Əbdülrəhim Məmmədov

Əbdülrəhim Məmmədov
Məmmədov Əbdülrəhim Əbdülrəhman oğlu
Fayl:Əbdülrəhim Məmmədov.JPG
Əbdülrəhim Məmmədov
Şəxsi məlumatlar
Doğum tarixi	1925(1925-Şablondakı doğum və ya ölüm tarixində texniki yanlışlıq var!-00)
Doğum yeri	Orta Zəyzid, Şəki qəzası, Azərbaycan SSR, ZSFSR, SSRİ
Təhsili	Nuxa Pedaqoji Texnikumu (1937 – 1940) Nuxa İkiillik Müəllimlər İnstitutu (1940 – 1942)
Təltifləri

Haqqında məlumatlar

1925-ci ildə Nuxa qəzasının Orta Zəyzid kəndində anadan olub.

Təhsili

1931 – 1937-ci illərdə Orta Zəyzit kənd yeddiillik məktəbində,

1937 – 1940-ci illərdə Nuxa Pedaqoji Texnikumunda,

1940 – 1942-ci illərdə Nuxa İkiillik Müəllimlər İnstitutunun fizika-riyaziyyat fakültəsində təhsil alıb.

1945 – 1946-ci illərdə Azərbaycan KP MK nəzdində Birillik Respublika Təbliğatçılar Məktəbinin dinləyicisi olub.

1962-ci ildə Moskvada Sov.İKP MK yanında Ali Partiya Məktəbini^(ru) bitirib.

İş yerləri

1942 – 1943-cü illərdə Orta Zəyzit kənd məktəbində təlim-tərbiyyə işləri üzrə direktor müavini,

1946 – 1951-ci illərdə Azərbaycan LKGİ Nuxa şəhər komitəsinin birinci və ikinci katibi,

1951 – 1952-ci illərdə Azərbaycan LKGİ MK-da şöbə müdirinin müavini, şöbə müdiri,

1952 – 1953-cü illərdə Azərbaycan KP Bakı Vilayət Komitəsində və Azərbaycan KP MK-da bölmə müdiri və inspektor,

1954-cü ildə Azərbaycan KP Qusar Rayon Komitəsinin ikinci katibi,

1955 – 1957-ci illərdə Azərbaycan KP Nuxa Şəhər Komitəsinin ikinci katibi,

1959 – 1960-ci illərdə əvvəl iki ay Azərbaycan SSR Nazirlər Sovetində sovet orqanları şöbəsinin müdiri, sonra isə bir il Azərbaycan KP MK İmişli Rayon Komitəsinin birinci katibi,

1960 – 1967-ci illərdə Nuxa Şəhər Komitəsinin birinci katibi,

1967 – 1986-ci illərdə Azərbaycan SSR Nazirlər Sovetinin sovet orqanları şöbəsində baş referent vəzifəsində işləyib.

1986-cı ildə təqaüdə çıxıb.

Hərbi xidmət

1943 – 1945-ci illərdə Böyük Vətən müharibəsində iştirak edib, 1945-ci ildə kapitan hərbi rütbəsi ilə sovet ordusundan tərxis olunub.

Siyasi və ictimai aktivliyi

1945-ci ildən ÜK(b)P-nın üzvü olub.

Azərbaycan LKGİ MK və Azərbaycan KP MK-ya üzv, II çağırış Azərbaycan SSR Ali Sovetinə deputat seçilib.

Vəfatı

Ömrünün son 30 ilini Bakı şəhərində yaşamış, 1998-ci ildə Bakıda vəfat etmiş, Bakıda da dəfn olunmuşdur.

Mükafatları

• “Qırmızı Əmək Bayrağı” ordeni (SSRİ);
• medallar.

Ədəbiyyat

• Məmmədov Ə., Xalıqov F. Məmmədov Əbdülrəhim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 373 – 375. — 1.000 nüsx.