Şəhla Əfəndiyeva

Şəhla Əfəndiyeva
	Əfəndiyeva Şəhla Məmməd qızı
	Şəhla Əfəndiyeva.
Doğum tarixi	25 aprel 1942
Doğum yeri	Kirovabad (indiki Gəncə), Azərbaycan SSR, SSRİ
Vəfat tarixi	21 iyun 2013 (71 yaşında)
Vəfat yeri	Bakı, Azərbaycan
Vətəndaşlıq	SSRİ → Azərbaycan
Təhsili	S.M.Kirov adına Azərbaycan Dövlət Universiteti, kimya fakültəsi, kimyaçı və kimya müəllimi ixtisası (1959–1964)
Evladları	Turan Murad və Urfan Murad
Atası	Məmməd Əfəndiyev
Anası	Nailə Babayeva
Mükafatları

Şəhla Əfəndiyeva (1942–2013) — tanınmış kimyaçı alim, kimya elmləri namizədi, AMEA Kimya Problemləri İnstitutunun (indiki Akademik M.Nağıyev adına Kataliz və Qeyri-Üzvi Kimya İnstitutu) böyük elmi işçisi.

Haqqında məlumatlar[Vizual/Mobil redaktə | HTML redaktə]

25 aprel 1942-ci il tarixdə Kirovabadda (indiki Gəncə) anadan olub.

Təhsili[Vizual/Mobil redaktə | HTML redaktə]

1959-cu ildə Kirovabad şəhər 24 №-li orta məktəbini,

1964-cü ildə S.M.Kirov adına Azərbaycan Dövlət Universitetinin kimya fakültəsi bitirib.

Əmək fəaliyyəti[Vizual/Mobil redaktə | HTML redaktə]

1965-ci ildən Azərbaycan SSR EA Qeyri-Üzvi və Fiziki Kimya İnstitutunda əvvəl kiçik elmi işçi, sonra elmi işçi, daha sonra isə böyük elmi işçi vəzifəsində çalışıb.

Elmi fəaliyyəti[Vizual/Mobil redaktə | HTML redaktə]

1971-ci ildə Azərbaycan SSR QÜFKİ-nin Elmi Şurasında “Qələvi elektrolitlərdən qurğuşun 4-oksidin elektroçökdürülməsi və onun anod kimi bəzi yod birləşmələrinin elektrosintez proseslərində tətbiq edilməsi” mövzusunda namizədlik dissertasiyasını müdafiə edib.

50-a yaxın əsəri çap olunub.

Elmi əsərləri müxtəlif metalların elektrokimyəvi cilalanması, parlaq mis və sinkin çökdürülməsi və s. məsələlərə həsr edilib. Elmi nəticələri Leytenant Şmidt adına zavod, Radioquraşdırma zavodunda sənaye proseslərində tətbiq olunub.

Yaratdığı “Alovlanmayan qarışıq” maddəsinə görə lisenziya alıb. H.Əliyev adına Sarayın, Bakı Bələdiyyə Teatrının və Bakı Dövlət Sirkinin pərdələri həmin maddə ilə işlənib.

Təltif və mükafatları[Vizual/Mobil redaktə | HTML redaktə]

Azərbaycan SSR Ali Sovetinin Fəxri fərmanı – əhalinin siyahıyaalınmasında fəal iştirakına görə (1970);

“Əmək veteranı” medalı (1985).

Vəfatı[Vizual/Mobil redaktə | HTML redaktə]

21 iyun 2013-cü il tarixdə – 71 yaşında, Bakıda vəfat edib.

Ədəbiyyat[Vizual/Mobil redaktə | HTML redaktə]

Məmmədov Ə., Xalıqov F. Əfəndiyeva Şəhla // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 179-180. — 1.000 nüsx.