Əliheydər Şamilov

Əliheydər Şamilov
Şamilov Əliheydər Əhməd oğlu
Əliheydər Şamilov.
Anadan olub	27 dekabr 1931(1931-12-27)
Anadan olduğu yer	Nuxa (indiki Şəki), Azərbaycan SSR, ZSFSR, SSRİ
Vəfat edib	9 aprel 2010 (78 yaşında)
Vəfat etdiyi yer	Şəki, Azərbaycan
Vətəndaşlıq	SSRİ→ Azərbaycan
Təhsili	Kənd təsərrüfatı İnstitutu, kənd təsərrüfatının mexanikləşdirilməsi fakültəsi (1953–1958)

Əliheydər Şamilov (1931–2010) — kənd təsərrüfatı texnikasının, nəqliyyat vasitələrinin təmiri və istismarı üzrə tanınmış mütəxəssis və rəhbər kadr. Sovet dövründə Şəkidə fəaliyyət göstərmiş “Şəki kənd-kimya” birliyinin sədri, Azərkəndtexnika Birliyinin nəqliyyat müəssisəsinin direktoru və s. vəzifələrdə çalışmışdır.

Haqqında məlumatlar

27 dekabr 1931-ci il tarixdə Nuxada (indiki Şəki) anadan olub.

Təhsili

1953-cü ildə orta məktəbi bitirib.

1953 – 1958-ci illərdə Kənd təsərrüfatı İnstitutunun kənd təsərrüfatının mexanikləşdirilməsi fakültəsində təhsil alıb.

Əmək fəaliyyəti

1962-ci ildən Azərbaycan SSR Avtomobil Nəqliyyatı Nazirliyinin Nuxa Avtobazasında kolon rəisi,

1963 – 1970-ci illərdə Azərbaycan SSR Daxili İşlər Nazirliyi Nuxa Rayon Daxili İşlər şöbəsində baş dövlət avtomobil müfəttişi vəzifəsində çalışıb.

1970-ci ildən Şəki rayonlararası vətəndaşlara məxsus avtomaşınlarin təmiri stansiyasında mühəndis,

1971-ci ildən isə həmin stansiyanın direktoru olub.

1975-ci ildə Şəkidə yeni təşkil olunmuş Azərkəndtexnika Birliyinin nəqliyyat müəssisəsinə direktor,

1980-ci ildə isə Şəkidə yeni təşkil edilmiş “Şəki kənd-kimya” birliyinin sədri vəzifəsinə təyin olunub.

1998-ci ildən əmək təqaüdünə çıxıb.

Təltif və mükafatları

• “Milis əlaçısı” döş nişanı.

Vəfatı

9 aprel 2010-cu il tarixdə – 78 yaşında, Şəkidə vəfat edib.

Ədəbiyyat

1. Məmmədov Ə., Xalıqov F. Şamilov Əliheydər // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 367-368. — 600 nüsx. — ISBN 5-8066-1708-4.