Baxşəli Axundov: Redaktələr arasındakı fərq

Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur!
Bu məqalə Şəki Ensiklopediyasının çapa hazır məqaləsidir.
Şəki Ensiklopediyası materialı
VizualVikimətn
 
Sətir 48: Sətir 48:
1936-cı ildə Kirovabadda (indiki Gəncə) qəzet redaksiyasında şöbə müdiri,
1936-cı ildə Kirovabadda (indiki Gəncə) qəzet redaksiyasında şöbə müdiri,


1959 – 1963-cü illərdə [[Nuxa Musiqi Texnikumu|Nuxa Musiqi Texnikumunun]],  
1959 – 1963-cü illərdə [[Nuxa Musiqi Texnikumu|Nuxa Musiqi Texnikumunun]] direktoru,  


1963-cü ildən isə [[Nuxa ölkəşünaslıq muzeyi|Nuxa ölkəşünaslıq muzeyinin]] direktoru olub.
1963-cü ildən isə [[Nuxa ölkəşünaslıq muzeyi|Nuxa ölkəşünaslıq muzeyinin]] müdiri olub.


1978-ci ildə təqaüdçü idi.
1978-ci ildə təqaüdçü idi.

Səhifəsinin 03:26, 12 noyabr 2023 tarixinə olan son versiyası

Baxşəli Axundov
Axundov Baxşəli Kazım oğlu
Baxşəli Axundov
Baxşəli Axundov, 1976-cı il.
Digər adı Baxşəli əfəndi
Doğum tarixi 1898(1898-Şablondakı doğum və ya ölüm tarixində texniki yanlışlıq var!-00)
Doğum yeri Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi 1985(1985-Şablondakı doğum və ya ölüm tarixində texniki yanlışlıq var!-00) (86 yaşında)
Vəfat yeri Şəki, Azərbaycan SSR, SSRİ
Atası Molla Kazım
Vətəndaşlıq SSRİ

Baxşəli Axundov (1898–1985) — Şəkidə öz dövründə çox böyük hörmət qazanmış ziyalılardan biri. Şəkidəki birinci ibtidai musiqi məktəbinin, Şəki Musiqi Texnikumunun, Şəki Dövlət Diyarşünaslıq Muzeyininin təşkil edilməsində müstəsna xidmətləri olub. İti hafizəsinə, dünyagörüşünə və savadına görə yaşadığı dövrdə “yeriyən canlı ensiklopediya” da adlandırılırdı[1].

Haqqında məlumatlar[Vizual redaktə | HTML redaktə]

1898-ci ildə Nuxada (indiki Şəki) anadan olub.

Təhsili[Vizual redaktə | HTML redaktə]

İlk təhsilini Nuxada, atasının direktor olduğu yeni tipli məktəbdə alıb. Daha sonra Paris Universitetinin tibb fakültəsində oxuyub. Lakin ailə vəziyyəti ilə bağlı təhsilini yarımçıq buraxmağa məcbur olub.

Əmək fəaliyyəti[Vizual redaktə | HTML redaktə]

Bir müddət İranda müəllimlik edib, sonra Nuxaya qayıdıb.

1919-cu ildə Nuxa və Ərəş qəzaları maarif müfəttişliyinin katibi,

1920-ci ilin aprel ayından sonra əvvəl qəza nahiyəsində maarıf şöbəsinin müdiri, sonra qıza maarif şöbəsinin inspektoru, qəza firqə komitəsinin katibi, qəza maarif şöbəsinin müdiri və s. vəzifələrdə işləyib.

1936-cı ildə Kirovabadda (indiki Gəncə) qəzet redaksiyasında şöbə müdiri,

1959 – 1963-cü illərdə Nuxa Musiqi Texnikumunun direktoru,

1963-cü ildən isə Nuxa ölkəşünaslıq muzeyinin müdiri olub.

1978-ci ildə təqaüdçü idi.

Teatr fəaliyyəti[Vizual redaktə | HTML redaktə]

1920-ci ildə Nuxada Fəhlə-kəndli klubu nəzdində teatr qrupu təşkil edib. SSRİ Xalq artisti İsmayıl Osmanlı sənət taleyindən söhbətinə həmişə bu sözlərlə başlayardı:

" Cavanlıqda nədənsə həmişə darıxırdım, həmişə narahat idim. Məni ovunduran, mənə təsəlli verə bilən bir iş axtarırdım. Ancaq onun nə olduğunu dərk edə bilmirdim. Bir dəfə Şəkidə klubun yanından keçirdim. Gördüm çalıb-oynayırlar. Orda Mahmud adlı bir oğlan var idi. O, məni apardı kluba. Rəhbərimiz rejissor, artist, həm də müəllim Baxşəli Axundov idi. O vaxtdan, yəni 1921-ci ildən mənim teatr həyatım başlandı[2]. "

Jurnalistlik fəaliyyəti[Vizual redaktə | HTML redaktə]

Dövrü-mətbuatda «B.A» (“Kommunist”, “Yeni fikir” 1924 − 1937; “Şəki fəhləsi”, 1925), «Bəka» (“Kommunist”, “Yeni fikir”, “Yeni yol”, “Nuxa fəhləsi”, 1922 − 1937), «Bəxşəli» (“Şəki fəhləsi”, 1925), «Quqkay» (“Molla Nəsrəddin”, 1923), «Kazımlı» (“Yeni fikir”, “Kommunist”, “Kəndçi qəzeti”), «Maqqay» (“Molla Nəsrəddin”, 1925) imzaları ilə[3] müntəzəm olaraq publisistik məqalələrə çıxış etmiş, xalqın maariflənməsinə çalışmışdır.

Həbsi[Vizual redaktə | HTML redaktə]

1937-ci ildə repressiyaya məruz qalıb və 1947-ci ilə kimi Sibirdə həbsdə olub. 1956-cı ildə bəraət alıb[4].

Vəfatı[Vizual redaktə | HTML redaktə]

1985-ci ildə – 86 yaşında, Şəkidə vəfat edib.

Xatirəsi[Vizual redaktə | HTML redaktə]

Şəki şəhərində Baxşəli Axundovun adını daşıyan folklor evi fəaliyyət göstərir.

İstinadlar[Vizual redaktə | HTML redaktə]

  1. ↑ ŞGS, 2018, s. 182.
  2. ↑ Təranə Məhərrəmova, 2017.
  3. ↑ Məmmədli Q., 1977, s. 21, 24, 25, 34.
  4. ↑ OTÖ, 2006, s. 111.

Ədəbiyyat[Vizual redaktə | HTML redaktə]

  1. Axundov B. Nuxa maarifinin inkişafı // Məhyəddin Abbasov (redaktor) Nuxa fəhləsi : qəzet. — Nuxa, 1967. — В. 27 aprel. — № 50 (7.081). — Səh. 3 – 4.
  2. Məmmədli Q. İmzalar. — təkrar (2010). — «Azərbaycan Dövlət Nəşriyyatı», 1977. — Səh.: 21, 24, 25, 34. Arxivləşdirilib; arxivləşdirmə tarixi: 12 iyun 2020.
  3. Mete Ə. Axundov Baxşəli Kazım oğlu // O torpağın övladları. — Bakı: Nurlan, 2006. — Səhifələrin sayı:  608. — Səh.: 111-112. — 500 nüsx.
  4. Təranə Məhərrəmova (2017). "Epizodik rolların mahir ifaçısı". http://anl.az/ (azərb.). “Kaspi” qəzeti. 12 Jun 2020 tarixində arxivləşdirilib.
  5. Rəhimli İ. Baxşəli Kazım oğlu Axundov // Şəki teatrı. — Bakı: Qanun, 2016. — Səhifələrin sayı:  383. — Səh.: 9. — 500 nüsx. — ISBN 978-9952-36-230-5.
  6. Orsər R. Baxşəli Axundov // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 182. — 500 nüsx. — ISBN 978-9952-8176-5-2.

Həmçinin, bax:[Vizual redaktə | HTML redaktə]

Mənbə — "https://sheki.org/wiki/index.php?title=Baxşəli_Axundov&oldid=56081"