Vətən uğrunda” medalı – ölümündən sonra (15.12.2020);
• “Hərbi xidmətlərə görə” medalı – ölümündən sonra (30.12.2020);
• “Suqovuşanın azad olunmasına görə” medalı — ölümündən sonra (24.06.2021);
• III dərəcəli “Rəşadət” ordeni – ölümündən sonra (05.11.2021).

Ailəsi

Ailədə bir bacı və bir qardaş olublar. Ailəli idi, bir qızı vardı.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Hərbi xidmətlərə görə” medalı ilə təltif edilməsi haqqında : [arx. 09.03.2022] // Azərbaycan Müdafiə Nazirliyi. — 2020. — 30 dekabr. — Müraciət tarixi: 30.08.2022.
3. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
4. Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı : [arx. 05.11.2021] // https://mod.gov.az/. — 2021. — 5 noyabr. — Müraciət tarixi: 12.09.2022.
5. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : KƏNAN Faiq oğlu İsrafilov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

Videolar

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)