Hüseyn Rəşidov

Hüseyn Rəşidov
Rəşidov Hüseyn Yusif oğlu
Hüseyn Rəşidov.

Hüseyn Rəşidov (1949–2010) — tikinti, mənzil-istismar sahəsi üzrə tanınmış mütəxəssis və rəhbər kadr, Şəki şəhər icra hakimiyyəti başçısının sabiq 1-ci müavini.

Haqqında məlumatlar

26 oktyabr 1949-cu il tarixdə Nuxada (indiki Şəki) ziyalı ailəsində anadan olub.

Təhsili

Əvvəl Nuxa şəhər 3 №-li orta məktəbində, sonra isə Nuxa şəhər 10 №-li orta məktəbində,

1969 – 1972 və 1976 – 1979-cu illərdə Ç.İldırım adına Azərbaycan Politexnik İnstitutunun inşaatçı-mühəndis fakültəsində təhsil alıb.

Hərbi xidmətdə

1972-ci ildə həqiqi hərbi xidmətə gedib.

Əmək fəaliyyəti

Tikinti, mənzil-istismar sahəsi üzrə Bakıda və Şəkidə ayrı-ayrı vaxtlarda müxtəlif təşkilatlarda və müxtəlif vəzifələrdə çalışıb.

1990-cı ildə Şəki şəhər mənzil təsərrüfatı müəssisəsinin rəisi idi.

1993-cü ildə Şəki şəhər icra hakimiyyəti başçısının 1-ci müavini olub.

İctimai-siyasi aktivliyi

1990-cı ildə Şəki Şəhər Xalq Deputatları Sovetinə deputat seçilib.

Vəfatı

13 aprel 2010-cu il tarixdə – 60 yaşında, Şəki Mərkəzi Rayon Xəstəxanasında infarktdan vəfat edib. Xoçik qəbiristanlığında dəfn olunub.