Coşqun Məmmədov

Coşqun Məmmədov
	Məmmədov Coşqun İsrafil oğlu
	Coşqun Məmmədov.
Doğum tarixi	23 may 1979 (45 yaş)
Doğum yeri	Baş Şabalıd, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Genetik Ehtiyatlar İnstitutu Şəki Elmi Tədqiqat Bazası (bazanın müdiri)
Təhsili	• Azərbaycan Kənd Təsərrüfatı Akademiyası (indiki Azərbaycan Dövlət Aqrar Universiteti), aqronomiya fakültəsi, bakalavriat (1996–2000) • AKTA Genetik Ehtiyatlar İnstitutu, kənd təsərrüfatı bitkilərinin genetikası ixtisası, magistratura (2005–2008) • AMEA Genetik Ehtiyatlar İnstitutu, bioloji ehtiyatlar ixtisası, doktorantura (2014–2023)
facebook səhifəsi

Coşqun Məmmədov — AMEA Genetik Ehtiyatlar İnstitutu Şəki Elmi Tədqiqat Bazasının müdiri. AMEA Genetik Ehtiyatlar İnstitutunun dissertantı olmuş, bioloji ehtiyatlar ixtisası üzrə fəlsəfə doktoru dissertasiyasını müdafiə etmişdir.

Haqqında məlumatlar[Vizual redaktə | HTML redaktə]

23 may 1979-cu il tarixdə Şəki rayonunun Baş Şabalıd kəndində anadan olub.

Təhsili[Vizual redaktə | HTML redaktə]

1996 – 2000-ci illərdə Azərbaycan Kənd Təsərrüfatı Akademiyasında bakalavr pilləsi üzrə,

2005 – 2008-ci illərdə isə magistr pilləsi üzrə təhsil alıb.

2014 – 2023-cü illərdə AMEA Genetik Ehtiyatlar İnstitutunun dissertantı olub.

Əmək fəaliyyəti[Vizual redaktə | HTML redaktə]

2004 – 2021-ci illərdə AMEA Şəki Regional Elmi Mərkəzində işləyib; o cümlədən,

2004 – 2017-ci illərdə böyük laborant,

2017 – 2021-ci illərdə isə Elmi Mərkəzin Bitki biomüxtəlifliyi və genofond şöbəsinin rəhbəri vəzifəsini tutub.

2021-ci ilin avqust ayından AMEA Genetik Ehtiyatlar İnstitutu Şəki Elmi Tədqiqat Bazasının müdiridir.

Hərbi xidmətdə[Vizual redaktə | HTML redaktə]

2000 – 2002-cü illərdə zabit kimi həqiqi hərbi xidmətdə olub.

Elmi işləri[Vizual redaktə | HTML redaktə]

15 dekabr 2023-cü il tarixində bioloji ehtiyatlar ixtisası üzrə fəlsəfə doktoru dissertasiyasını müdafiə edib.

Çapdan çıxmış 15 elmi əsərin və bir kitabın müəllifidir. Gürcüstan, Türkiyə, Bolqarıstan, Ukrayna və Özbəkistanda beynəlxalq elmi konfransların iştirakçısı olmuş və elmi məqalələri dinlənilmişdir.