Müjkan Məmmədzadə
Müjkan Məmmədzadə | |
---|---|
Məmmədzadə Müjkan Əbdüləli qızı | |
![]() | |
Müjkan Məmmədzadə. | |
Anadan olub | 8 avqust 1983 |
Anadan olduğu yer |
Bakı, ![]() ![]() |
Vətəndaşlıq |
![]() ![]() |
Milliyyəti | azərbaycanlı |
Təhsili |
• Azərbaycan Dövlət Bədən Tərbiyəsi və İdman Akademiyası, bakalavriat (2001–2005); • Azərbaycan Dövlət Bədən Tərbiyəsi və İdman Akademiyası, magistratura (2011–2013); • Təhsil Problemləri İnstitutu (doktorantura, 2015–2018), • Naxçıvan Dövlət Universiteti, beynəlxalq münasibətlər fakültəsi (2015–2019) |
Müjkan Məmmədzadə — pedaqogika üzrə fəlsəfə doktoru, Bakı şəhəri Nərimanov Rayon Bələdiyyəsinin üzvü və Yerli Ekologiya Məsələləri Daimi Komissiyasının sədri, Azərbaycan Dövlət Bədən Tərbiyəsi və İdman Akademiyasının baş müəllimi.
Haqqında məlumatlar[Vizual redaktə | HTML redaktə]
8 avqust 1983-cü il tarixdə Bakıda anadan olub.
Təhsili[Vizual redaktə | HTML redaktə]
2000-ci ildə Bakı şəhər 278 saylı orta məktəbi bitirib.
2005-ci ildə Azərbaycan Dövlət Bədən Tərbiyəsi və İdman Akademiyasının bakalavr pilləsini fərqlənmə diplomu ilə bitirib.
2013-cü ildə Azərbaycan Dövlət Bədən Tərbiyəsi və İdman Akademiyasının magistr pilləsini fərqlənmə diplomu ilə bitirib.
2015 – 2018-ci illərdə Təhsil Problemləri İnstitutunda fəlsəfə doktoru proqramı üzrə əyani doktoranturada təhsil alıb.
2019-cu ildə Naxçıvan Dövlət Universitetinin beynəlxalq münasibətlər fakültəsini fərqlənmə diplomu ilə bitirib.
Əmək fəaliyyəti[Vizual redaktə | HTML redaktə]
2005 – 2008-ci illərdə Təhsil Nazirliyi Respublika Bədən Tərbiyəsi Mərkəzində mütəxəssis, aparıcı mütəxəssis,
2008 – 2014-cü illərdə Mədəniyyət və Turizm Nazirliyi Mədəniyyətşünaslıq üzrə Elmi-Metodiki Mərkəzində metodist, bölmə müdiri,
2014 – 2017-ci illərdə Xalq Təhsili Muzeyinin Elmi-kütləvi iş şöbəsinin müdiri,
2017 – 2018-ci illərdə Azərbaycan Respublikasının Təhsil Nazirliyində nazir müavininin köməkçisi – aparıcı məsləhətçi,
2018 – 2019-cu illərdə Bakı şəhər Mədəniyyət Baş İdarəsində ümumi sektorun müdiri vəzifəsində çalışıb.
Pedaqoji fəaliyyəti[Vizual redaktə | HTML redaktə]
2005 – 2006-cı illərdə Bakı Turizm Kollecində,
2006 – 2007-ci illərdə Beynəlxalq Kollecdə,
2007 – 2009-cu illərdə Azərbaycan Beynəlxalq Universitetində müqavilə əsasında müəllim,
2018-ci ildə Azərbaycan Dövlət Pedaqoji Universitetində müqavilə əsasında müəllim,
2019-cu ildən Azərbaycan Dövlət Bədən Tərbiyəsi və İdman Akademiyasında müəllim vəzifəsində çalışıb.
2023-cü ildən Azərbaycan Dövlət Bədən Tərbiyəsi və İdman Akademiyasında baş müəllimdir.
Elmi fəaliyyəti[Vizual redaktə | HTML redaktə]
5804.01-Ümumi pedaqogika, pedaqogika və təhsilin tarixi ixtisası üzrə “Tələbələrdə pedaqoji prosesi idarəetmə mədəniyyətinin formalaşdırılması” mövzusunda dissertasiyasını uğurla müdafiə edərək Azərbaycan Respublikasının Prezidenti yanında Ali Attestasiya Komissiyasının 19.05.2023-cü il tarixli qərarı ilə pedaqogika üzrə fəlsəfə doktoru elmi dərəcəsi almışdır.
60-dan çox Beynəlxalq və respublika elmi-praktik konfransların iştirakçısı,
90-dan çox elmi məqalənin, bakalavr pilləsi üçün 2 proqramın və Başqırdıstan Dövlət Universitetinin “Türk filologiyası: Gənc alimlərin tədqiqatlarında müasir yanaşmalar” mövzusunda Beynəlxalq elmi konfransın materiallarından ibarət jurnalın Azərbaycan üzrə redaksiya heyətinin üzvü və “ELGER” Beynəlxalq Elm-Tədris Mərkəzinin təşkil etdiyi Beynəlxalq elmi konfransların təşkilat komitəsinin üzvdür.
İctimai-siyasi fəaliyyəti[Vizual redaktə | HTML redaktə]
Azərbaycan Dövlət Bədən Tərbiyəsi və İdman Akademiyasında Təhsil aldığı illərdə akademiyanın YAP Gənclər Birliyinin və Tələbə Elmi Cəmiyyətinin sədri olub.
23 dekabr 2019-cu il tarixdə keçirilmiş Bələdiyyə seçkilərində Bakı şəhər Nərimanov Rayon Bələdiyyəsinin üzvü seçilib.
2020-ci ildən Nərimanov Rayon Bələdiyyəsinin Yerli Ekologiya Məsələləri Daimi Komissiyasının sədridir.
Digər[Vizual redaktə | HTML redaktə]
2010-cu ldə Azərbaycan mətbuatının 135 illik yubileyi münasibəti ilə M.F.Axundov adına Milli Kitabxanada Mədəniyyət və Turizm Nazirliyinin təşkilatçılığı ilə “Mədəniyyət” qəzeti redaksiyasının jurnalistlər arasında keçirdiyi müsabiqədə “Mədəniyyət” qəzetinin təmsilçisi olaraq həvəsləndirici mükafata layıq görülüb[1].
İstinadlar[Vizual redaktə | HTML redaktə]
- ↑ Zərbəliyev C., 2010, s. 1; 9.
Ədəbiyyat[Vizual redaktə | HTML redaktə]
- Zərbəliyev C. “Mədəniyyət mövzusunda ən yaxşı jurnalist işi” müsabiqəsinin qalibləri və Mədəniyyət və Turizm Nazirliyi ilə fəal əməkdaşlıq edən jurnalistlər mükafatlandırıldı // Mədəniyyət : qəzet. — Bakı, 2010. — В. 14 iyul. — Səh. 1; 9. Arxivləşdirilib; arxivləşdirmə tarixi: 7 avqust 2021.
- "Nərimanov Rayon Gənclər və İdman İdarəsi" (azərb.). Nərimanov Rayon Gənclər və İdman İdarəsi. 16 yanvar 2020. 16.05.2020 tarixində arxivləşdirilib.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
![]() |