Xurşid Abdullayeva
Xurşid Abdullayeva — Azərbaycan Respublikasının əməkdar artisti, Azərbaycan Respublikası Dövlət xor kapellasının direktoru, Bakı Musiqi Akademiyasının müəllimi.
Xurşid Abdullayeva | |
---|---|
Abdullayeva Xurşid Lütfəli qızı | |
Xurşid Abdullayeva | |
Şəxsi məlumatlar | |
Doğum tarixi | 15 sentyabr 1959 |
Doğum yeri | Bakı, Azərbaycan SSR, SSRİ |
Vətəndaşlığı | SSRİ→ Azərbaycan |
Peşələri | musiqiçi, pedaqoq |
Atası | Lütfəli Abdullayev |
Anası | Sevda Pepinova |
|
|
Musiqi alətləri | fortepiano, klavesin |
Təhsili | Üzeyir Hacıbəyov adına Azərbaycan Dövlət Konservatoriyası, fortepiano sinfi (1983–1988) |
Mükafatları |
Haqqında məlumatlar Redaktə
15 sentyabr 1959-cu il tarixdə Bakıda anadan olub.
Təhsili Redaktə
1966 – 1977-ci illərdə Bülbül adına musiqi məktəbində,
1983 – 1988-ci illərdə isə Üzeyir Hacıbəyov adına Azərbaycan Dövlət Konservatoriyasının fortepiano sinfində təhsil alıb.
1989-cu ildə Minsk şəhərində (Belorusiya) professor Arturo Sakettinin(en) (Vatikan) və 1992-ci ildə İngiltərədə Kolin Tilneyin(en) (Kanada) klavesin üzrə ustad siniflərini başa vurub.
1998-ci ildə Moskva Dövlət Konservatoriyasında dosent İ.Zenaişvilinin sinfində birillik ali ifaçılıq kursunu bitirib.
Fəaliyyəti Redaktə
1995-ci ildən Bakı Musiqi Akademiyasının orqan və klavesin kafedrasının müəllimi,
2001-ci ildən isə həm də Azərbaycan Dövlət Akademik Filarmoniyasında Azərbaycan Dövlət Xor Kapellasının direktorudur.
Türkiyə, Rusiya, İngiltərə, Belorusiyada konsert proqramları ilə çıxış edib.
Bir sıra elmi-tədqiqat işlərinin müəllifidir.
Təltif və mükafatları Redaktə
- “Azərbaycan Respublikasının əməkdar artisti” fəxri adı (5 may 2007);
- Azərbaycan Respublikası Prezidentinin mükafatı (30 aprel 2014; 6 may 2015; 6 may 2016; 1 may 2017; 9 may 2018; 10 may 2019; 7 may 2020).
Ailəsi Redaktə
Azərbaycan SSR xalq artisti Lütfəli Abdullayevin və alman dili üzrə mütəxəssis Sevda Pepinovanın qızı, Azərbaycan Xalq Cümhuriyyəti parlamentinin katibi Əhməd bəy Pepinovun və ilk azərbaycanlı musiqişünas qadın – Azərbaycan SSR əməkdar incəsənət xadimi Xurşid Ağayevanın nəvəsi, Azərbaycan Xalq Cümhuriyyəti parlamentinin sədr müavini Həsən bəy Ağayevin nəticəsidir.
Ədəbiyyat Redaktə
- Fortepiano, orqan və klavesin kafedrasının müəllimləri : Abdullayeva Xurşid Lütfəli qızı : [arx. 4 sentyabr 2019] // Bakı Musiqi Akademiyası. — Müraciət tarixi: 14.09.2021.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |